Heyho Leutz,
Merci für das cooole Fäschtli (warhaft küehl

) bi Vollmond. Ich hans also meeega gnosse!
Super Shuttledienst (vor dä Party), faire Itritt, härzigi Bändeli und äs Säckli für Abfall, guete Platz mit Fürr, yuhu!!!
Also am Afang han ich mi scho chli einsam gfühlt, ich han so niemert kännt, wo dän aber dä guet Kollegoli uftaucht isch (und ich ihn zuequatscht han), ischs dänn chli gselliger worde. Ich han au no super netti Lüt känneglernt *rüberzwinkerzumalix* und so isch das Fäschtli wie im Flug verbi gange. So äs Gmeinschaftsgoagfühl han i aber trotzdem nöd mit vilne gspürt, isch eventuell au a däm dunkle Liecht gläge, halt nur UV, da bin ich als Naturliechtkerzäfan nöd voll uf mini Chöschte cho. Vum Sound här bin ich vor allem vum Willi überzügt gsi, so schön wider mal äs paar älteri und traditionelli

Stuck zghöre, bin ich in Gedanke grad zu äs paar alte Cosmic Gypsiesparties zurückgschwebt. Ein Dj (Name unbekannt) wo geg dä Morge so 5i oder 6i am Morge Sound ufgleit hät, hät mir au no guet passt. Ja süscht seeeehr Full on laschtigs Line-up gsi, isch halt immer chli s`gliche, nöd schlecht aber leider au nöd total überzügend. Trotzdem bin ich no vil am tanze gsi, hät richtig guet tah mal all Energie uselah und sich mit neuer und positiver Lebenskraft ufztanke!
Am Morge simer dänn an Bahnhof glofe. Es hät gheisse das es obe 20 Minute gaht, ja chasch dänke mir sind über ä Stund am latsche gsi. Isch aber glich no en luschtige Marsch worde und bin froh gsi, dass ich nöd ällei dä Wäg han müesse laufe.
Merci vilmal a Traumtanzproduction, isch luschtig gsi und chume gern mal wider!!!