Sex-it

[Psychobella]

Wenn e Frau schwanger isch, sich uf das Chind freut und s denn verlürt, isch das sicher es absolut traumatisches und tragisches Ereignis.

Mir schaffed euis euisi Realität selber. Es passiert folglich nüt i euisem Läbe, wo euisi Seel nöd genau so will erläbe.
Solchi truurigi Moment chönne aneh wie sie sind, vertraue druf, dass alles guet isch, so wie s isch...das isch sehr schwer.

Doch, ich glaube, dass s Läbe so eifach isch. Kompliziert macht's erscht euise Verstand und euisi Weigerig, vermeintlich negativi Sache chönne azneh und z akzeptiere.

@Saphira
Ich glaube, dass für die zwei Seelene 'Set und Setting' nöd gstimmt händ (mal abgseh vo körperliche Gründ, wo chönd vorhande si).
Ich hoffe für dini Bekannti, dass sie irgendwenn wird erkenne, warum sie das erläbe hätt welle. Mag si, dass ihri Seel e anderi Ufgab im Läbe hätt als Muetter werde.

[Titali]

Solchi truurigi Moment chönne aneh wie sie sind, vertraue druf, dass alles guet isch, so wie s isch...das isch sehr schwer.

Doch, ich glaube, dass s Läbe so eifach isch. Kompliziert macht's erscht euise Verstand und euisi Weigerig, vermeintlich negativi Sache chönne azneh und z akzeptiere.

genau psychobella

[Sven]

@Psychobella: ich erläbe veles genauso wie du. Din vorletschte Biitrag gfallt mer. Er belüchtet vorallem de ganz praktischi bes pragmatischi Aspäkt vo dem Thema.


zom spirituelle Teil:

Trotzdem ich sälber en sehr spirituell veralagte Mänsch ben, beni fescht devo öberzügt das vell wo met Glaube, Religion ond Wältaschauig ztue hed eifach Helfsmettel send omd met de Wörklechkeit chönne omzgo.
Ich glaube fescht a di "2. Wält", ond ich glaube mängisch au met ere en Kontakt z si. D Vorstellig das de Hauptgrond wieso das es Fählgeborte ged aber s ablehne vo nere Seele us em Jensiits esch, god för mich aber definitiv id Kategorie "Erchlärige förs onverständleche oder schmerzhafte".

Euses Mänschleche Dosi esch en mix us Körper/Geischt/Seele ond eventuell no vo Ebene wo ich ned kenne. Jedi devo hed Iiflöss uf euses Dosi. Sogse chan en Schwangerschaftsabbroch vo mer us gse au en ganz körperleche Grond ha.



@TiTaLi: oder dänksch di geischtigi Wält hed mini Grosmueter extra met em Velo störze lo, damet si eres 3. Chend verlüürt? Eifach well sech grad kei Seele fende lo hed wo sech vo mine Groseltere hed welle erzie lo? Sorry, ich dänke das geds ned.

Onter de Anahm das das Wahlmodell existiert wär för mich wärs natürlech, das en ongebornigi Seele sovell Ifloss ufs Wähle vo erne Eltere chan nä, wie mer ca uf s Wähle vo mene Job oder velecht vonere Partnerin.
Mer wett velecht gern an Poschte X ond probierts. Einigi schaffeds, einigi ned ganz, ond weder anderi müend s Läbelang met nere Arbet uscho wone eigentlech wedersprecht.
Klar chasch weder säge "die Seele hed ebe die Erfahrig welle". Glaube esch ebe glaube ond ich chan mich i dem Ponkt ned aschlüsse.
Ich dänke us dem Abschnett chonnt au use wasi zo "freie Welle" ond "höcheri Gwalt" dänke.

Ich neme ned a dasd mi falsch verstosch; ich möcht aber trotzdem säge das alldas nor es darlegge vo minere Sechtwiis ond e keinschter Art ond Wiis en Agreff uf dis Wältbeld oder din Glaube esch.

Love & Light

[Titali]

@sven: ich verstoh dich au scho und au saphira und
psychobella... äbe, ich respektiere jedem sini meinig
und glaube! ha nur wölle mis verständnis vom ganze
mitteile und ich bin froh, dass ich sovieli fessle
han glöst, au wenn mir das no oft schwärfallt, würklech
au so frei chöne zläbe!

äbe, ich ha das nid als agriff agluegt, sondern isches sehr
schwär für mich, öich das zerkläre, wüe für mich isch
das ganz logisch, aber äbe, für vieli nid, drum hets au
kei sinn meh für mich no meh zerkläre!

jedem sin glaube und sis verständis

[blaues hufeisen]

quote="Sven@TiTaLi: oder dänksch di geischtigi Wält hed mini Grosmueter extra met em Velo störze lo, damet si eres 3. Chend verlüürt? Eifach well sech grad kei Seele fende lo hed wo sech vo mine Groseltere hed welle erzie lo? Sorry, ich dänke das geds ned.

/quote

SORRY wenni mi do imische aber ich glaube ned, dasses a de TiTaLi lieht, dier die Tragödie ds erchläre. au sii möcht jo genau wie du ihri asichte abringe. meh nöd.

mängisch isches wükli besser, mer weiss ned alles. ond darum isches eso wichtig, ufgschlosse ds bliibe ond sich ned vorem unbekannte ganz ds verschlüsse. es sei denn, es tuet eim ned guet.

mag mi au ned grad erinnere, wie ich mich als sperma gfühlt han. isch aber sicher no geil gsi. eifach e bitz churz xi das läbe. vor mim jetzige uftritt uf dere wält.

[Titali]

fragt titali - das allumfassende forum medium im ständigen kontakt mit dem jenseits



*smail a alli zäme*

@hufeisen: was du chasch dich nüme erinnere, wo du mal es sperma bisch gsi *tststs*

[Sven]

tued mer leid wenns so öbercho esch als wördi mi vorem onbekannte verschlüsse. Ich diskutiere das wells mi beschäftigt, wells mi asprecht ond well ich mer ebe au ned 100% secher ben. Ond es wäri ned s erschte Mol das ich mis Wältbeld het chönne öberarbeite/erwiitere weli inere Diskussion en neui Erkenntnis gwonne hetti.

Ich glaube ich los jetzt aber au weder lo guet si ond meditiere höt obig dröber wieni mi ächt als (damals schnällschts ) Sperma gfühl han. Wohrschiinlech no bez als Teil vo mim Vater

[dex]

ich bin ein vertretter von "was ich nicht weiss macht mich ned heiss"


Für mi stimmts *g*

[blaues hufeisen]

ich stelle mier eifach vor, ich han eigentli nume welle go rauch-züx sueche. denn hani eso es ei troffe, womer e kei antwort geh hed also bini e bitz nöcher ane ond plötzlich, hed mich das ei nümme losgloh. peace out!

[Saphira]

Merci Titali für dini Usfüehrig - es isch au nid gmeint gsi, dass es a _dir_ ligt die Vorfäu ds erkläre, ganz und gar nid (@ Hufise). Es isch interessant ungerschidlechi Asichte azlose, es cha au immer si eiget Horizont erwitere. I müesst mi sicher igehender demit usenand setze - oder au mini Kollegin mitem verlorene Chind. Aber im erschte Momänt dönt so öpis haut wie e primitivi Erchlärig defür, dasses eifach mängisch vilicht au nur Ungrächtigkeit git.

I glaube scho as Übersinnliche und weiss, dass sich nur e chline Teil im Läbe berächne laht - de räscht isch Asichts- und Gloubenssach.

Aber mer chöme definitiv vom Thema ab, (obwohls no interessant wär) und i verstah au, wieso du nüt me zu däm Thema wetsch säge - accepted

[Titali]

ich halt jetzt eifacht mal frässe
und fröi mich irgendwenn mal es kindli zha mit mim traumprinz

[piraña]

und ich ha gmeint, das, wenn mer all s gliche glaube und wüsse würdet, dass mer denn erscht rächt kei diskussionsbasis hätted

[Indigo]

auuuutsch, mich het es bienli gstoche!

zum glück luegt de imker ihrem honig, während ich de chli stich verarzte tuen mit fenastil ... bbbzzzt.

[piraña]

vo mir us ghört sich jedi seel sälber...vo dem här cha e mueter es chind gar nid verlüre. und e seel, die nid ufd wält chont, die wartet viellicht ufe bessere ziitpunkt, zu dem sie ihri isichte cha imene läbe mache. viellicht macht sie denn au en ehrerundi - wer weiss.

es müend ebe sowohl mueter-seel, wie au chinder-seel bereit si - susch gits verzögerige...aber kei verlüscht...will au kei bsitz.

oder so

[Psychobella]

Was isch mit de Vätere? mit ihrne Seele? ghöred nöd eigentlich 3 dezue, wo müend bereit si?
Da wirds ja immer schwiriger, en Termin z finde, wo allne passt


@Indigo
schön für dich...das mit em Imker