ihr sind alles zäme eifach geili sieche... *verplatzvorfreud*
ich wär natürli bime mysticalträffe bi de melliandra (merci!) gern debii... und e alphütte zum schwitze tönt super!
nomal zrugg zu mim ganz konkrete alige:
wie anderi vo eu au scho gschribe händ, isches vill eifacher, d verbindig mit sich sälber uufrächtzerhalte und regelmässig d methode zpraktiziere wo eim da drin understützed, wämmer sich z.b. wüchentlich mit gliichgsinnte trifft...
giz under eu au lüüt, wo da debi wäred? zum tanze, trümmele, musiziere, chlini ritual abhalte, still sii, uustuusche... vo mir us au zäme yoga oder die foif tibeter praktiziere oder was au immer... ich bin sicher, dass die meiste under eus methode känned, mit dene sie sich sälber id mitti bringed... sonen uustusch fändich e mega beriicherig!
hät da öpper vo eu inträsse dra? und chan öpper en ort usem ärmel schüttle?
(ich chent mis bescheidene wöhnigli zur verfüegig stelle, aber da hettet nur 8 lüüt platz (wänns no bequem söll sii..) und wüki luut chömer da au nöd sii... wär aber ok für es stills träffe im ganz chliine chreis... tee trinke, villicht chli schamanisch reise oder lislig musiziere)..
super wär natürli es rüümli, womer sich richtig chan uustobe und uusläbe...
ich schick mal schnäll e bstellig as universum ab, uf dass sich sonen ort offebart..




