mysticalforum

Es esch es super Wochenend gsi! Schöns Wätter, schön Warm und i de Nacht e wunderbar klari Secht ufd Sterne.

Danke vell mal a allne Hälfer und Musigmachers, ohni üch hättemer ke so schöni Party chönne ha!

Au es grosses Dankeschön ad Lüüt vo Traumtanz! Es esch wunderschön dekoriert gsi! Üchi Dekos hend guet zu üsne passt und es esch eifach mega farbig gsi.

So hoffemer ufe baldigi nachfolger Party! Remember esch eifach geil!

Danke allne wo cho send um met üs de alti schöni Sound z gniesse!

da chani mi nur aschlüüsse: isch e wunderschöni party gsi!!

musikalisch...hhhhmmmm... subconsciousmind hät mal wider hüenerhuut verursacht und mir es richtig tüüfs tanzerläbnis gschänkt... bin dur jenschti gfühl dure und han au einigi chnöpf i mim innere chöne löse dank dere musig.. am schluss hani mi voll losglöst und glücklich gfühlt.. merci raphi.
und dänn de folgendi dj... chan mi leider nüm an din dj-name erinnere, sämi, aber häsch verdammt geil uufgleit.. psychedelische sound vom feinschte..*devooflüüg*
de dj nachher hät huerre geile percussionslaschtige sound uufgleit...mann, ich han gmeint, mini lunge versäged irgendwänn ihre dienscht.. am liebschte hetti foif füess und drü ärm meh gha zum mit de musig mithalte (man stelle sich das bitte bildlich vor... hehe...)!

d stimmig isch de hammer gsi.. voll fridlich und fröhlich, han superliebi lüüt känneglernt.. es isch so schön gsi, dasi nöd wegcho bin vo de party...ich han mich im ganze drü mal vo allne verabschidet (isch langsam scho fascht peinlich worde..chchch), nur zum ufem wäg zum auto wider umzcheere, will d musig und stimmig eifach z geil gsi sind..

en virtuelle knuddel as zauberhäxli, d saphira, d psychobella, s handtuech, de jürg, s fuseli und de knabberfisch.. isch mega schön gsi eu det azträffe..
und danke terranostra für d begägnig.. hät mi mega gfreut dich kännelerne!
merci für alli strahlende gsichter und alli füess wo de schlamm uufgwirblet händ.. hät voll spass gmacht mit eu!

Äs git vo mire Site gar nümm viel meh ds säge, als was bereits gseit isch worde! - DANKE a alli, wo das wunderbare Erläbnis hei ermüglechet! Musikalisch bini durchwägs voll u ganz uf mini Choschtä cho, wobii i ds Set vom Cybird und ds aaschliessende "Füührwärk" vom Subconsciousmind no speziell möcht hervorhäbe - eifach grossartig!

I freue mi scho itz uf di nächschti Party vo euch


p.s. I ha am Sunntigmorge mit zwöine liebe Mönsche (einem Einsiedler und einer Einsiedlerin (nicht Eremiten, sonder, Einwohner des Klosterdorfes)) uf ä Shuttle gwartet und Whisky trunke. Dä cheibe Schnapps isch äuä chli ds starch gsi u so het öper vo euch am Bahnhof ds Wolhuse ä Plastiksack mit ämnä Pullover la lige. I ha dä när mit mir hei gno! Falls du (Bsitzer vo däm Pulli) das lisisch, de mäld di per PM bi mir u i wirde nä dir per Poscht schicke.

Wow...e chlini, feini Party...alles rundum hätt gestimmt für mich...Wetter, Temperatur, Location, Sound und ihr alli, wo das Wuchenend für mich unvergesslich mached.

Usnahmswis bin i relativ früeh itroffe, scho det isch d Party in vollem Gange gsi. Zu de Dj's chan i nöd vill säge...ich ha kei Ahnig, wer wenn ufgleit hätt
De Sound jedoch isch durchgehend zum Abhebe gsi, hätt eim atriebe und zum flüge bracht...eui es riesigs Dankeschön

Sehr gfalle hätt mir die liebevoll gstalteti Deko...fascht hätt's eim echli weh tue, wo am Sunntigabig di gross bös Scher cho und...schnippschnapp...di ganz ufwendig Arbet zunichte gmacht hätt

Zyt isch wider emal wie im Flug vergange...chuum han i agfange tanze und debi d Sterne dur d Löcher im Emmentaler beobachtet (oder isch das am Huusigang eifach es Stoffdach mit Öffnige gsi? ), isch es au scho wider hell worde und d Sunne hätt euis mit ihrne wärmende Strahle verwöhnt.
Dur di warme Temperature und di viele stampfende Füess hätt sich de Dancefloor am Sunntig in e zimlich matschigi Aglägeheit verwandlet...Kleider, Schueh und mis Auto erstrahled jetzt i de neuie Modefarb 'erdigbraun'

Unterhaltige vo witzig bis sehr ernschthaft, mit meh und weniger Inhalt (de cheibe Wodka ) han i dörfe füehre, einigi neui Gsichter kennelerne (Diana, terranostra...hätt mi gfreut, eui Bekanntschaft z mache)
@Shmahu keis Problem...im Gägeteil, isch doch schön, sich in Arm z neh...überlege mir grad, ob i mi s nöchscht Mal au meh als einisch söll verabschiede
Danke a alli flissige Helfer, wo die Party möglich gmacht händ, und es bsunders dankeschön a Saphira (du bisch eifach en Schatz, mit dir han i doch immer es Chäferfäscht), Shmahu, Zauberhäxli, Piraña, Jürg, Handtuech...schön, dass es eui git

Au wenn i am Namittag langsam am übereflocke gsi bi...s gefasste Jöbli am han i doch no zur volle Zfriedeheit vo sinere Uftraggeberin erledigt...alli Sugus nach Abzug vo de rote händ de Weg zu ihrne neuie Besitzer gfunde...ja und es git sogar Lüt, wo nur uf grüeni stönd (gäll Hölderlin ) ...ich hoffe nur, ihr händ eui alli brav d Zäh putzt am Abig

Fazit vom Wuchenend: eis verknacksts Handglenk (ich ha ja unbedingt welle d Abchürzig uf em Hosebode de Hang ab neh )...woher i allerdings Ruggeweh ha, weiss i nöd (oder bin i am Endi es paar Mal vonere Bank gheit und weiss es nüme? )...und ganz vill schöni Erinnerige, wo mir immer wider werded es Lächle is Gsicht zaubere, wenn i dra zrugg denke

4 heures pour arriver depuis le canton de Berne, mais comme ça en valait le déplacement. Merci beaucoup pour cette soirée et surtout pour la musique...mmmhh une délicatesse pour mon cerveau, brain gymnastik all the way

ja es isch wörkli wunderschön xi weder mal im paradislI¨han jetzt zum dritte mal dörfe det here reise und en wunderschöne obe/nacht/morge verbringe!
send denn gäge mittag gange zum nochli zluzern am see umelige, chli usspanne het au guet to! gäll spicky...!
wett iegentli gar nüt me afüege nur dasi gmerkt han dass de sound vo früener, won ich noni debi xi ben, au mächtig abgange esch! zwar ned emmer, aber meischtens hetter mer super gfalle, obschoni zwöschedure gern par neui lieder ghört hetti womer gad dure chopf gschwirrt sind! aber ebe isch super xi, vorallem eis lied, i glaub sesch sletschte vom cybird xi...? het jo mächtig grockt! falls du das lesisch, chasch mer ned säge wer denn das xi esch! wer cool!

Danke allne wo das fäscht ermöglicht hend, ghulfe hend, wo und wie au emmer, und vorallem dene wos so schön dekoriert hend!

Danke und hoffentli bis bald... in paradise...!

sodeli noch sonere schöne ond lässige party hani höt weder früe uf müesse ond go wörke
aber das kamer locher verkrafte wemmer a die schöne erenerige vo dem fästli zrog dänkt!

wet mech au no bedanke be allne musiczierende ond helfer au bsonders eusnem vereindli es het weder mol alles passet so wies sell merci merci

zom saund has scho lang nömme erläbt anere party das de saund vo a -z so zäme harmoniert het so dasmer het köne starte los flüge ond am schloss weder en suberi ponkt landig het köne mache esch eifach supet toll gse.

au no es dake schön as team vom willi

Ond no es spetziells danke schön an astronik ond at traumtanz deko team er hend super schöni dekos hend mehr mega gfalle vorallem dä kronlüechter ie de schürr ene ond die ganz schöne belder woner do gmolet hend.

so etz wönschi euch allne no en ganz schöni woche ond bes nechst moll wo wenn ond wie au emmer hehe

Also ich gang ja nur no sälte a Goa`s und wenn, denn muess sie genau SO sie...
Isch Hammersound gsi

DANKE DANKE DANKE

Allerdings han ich die Party ziemlich gfrustet verloh.... E hübschi blondi Frau, glaub au us Luzern, hett offesichtlich öppis vo mer welle, sich aber irgendwie net trouet (droge?) mich azspreche und isch die ganz Ziit cho und wieder devo gloffe/gsprunge. Mir isch es irgendeinisch zvell worde (has Gfühl gha alli hend das mitbecho) und bin churz nach em Mittag gange.... vielleicht wär ich besser ned gang oder doch - ach scheisse

Wer Sie kennt söll sich doch bitte bi mier mälde
da isch no es Fotti vo mier, evt. wüssed er denn wer ich bin http://www.nachtwandler.ch/dse/DominikEgli.jpg

PS: No es mega Merci a das Päärli wo mich unterwegs ufglese hend

Gegen halb neun Uhr morgens (Sommerzeit ) hab ich's dann auch endlich geschafft, einigermassen ausgeschlafen und nach einer langen Reise im Zug, bin ich in Wolhusen angekommen. Die Sonne schien schon über die Hügel hinweg. Dann ging gleich die Begrüssungszeremonie los. Es wurde gedrückt und gebusserlt und ich hab mich einfach mal richtig darüber gefreut, dass so viele gute Menschen anwesend waren.

So kam ich auch gleich richtig in Stimmung. Das ausgiebige rot-flüssige Frühstück an der Bar und der wunderschöne Sound haben den Rest beigetragen. Der Vormittag verging in gefühlten 20 Minuten. Zwischendurch gestärkt durch eine Cervelat vom Grill, ein paar roten Sugüslis, obwohl der "nicht mehr ganz so junge Mischu" die uns ja einfach weggegessen hat und seeeehr tiefgründigen Gesprächen (Ich glaub das tiefgründigste hatte ich mit mit CyBird über die Unterschiede zwischen Absolut- und Smirnoff-Vodka *g* Was soll's, manchmal muss man es auch einfach nur lustig haben!) Und so wurde es auch im Nu später Nachmittag.

Gegen Schluss hab ich mich zwar nur noch nach meinem Bettchen und einer Dusche gesehnt und war dann heilfroh, dass mich eine nette Winterthurerin bis zum nächsten Bahnhof mitnehmen konnte. Vielen Dank nochmal!

Was soll ich noch sagen - es het gfägt mit öich! Schön siter aui dert gsi, wo si dert gsi, au e Knuddel ad Shmahu zrügg und merci Bella, das chani nur zrüggäh! *schmatz*

scho lang bin ich nümme anere party gsi, wo d'üsbüte vo guetem sound so gross gsi isch, wie a dere remember-party danke

subconsciousmind hätt mich voll verschuubet und au de sämi (han de dj name scho wieder vergässe) hätt nach mim gschmack e sehr gueti uswahl vo altem, aber ebe nöd zu altem sound bracht....hätt mer würklich guet gfalle.

de sound isch a dere party fast immer psychedelisch gsi....was will me eigentlich no me?

na ja, viellicht e tanzflächi wo me chan besser tanze.....han ja mega muskelkater vom viele duruftanze. d'location han ich drum nöd so de hammer gfunde. zwar isch d'schüür voll herzig, aber de tanzplatz hätt ich gern uf ere wiese oder so cha.

bim deko händ sich sicher all viel mühe gä....aber ich persönlich staan nöd uf das styropor-uv züg. ich find das e party nöd so KÜNSTLICHS deko usmacht, sondern de sound, liebi mänsche und ebe so gueti stimmig wie a dere party.

danke isch en schöne morge und namittag gsi

also irgendwie schint mer, dass sech nada brahma jedesmol sälber öbertrefft...

chum dänkt mer es esch top gsi, werds bereits bi de nechscht weder öbertroffe...

esch werkli en hammer pary party gsi, vo a bis z...


vell me chan ech eigentlech nöm dezue schribe, osser viellecht no: danke vell mol för die super geil party, es esch eifach perfekt gsi, ond ech hoffe es ged bald weder en remember goa i dem stil... de alt sound gfallt mer halt scho vell besser, vielecht au, weli met dem me oder weniger "gross" worde ben

ach ja: hed öper föteli gmacht? wörd mi freue paar dörfe z gse...

eigentlich war mein plan ganz anders, aba dann hab ich mich doch dazu entschieden nach luzern zu kommen, ein glück, weil ansonsten hätte ich eine supa tolle party verpasst.

der anblick vom parkplatz auf die party war zauberhaft, sah aus wie ein kleines knallbuntes dörfchen am berg die party war schon im vollen gange als ich ankam, die leute waren alle supa gut drauf und der sound war toll, richtig hypnotisch, hab viele tolle alte stücke, die viele erinnerungen geweckt haben, gehört. hat mich gleich sofort mitgenommen auf eine lange reise.. diese reise war sooo lustig, dass ich heut muskelkater im bauch- vom vielen lachen und in den waden vom schiefen tanzen, hab

hab gar nix zu meckern, hat alles supa gepasst, vielen dank für diese spezielle party

hab mich auch riesig gefreut den aurelian- du hast es einfach voll drauf, macht mega freude dir zuzuschauen, psychobella- das nächste mal hau ma uns wieda n sektchen rein , saphira und den jürg kennenzulernen, bis zum nächsten mal..

Muss mich schlicht Bedanken eine Party bei der ich seit langem wieder mal sagen kann das hat sich gelohnt wens auch spöt wurde bis ich nach Wohlhausen runter lief wunderschünes Tal so nebenbei Ranjon the Celtic

Sodele.....
Ich möcht mich uf dem Weg bi de Nada Brahma Crew nomal herzlichst bedanke das ich bi Euch han dörfe cho spiele! Hät mega spass gmacht mal wieder die ganze alte Tracks chönne zspiele, big thx!

Isch en spassigs weekend gsi mit diverse intresante neue bekanntschafte.....

@ Saphira: wie gseit, es isch im Priis nur en chliine, fiine Unterschied, aber im Zuestand und vorallem im nachhinein en sehr grosse

@ 604: wenns würklech de letschti Track gsi isch wo Du meinsch den isches Yahel - Waves of sound (vom gliichnamige Album) gsi, de zweitletschti wäri "Mystica - Roni`s guitar" (Album: Age of Innocence) gsi

WOOOOW isch das ä super Party gsi!!!!

Musig hät mich absolut berüehrt und uf ä Reis gfüehrt, ich han gar nüme ufhöre chöne mit tanze *schwebdavonflieg*!!! Stundelang bin ich voll am abtanze gsi (sicher so öbe hmmm 10 Stund), ich han zwar mal wellä go schlafe, aber bi so Sound han ich da kei Change gha dass isch für mich no richtig psychedelische Sound gsi!!!!! Ich bin wider mal ohni Droge, Alkohol oder süscht öpis in en Trancezuestand innecho und han mich immer meh in Extase tanzt.

Vu Anfang a han ich mich wohl und dihei gfühlt a dere Party. Wo ich dänn no so vil liebi Lüt troffe han und mir zäme ä gueti Zit verbracht händ, isch es no vil besser worde!! A däre Stell en dicke knuddel a Shmahu, Psychobella, Saphira, Handtuech, Jürg, Pirahna, Aurelian, Napf-Zwärgli und a alli liebi Peoples wo für mich no wie äs Zückerli bi däre au süscht soooo schöne Party gsi sind.

Bsundrigs schöni Stimmig isch für mich immer am Morge wänns hell isch. Mä chan sich id Auge luege, tanzt zäme und irgendwie sind Lüt immer viiiil meh in Kontakt wänns hell isch, dass Gfühl vum Zämeghöre hät mich a däre Party sehr schön dunkt. Es sind Sugus verteilt worde und Banane (danke Knabberfischli), Schneeballschlachte händ stattgfunde, mä hät zäme glacht und gredet. Gern würd ich mich no meh dä Lüt aneh und mit einzelne no länger quatsche, doch bi soooo guete Sound bin ich halt meh ufs tanze konzentriert. Es isch mer schwer gfalle Abschied znäh vu däre Party, aber gegä dä Mittag hämer so ä tolli Mitfahrglegeheit gha und händ die natürlich grad gnutzt

Nomal äs meeeeega Dankeschön a alli Lüt vu Nada Brahma, ihr händ super Arbeit gleischtet und ä tolli Party uf Bei gstellt. Gern chum ich wider zu öi a Partys, au wänn dä Weg würkli lang isch. Ich hoffe doch es git bald wider mal ä Rememberparty, villicht Remember im September????