Sex-it

[Indigo]

Sven. der link ist so alt wie meine abgelaufenen schuhe und bietet nur schreckliche zahlen. warum meinst du wohl, habe ich diesen sex-it thread eröffnet? hätte ich ihn eher love-it nennen sollen? gesunde, quicklebendige kinder sind immer noch das schönste geschenk des himmels, resp. auf erden.

und nun ab in die ferien mit mir, whishing everybody a sexy life.

[Sven]

Nunja, öber das wetti ned diskutier well ich ned fende das er "nor schrecklechi Zahle" leferet. Tued mer leid das ich en Link wo so alt wie es paar alti Schue send offebar bes jetzt öberse han.

[Melliandra]

So, han nid alles gläse und wett doch mini Meinig zu dem kund due.

Weiss nid öb das scho öber gschriebe hed, ABER ich han sehr viel gläse, dass
Chind id Wält setzte egoistisch isch???!! Das hed mich sehr verwunderet, denn
ich finde, kei Chind id Wält setzte isch egoistisch!

Ich meine isch super, wenn mer es Läbe ohni Verantwortig chan füre. Lang go
reise, sGläd für sich phalte, sLäbe gnüsse. Klar das isch jedem sini Sach, aber
es Chind i dere hütige Wält z'erzie und ihm ebe genau die guete Wert mit z'gäh,
au wenn dWält ja im Momänt ach soooooo schlächt isch (is sie übrigens au
vor 100 Jahr scho gsie) dass isch für mich die Verantwortig wo ich dem Planet
und de Mänschheit wett zrug gäh!

Ich säge nid es isch eifach und ich han mich au no nid traut mit dere Verantwortig
a z'fange, obwohl mier eus doch scho es Zietli sehr mit dem Tema befassed.

Ich bin nid viel de Indigo irerer Meinig, aber de Tread wo sie da ufgmacht hed, isch
eifacht nume toll. Mer sell mal dAngscht und "sSchlächte i de Wält z'gseh" verlüüre.
Isch mer sicher bewusst, dass mer nid liechtsinnig es Läbewäsi i die Wält sett setze, aber
mer sett au nid z'viel überlegge. Mer weiss ja, öb mer vo sich überzügt isch. Wenn mer
mit em Partner zäme chan säge, moll mier schaffed das, denn findi sell mer nid de
hütige Wält t'schuld gäh, dass mer's nid macht. Wo chömemer ane, wenn mer da
i de 1.Wält ufhöred Chind z'gebäre? Vorallem I DE ERSTE WÄLT! Dami eus gaz 1000x
besser als am Reschte.

Bezüglich em Adomtiere. Ich han bi zwei Familine ziemlich nah mitübercho, wo sie es
Chind händ welle adomtiere vomene andere Land. Es isch sehr ufwändig, was aber
dFreud natürlich nie chan überschatte. Was mich chli nachdänklich gmacht hed, dass
mer die Chind us ihrere Heimat riesst. Au wenn sie in Arme verhältniss dete gläbt händ,
es isch ihres deHaime! Da isch alles so steriel, dMänsche gsehnd anderscht us und alles
isch so anderscht. Klar die Chind werdet sich i läbe und dass sie anderscht us gsehnd, mit
dem werdets lerne umzgah. Aber bi denen chlin zwei Chind, hani mal gseh, dass die nid
chömed und findet: Danke, dass mir döfed bi euch i de Schwiez läbe, sonder hilfe die nämed
mich wäg vo dem wo ich känne....

Weiss nid... klar sett mer dene Chind hälfe, aber nach minere Meinig dete wo sie sind! Sie nid
da hie hole sonder luge, dass es ihne bi ihne besser gad.

Just my 2 cents

[Sven]

Melliandra, ich fende du schriibsch sehr guet. Ond so wie dus darstellsch teil ich dini Meinig au.
Insbesondere wenn us de Begröndig use "es langet ned för neui Möbel" abtrebe werd, esch de erwähnit Egoismus klar ersechtlech.
Ich dänke es esch eifach schwerig das so darzstelle; zB de Psychobella eri Usfüerig hani sehr aschaulech gfonde, wie ebe grad genau chan egoesitsch si chend z ha. (ned ellei si em Alter, en Maa versueche z bende ....) Letschtendlech chonnts glaub schwär ufd Motivation a wieso mer öppis macht, oder ebe ned macht.
Wie ich sälber scho gschrebe han; d Wält esch öberbevölkeret. Ob wägedem usgrächned die us de 1. Wält söled ussterbe esch froglech.

Bezüglech adoptiere hetti ich garned dra dänkt Chender us ferne Länder z adoptiere. So werds wohl au met nere Anöcherigsphase sehr schwerig. Ohni s konkret z wösse nem ich aber a, das es au i de Schwiiz no mehreri Chender ged wo ohni Eltere ufwachsed (?)
So wie dus beschriibsch geb ich der natürlech rächt.

Bem dröbernodänke beni zom Schloss cho, das för mich d Motivation ganz en wechtige Teil usmacht. Gods generell drom z becho oder z gä? Wer en Beziehig hed wo funktioniert ond au öppis mag träge söl au Chend ha, sofern das beidi wänd. Denn chan mer di erwähnte guete Wert ond Liebi secher au wiitergä. Es esch wohl aber generell en schlächti Idee us Ideologie use Chend z ha oder ned z ha.

Fendsch ich sötti mer säge "es god uf 30gi zue ond es werd Ziit för mich das woni glernt ond ufbout han wiiter z gä" au weni mi ned bereit fühle dezue?

[Melliandra]

Bem dröbernodänke beni zom Schloss cho, das för mich d Motivation ganz en wechtige Teil usmacht. Gods generell drom z becho oder z gä? Wer en Beziehig hed wo funktioniert ond au öppis mag träge söl au Chend ha, sofern das beidi wänd. Denn chan mer di erwähnte guete Wert ond Liebi secher au wiitergä. Es esch wohl aber generell en schlächti Idee us Ideologie use Chend z ha oder ned z ha.

Fendsch ich sötti mer säge "es god uf 30gi zue ond es werd Ziit för mich das woni glernt ond ufbout han wiiter z gä" au weni mi ned bereit fühle dezue?

das hesch mega schön gschriebe. Ich dänke dMotivation isch sA und sO. Und ich bin jetzt mal so fräch und behaupte, dass jede wo frei chan überlegge
use gfindet, dass es Chind nüd chan ersetze oder binde. Es Chind, gad i de hm.... erschte 15 Läbensjahr isch da um uf z'näh und zwar primär mal vo de Eltere.
Also de Gedanke dass ich es Chind will, will mier öbis fält, will ich nid will eleige sie, will ich de Partner will binde, will ich nid will go schaffe. Das passt so überhaupt nid
zäme für mich, denn so hät mer es Chind, will mer was vo ihm will. Ich dänke aber es Chind, sell vo mier chöne näh. Klar ich zwing em au mini Meinig uf, oder ich läbem
das vor, wo ich richtig finde. Au bi dem Punkt isch es en Grad wanderig.

Was mich aber gad zu dinere Frag bring und das gad genau um das, werum ich de Tread vo de Indoigo so guet finde. Meinsch dass du irgendwenn amene Morge verwachsch
und findisch: Ich fühl mich bereit! Han de richtig Partner, es stimmt alles als los. =o)

Ich han mier das immer so vorgstellt aber langsam dänki, dasi nie a de Punkt chume. Es wird immer was gäh, woni wird dänke, jäää passt das jetzt? oder chan ich das
scho? weiss ich denn wie das gad? oder was will ich denn dem Chind überhaupt bi bringe? Das sind so die düüfe Frage, denn chund ebe alles anderi dezue, bin ich und vorallem
mien Partner scho so wiet? (Finde en Frau sett sich die Frag stelle, findes schlimm wenn meh dFrau entscheidet) Schaffemer die krass Veränderig? jetzt womers doch
gad so guet händ? Wie isch das finanziell?

Drum han ich für mich müesse säge, ich CHAN gar nid wüsse, wies wird use cho. Viellicht hebt Bezieig nid, viellicht hämmer ke Gäld, viellicht chan ich miem Chind nid das
gäh wo ich will, ABER ich versueche mies beschte z'gäh! Und wend a dem Punkt bisch, chasch säg, doch im Momänt (und auno gad i de negscht Ziet) stimmts und ich
weiss dass ich mich am Chind chan gäh und das chund guet. =o)

Oke, wend natürlich no gfintsch, du wetsch no Sache im Läbe erläbe, wo für dich sind, denn mach das! Es wird (oder es wird au nid =o)) irgendwenn de Tag cho, wot
so gfintsch. So ich han scho viel gseh, viel erläbt, han es liebs Wese a minere Siete und ich weiss wer ich bin (zumindescht im Asatz) ich dänke denn chasch avange
uf dien Buch z'lose. Das hed nüt mit em Alter z'due.

Klar wenn de Punkt bi dier nie chund, denn selsch au kei Chind müesse ha. Mier isch es vorallem drum gange, dass ich's en schlächti "Usred" gfinde wemer das ganze immer
so global a lueged, was du ja au gschriebe hesch. Schlussändlich muess es für dich (+ Partner) stimme und ich hoffe du berücksichtisch da au biz die Andere. =o) Wens für dich
stimmt und du sGuete für dich und dieni Familie wetsch, denn chund das sicher guet, au für de Planet Erde mit sinere super Spezies Mänsch.

ABER das isch nume mini Meinig zu dem ganze, oder so wie ich das gad gseh. =o) Chasch mi ja denn imene Jahr, zwei wieder frage.



PS: Ich han jetzt immer in wieblich gschriebe, hehe gad natürlich au mit de PartnerIN ;o)
PPS: Isch natürlich jetzt nid nur für dich gschriebe Sven, aber es fallt mer eifacher zu einer Person z'rug z'schriebe.
Hoffe du fühlsch di nid a gfiffe.

[piraña]

make children - not love!

[Melliandra]

make children - not love!

Chind mache ohni love wär ziemlich dumm.

[Saphira]

Wenn mer
mit em Partner zäme chan säge, moll mier schaffed das, denn findi sell mer nid de
hütige Wält t'schuld gäh, dass mer's nid macht.

Richtig. Wenn zwei den Wunsch haben, eine Familie zu gründen und davon überzeugt sind, dann sollen sie diesen Schritt auch machen, solange sie dem Nachwuchs ein zumutbares Umfeld bieten können (Liebe, eine stabile Beziehung, aber auch die nötigen finanziellen Mittel. Soll nicht heissen, sie müssen in Reichtum leben, aber man sollte zumindest ein Dach über dem Kopf haben und die Familie ernähren können)

Und diejenigen, die eben eine solche Verantwortung nicht übernehmen können/wollen, die lassen es doch besser bleiben. Manchmal ist es auch einfach eine Frage des Alters. Ich denke, unsere Gesellschaft hat sich diesbezüglich schon verändert, dass man heute länger jung und frei bleiben möchte und vielleicht verhältnismässig relativ spät dazu bereit ist, solche Verantwortung zu übernehmen.

Leider habe ich gerade eine ziemlich dramatische Geschichte miterlebt, in dem ein Kind als Druckmittel missbraucht wurde. Beziehung aus, Sie wollte ihn zurück, die beiden haben wohl noch einmal miteinander geschlafen - sie witterte die Gelegenheit und nahm die Pille nicht - wurde promt schwanger und dachte, dass sie ihn so an sich binden könnte. Am Ende verlor sie das Kind, anscheinend wegen übermässigem Alkohol- und Drogenkonsum. DAS ist für mich egositisch. Ein Kind als Mittel der Erpressung zu benutzen. Das schlimme an der Sache ist, das solche Geschichten überall und häufig geschehen- ich frage mich, was in solchen Menschen vorgeht. Manchen sollte man das Kinderkriegen wirklich verbieten.

[piraña]

(@ melliandra: )

hey - du verstohsch ja plötzlich min humor

sex-it? möched chind! uf kommando?



chind entschtönd halt...und die chömid au entweder i liebi - oder i angscht.

us angscht use sett mer ke chind mache. au nid us angscht vor de tickende, innere uhr.

aber: wemmer gar kei chind wett, de verzichtet mer am beschte uf sex mit anderschtgschlächtliche partner. wills ke totsichereri methode git, um chind z vermiede.

möchid was ihr wennd, und wenn das chind sind: gratuliere! wenn nid: gratuliere!

[Sven]

Was mich aber gad zu dinere Frag bring und das gad genau um das, werum ich de Tread vo de Indoigo so guet finde. Meinsch dass du irgendwenn amene Morge verwachsch
und findisch: Ich fühl mich bereit! Han de richtig Partner, es stimmt alles als los. =o)

Wennd so wellsch: Jo.
Zwar velecht ned grad vo eim Tag ufe ander. Aber es händ sech doch scho es paar Sache e mim Läbe met de Ziit eräg ond veränderet. Velecht mach ich in der Tat no en Wandel dore, zäme met minere Geliebte ond mer wönsched eus es Chend. Who konows... velecht au es adoptierts us de Nöchi. Mer werdeds gse

[Melliandra]

@ piraña
Hehe ich bin es Lernfähigs


Stimme dier natürlich zue, uf Komando isch es genau so schlächt.
Hans eifacht mal kuul gfunde, dass mal öber für Chind red und nid
immer nur de gäge. Halt au mal biz umbeschwärt. (Han ja au glernt
wie dIndigo das amigs meint )

@ Sven
Jo ebe, ich bin viellicht gad i dere Phase, will bi mier im Momänt so viel
stimmt, wie no nie suscht i miem Läbe. Aber ebe getraue würdi meh doch
no nid.

@Saphira
Das isch en bösi Gschicht. Han die ebe au scho es paar mal mit übercho....
Dänke, dass das Chind nid uf dWält hed welle cho, hed au zeigt, dass es nid
undere guete Stern gstande isch. Aber das wär jetzt scho wieder sehr en
spirituelli Frag. =o)

Blub, ja also ich dänke im gross und ganze mached sich dLüüd, gad da inne
scho die richtige Gedanke. Han eifacht müesse fescht stelle, dass mer warschiendlich
nie ganz sicher chan sie, wies wird cho.

Drum giz bi eus zerscht zwei Büsis im Herbscht.

[piraña]

bald müend d mönsche ihri chind ehe nümm sälber mache. die wärdet de bschtellt und züchtet. chansch genau säge, wies sell si. tönt wiene horror-film - wird aber no praktisch.

"hey, schatz: wemmer no es chind?"

"ja...aber lüt du diesmal a!"

[meli]

[quote="Melliandra
Drum giz bi eus zerscht zwei Büsis im Herbscht. [/quote]

die hets bi üs vor kurzem au gäh... mir wend au no kei chind, isch no chli z'früeh- de hets 2 büsis gäh...

[piraña]

Drum giz bi eus zerscht zwei Büsis im Herbscht.

die hets bi üs vor kurzem au gäh... mir wend au no kei chind, isch no chli z'früeh- de hets 2 büsis gäh...

make büsis - not children


jetz chönder schön üebe - ihr vier

[Sven]

er mached das guet. Zerscht Chatze denn Chend.
Denn send d Chatze scho (oder hoffentlech no) do wenn d Chend ufd Wält chömed; ond met Chatze ufwachse fendi schön.