Begleitig für a goas

[Daisy]

Hallo zäme Ha dänkt, troue mi iz eifach mau, sone Itrag zmache.

I sueche uf däm wäg widr Lüt, wo mit mir zämä a goas chöme. Leider si mini Lüt mittlerwile anderwytig
igspannt und ig chume chum no drzue, mit ine ane party zgah, wasi zimlech schad finde.
Chume us dr Region Bärn u bi mitti 20gi.
Wür mi fröie, we sech öbber würd mäude, womi zuekünftig chli regumässig würd ane party mitnäh.


Freue mi uf nachrichte

[Herby]

Heey ellei chond mer au guet dor d nacht, brucht halt chli meh öberwendig/ motivation los z goh aber ah de party sälber lehrt mer eh emmer lüüt könne^^
Ech ( mer ) be vo lozärn, drom au öpe det onterwegs, aber au ca. 1x im monet osserkantonal
Neujohr z.B. Kultarena kehrsatz in bärn aber au ZG, ZH usw. Jenochdem was so lauft.
Meist progy/psy/fullon, schübel/hitech au scho gsi aber eher abgneigt ossert lauft ofem 2. floor xD
Ahjo schüüch ond verschlosse gegenöber frömde send mer au ned^^
Send meist 5-10 lüüt, aber au scho 2-3 oder 20-30 alles vorchoh
Wenn also ned nor in bärn ih usgang gohsch & au progy/psy bevorzugsch dafsch gärn mol metchoh bzw. dech mälde.

Schöne obig & see you on the dancefloor

[Elfe]

Huhu Daisy

Genau wie du suäch i lüt wo mit mir a Goas chömmä.
I bi 23 w u chummä us Bärn, wär schön weh mir mau zäme chönnte go stampfä
Vorauem jtz de wo wider z One Love, Reisefiber etc. chömmä.

Schöns Tägli u bis gli

[materiau1a]

Hejj zämeee i würd öich ufjedefau mau par gedigeni partys zeige wär cooli sach itz löift de wieder hammerviu u die geilschte si eh outdoor vo dene machi ou säuber öppe de mau pari am wasser u im waud liebi grüess