Seite 1 von 1

Progressive Attack II - 20.09.08

Verfasst: So 21. Sep 2008, 15:19
von Father Oblivion
Ich bin scho sit Jahre a keinere Party meh im Wallis gsi und eigentli nur no zum go Bergstige i dere Gegend gsi. Umso meh häts mi gfreut dass i von ere liebe Kollegin de Tip becho han, dass am Wuchenend e Outdoor-Party oberhalb vo Brig stattfindet.. und denn erscht no Progi. /bigs (NEAT sei Dank isch mer hüt mit em ÖV au viel schneller vor Ort)

...und muess säge d Party hät all mini Erwartige übertroffe:

- Hammersound (wobi d "griezi-säger" hinter em Mischpult i de Überzahl gsi sind)
- agnehmi Temperature (kei Bise! Han vil z vil Chleider mitgschleppt)
- friedlichs Partyvolk
- agnehmi Barprise
- herzlichs (und herzigs :-D) Personal
- natürlich s Walliserdütsch (I'm loving it! O:) )

Also für mich isch es die schönscht Outdoorparty vo dere Saison gsi

Tuusig Dank de Organisatore und hoffentli bis nächscht Jahr

Re: Progressive Attack II - 20.09.08

Verfasst: So 21. Sep 2008, 16:52
von sunshaker
wow, scho de hei father oblivion....neat isch würkli schneller als mit em auto ;-)

party isch würkli sehr agnehm gsi. ganz loschtig lüüt , friedlichi stimmig, schöns plätzli, ganz liebi organisatorä und zfriedeni vibes.

merci all dene wo dra beteiliget gsi sind und wo wieder uf dem dencefloor umegwacklet sind, nach eusem start vom dj set ;-)

guet grettet, gell losi /bigs

biis bald im wallis

Heinz

Re: Progressive Attack II - 20.09.08

Verfasst: Mo 22. Sep 2008, 08:18
von battlefairy
Juhuuuu! /happy

Au für mi isches en Hammer Party gsi! De Platz isch mega schön gsi, ds Hüüsli wod Bar und ds Klo und Co. dinne gsi isch isch mega herzig und heimelig gsi und ich bin total begeischtered gsi vo dere wundervolle Stimmig wo all die Lüüt döt usgstrahled hend, han ke einzige suure Stei gseh, vo Afang bis Schluss ned!
Was mir au sehr gfalle hed für mich ganz alei isch, dass ich diesmal nur es paareli kennt han, mini Thuner Peoplez, de Aldo und de Papa Oblivion, ah ja stimmt, und de Elch, hihi, aber das sind scho alli gsi und das hed dezuegfüehrt dasi mit vile neue liebe und coole Lüüt ines Gspröch oder susch en witzigi Aktion cho bin *freud*
/bigs /grim /bigs

D'Musig isch herrlich gsi! Wunderbare Progi die ganz Nacht, es git's sälte dass mer dMusig die ganzi Ziit woni anre Party bin gfallt aber hie isches so gsi! eifach nume WOW! =D> =D> =D>

Jo und susch au eifach schöni Ziit erläbt (chönnt no en ganze Roman schribe!)(oder au en Lukas, oder en Jörg *lol*), womer anegfahre sind isches halt dunkel gsi, aber woni mitem "Shuttel-Dad" han dörfe zrugg an Bhf fahre am Sunntig bini nurno ade Schiibe (Autoschiibe :-D) kläbt, wäg dere atemberaubende Ussicht!

Also hoffe fescht dass es wieder mal sones wunderbars Feschtle vo/mit Euch wird gä, wirde sicher döt sii!
Bild

Re: Progressive Attack II - 20.09.08

Verfasst: Mo 22. Sep 2008, 12:00
von Macru
Hoi zämä

Cha mich dä Meinige, was Organisation, Location und Musik betrifft nur aschlüsse...s'Wallis isch SUPER /bigs

Händ es echt familiärs Party-Volk atroffe und e atemberaubendi Ussicht dörfe gnüüsse /bigs
Epi, Raphi und Co.: Ihr händ das echt super gmacht!!! Vom wegwiese über die kurios letschti Meile, Ufbau und Dekoration, Barbetrieb, bis Soundalag und Pannebehebig hät alles riebigslos klapped...DANKESCHÖN =D> =D> =D>

Ja Heinz, händ üs nomal guet gfange nach üsem verpatzte Start vom Set...sorry a däre Stell, das chas geh O:)
Mercy a alli, wo üs mit ihrne strahlende Gsichter agspornt händ /happy

Ich hoffe, das mä a dem Ort wiedermal cha öpis uf Bei stelle...ha bis jetzt us em Wallis nur schöni Erinnerige mitheigno: Schöni Landschaft und Region, super Lüt, guete Wein und s'Wichtigst...wertvolli und herzlichi Fründe gfunde /color

Wünsche allene e schöni Wuche und e gueti Ziet...

...bis glie wieder, Losi :-"

Re: Progressive Attack II - 20.09.08

Verfasst: Sa 27. Sep 2008, 00:47
von adda
yeahhhhhh =D> =D> =D> =D> /happy /happy

isch echt de hammer wie das i dem schöne wallis brig usgseht !!!!

super gueti stimmig progi sound ä korrekt suberi organisation =D> ..und ebä ä ober hammer location =D> =D> =D>

super party !!! =D> =D> =D>

hät mega spass gmacht det obe z spiele ..wänn die heimfahrt nur nöd so strub gsi wär ...hehe gäl tibi 8-[ ](*,) :-k :-$ :-$ /frage

greetz !!!