Sit langem vu mir wider mal en Partyreport:
Am Fritig simmer grad zur rächte Zit (wos mal nöd gregnet hät) a dä Party uftaucht und händ so öises Zelt (mit vil Müeh und Not) no vor em grosse Wulchebruch i dä Nacht chöne ufstelle, merci Petrus bisch en Schatz!!! Nach em Idunkle simer Festivalgländ go erkunde und im Schlamm go umämatsche, mini Hippiegummistiefel händ sich scho da zum erste Mal zu minere volle Zfrideheit uszahlt, kei nassi Füess isch ja herrlich gsi
!!! Wos dänn agfange hät tröpfle simmer is Zelt gflüchtet und sind trockenen Fusses und Hauptes bi öisem Zelt acho, während em Wulchebruch i dä Nacht isch es ja i öisem Zelt so gmüetlich gsi, dass öis keine usebracht het!!! Trotzdem mir Zelt absolut stümperhaft ufgstellt händ, häts brav sin Dienscht gleischtet und hät käs einzigs Tröpfli duräglah. Nur dä Sound hät öis arg lut dunkt, da Bass hät öisi Zeltwänd zum vibriere bracht, obwohl mir uf däm Zeltplatz wo am wiitischte wäg gsi isch vum Gländ campiert händ. So gern het ich mir Ohropax gwünscht dänn ich han Müeh bi Musig zschlafe und so häts ewig brucht bis ich wenigschtens äs bitzli ha chönne schlafe!!!
Am Morge hät öis Sunneschii und das herrliche Bergpanorama begrüesst und so simer dänn gschnell richtig Tanzflächi gstüret wo öis morgendlichi Kläng empfange händ und ich bim tanze so richtig wach worde bin. Morgenstund hat Gold im Mund, herrlich wämer sich wider id Auge luege chan und zäme am tanze isch. Dur dä Schlamm zu manövriere isch nöd ganz eifach gsi und einigi Wasserlöcher händ sich als Stolperfalle erwisä, ich han mir paarmal müesse s`Lache verhebe bim beobachte vu dä Lüt! Obwohl ich mit vilne Lüt grechnet han, hät mich Grössi vu däm Festival und die vile Lüt doch erstunnt. Leider han ich einigi liebi Lüt gar nöd gseh oder nur so kurz, dass mir gar nöd zum redä cho sind.
Nach em Mittag isch es mir dänn zu heiss worde uf dä Tanzflächi, so hämer öis uf en Spaziergang in Wald verzoge und sind as Flüssli go chille, ich muess säge Natur isch eifach herrlich detobe. Geg dä Abig simer wider füre ufs Festivalgländ, öise Mage hät knurret und mir händ nüt meh gschids gha zum ässe, so hämer öis halt an Fleischstand begäh und mangels anderem Food han i halt en Cervelat gässe. Also das isch würkli eine vu mine wenige Kritikpünkt, es het für soooo vil Lüt würkli sölle meh Foodständ (mit meh Uswahll) gäh! I dä Nacht hämer zerscht no chli Party gmacht, Lasershow glueget, versuecht mich nöd vu dä Nebelmaschine zbeneble lah *ggg*
, mit Lüt gquatscht wo ich scho lang nüme gseh han u.s.w. Leider häts dänn äs paar übli Type gha wo eifach zu astrengend gsi sind, so bin ich dänn i dä Nacht i mis Zelt gange. Trotz gmüetlichem Schlafsack und super Zelt, isch es mir erscht nach em Morgegraue glunge wenigschtens äs bitzeli zschlafe. Dä herrlich Sunneschii am Sunntig hät mich aber dänn wider mit em Festival versöhnt.
Gummistiefel montiert, kurzes Shirt und Rock agleit und ab richtig Tanzflächi, nach eme Kaffi isch es dänn so halbwegs wider gange. Trotz Müdigkeit isch dä Tag verbigflitzt so bin ich am Namitag im gröschte Sunneschii am Zelt abreche gsi. Zum guete Glück hämer öise super Chauffeur gha wo mich bis zur Hustür gfahre hät.
A däre Stell as meeeega Dankeschön a dich Adi, bisch en tolle Typ, häsch guet gschlafe, extra käs graucht am Sunntig und öis sicher heigfahre!!! Ohni dich het ichs glaubs nüme lebendig vu Rona heigschafft.
Trotz Sunnestich, Schlafmangel und Erschöpfig zieh ich ä positivi Bilanz!!! Merci a all Hälfer wo würklich all Händ voll ztue gha händ und vor allem a die wo das Gländ nach dä Party händ müesse ufrume, isch sicher nöd eifach gsi bi däm Schlamm.
BIG RESPECT!! 
esch natürlich mega schön das 
????
)
zuerst mal ein gosses lob an prof.kurt&daisy,dass sie es möglich machten dass 2duzend freunde-kolegen.eine hin und rückweg beschärt haben 
ahh 
](./images/smilies/eusa_wall.gif "Brick wall"){kind=small}