JUMP AND FLY 09

[darvida]

Eine Party auf einer Staumauer... das war wirklich mal was neues für mich.
Als wir zuerst bei der Mauer ankamen war ausser W. und S. noch niemand da, so dass wir noch Frühstücken gingen. Als wir zurück kamen, lief der Sound bereits und die Springwütigen stürzten sich furchtlos die Mauer herunter.
Die Aussicht dort war fantastisch: auf der einen Seite der See und das Tal mit kleinen Dörfern, Weilern und Weinreben. Auf der anderen Seite gehts paar hundert Meter runter und durch eine tiefe Schlucht richtung Lagomagiore - echt eindrücklich.

Soundmässig hats mir auch enorm gefallen... hab ich doch eigentlich erwartet (bzw befürchtet), dass es etwas gar minimal werden könnte. Doch Spirit brachte treibenden, fetten Progi.. konnte kaum ruhig stehen bleiben.

Hat spass gemacht!

[belly der bauchnabel]

also das reisli is ticino hät sich definitiv glohnt

mir sind am samschtig morge am halbi nüni zum busbahnhof am HB greist...dete händ scho es paar nätti lütlis rund um de silvan und sini dogs gwarted. chli käfeled und dänn mitem voll bequeme car richtig ticino gondelet..

dete acho häts grägnet was abemöge hät..es hät in ströme gosse. glücklicherwis isch aber nacher s petrussische
reservoir es bitzeli erschöpft gsi unds wätter isch eigentlich immer besser worde. d staumuur, s panorama und vorallem de näbel händ das ganze so richtig mystisch wirke lah...d krönig isch de wunderschön rägeboge gsi wo sich ufem see gspieglet hät

sound hät während em ganze tag würklich geil gfäget, zerscht de mäse aka spirit und nacher de willi aka schattenkrieger händ kei wünsch offe glah...es sind zwar nöd eso vil züt gsi, aber d stimmig hät voll passt de ganz tag, und d alag vom rené hät für die genau richtig lutstärchi,druck mischig gsorgt....eifach voll gedige

de silvan isch de ganz tag wie sones flissigs bienli am umesurre gsi und hät defür gsorget das alli schön wie planded zu ihrem freudig erwartete adrenalin schock dur de 220 meter sprung cho sind. grosses thanx au an silvan für de grossi isatz woner gleischted hät. isch also moltobene gsi

luschtig isch gsi z beobachte wie immer wider ganz normali peoples vom wandere cho sind und gstuuned händ wie das so lauft mit geilem, lutem goatechno&bungee...vorallem die ältere semester sind ganz gwundrig cho d lag abtschegge...isch aber durchwägs guet acho


mir sind uf jedefall wider debi next time
cheers and BOOM
belly aka der bauchnabel

[Tamjee]

boah esch echt es ganz geils erlebniss gsi det die staumuur abegumpe, yeeeeahaw!

do beni s'negst mol also gern weder debi

wenni d'fötteli ufe pc do han duenesi ufelade

merci vell mol an alli wo cho sind und der natürli au silvan fürs organisiere

[Tamjee]

do send fotos

[essiggurke]

hmm, das wo di andere herrschafte da obe meldet seit eigetli scho alles..

obwohl i mi am sihlquai und im bus eher mit schlafe beschäftiget han, isch alles en höchere gnuss gsi!!(schlaf-)trunke es paar nervösi gsichter z'erkenne. mit gmüetliche mensche sonen usflug go mache. lohnt sich nur!! au wenn das doch so andauernd was isch mitem portemonee..haha und au die frische weggli und die freie rauchregelige im car hend denn min kater chli uskuriert..

und de sprung. boah!!!! cha da gar nüt sege. ha au ke ziit gha zum mi vorbereite oder umenervösele, da doch sblatt sich denn zimli spontan gwendet het. aber selbst nur das gfühl ufem cheibe podeschtli zstah und sich mit de zeche zenti für zenti as rändli fürezbewege ... uiii macht mi grad wieder chribelihibelig...
schad isch nur, das mr sich selber nie bewusst isch, was mr da eigetli macht, bis mr's denn gmacht het. hoffe, es lönd sich i zuekunft na wiiteri mitrisse.

und dparty und die viele lüt ufem staumüürle obe sind denn wüki s'goldigglänzende tüpfli ufem i!!!
(nimmt mi nur wunder, wer vo dene menschlis da obe ez wär isch, da mr sich jetzt mit sicherheit mal gseh hed!)

ich glaube, au die föteli vo mir, em john undem silv sim brüedsch chömed bald uf cortipus.ch! aso schöön öp tu däit bliibe!

[darvida]

Danke für die Fotos - Da ich die Kamera eines Freundes benutzte, muss ich noch ein wenig auf die Bilder warten - sobald ich sie habe, werde ich sie online stellen

[essiggurke]

super! ich bin leider nani fähig, die uf mf zstelle, aber sobald i das erlernt ha, wirds au stattfinde.

suscht: es het scho bilder uf http://www.cortipus.ch ...!