30.04.08 - 01.05.08 Reinkar-Nation @ glasshouse bülach Part2

[satropa]

*lach* he Käptän Oak....danke fürs Stäckli und kasch bi mir en persönliche Partyreport afordere

Des weiteren het mir Part1 besser gfalle wie Part2. Stimmig isch an beidne Parts aber sehr guät gsi. D'Mensche sind echt fröhlich unterwegs gsi, hets mich dunkt. Ich denke scho, dass do D'Organisation en grosse Ifluss uf d'Stimmig ha kann.
De Chrismos und Liquid Soul sind de Höhepunkt gsi am Morge vo Part2..wOw ..und ja danke für die x-tra Stund und das feine Brot am Morge..han grad no knapp möge mini Bei lüpfe zum die letschte Beats gebührend uszchoschte.
Es het mich gfroit Mensche z'treffe wo ich scho lang nümm gseh ha...und es paar neui derzuzä.

DANKE FREE FLOW FONDATION FÜR EUCHE ISATZ!

[Pilzli]

Yep, FREE FLOW FONDATION wüssend wirklich wie Partys mache.
Dä positive spirit vo dä Orgs chunt nämlich wirklich uf Publikum überer

Bis bald hoffe ich!

[caemix]

soooodeli...uff
wott mi uf däm wäg au nomal ganz fescht bi allne bedanke.
bim party volk wo so geilo druff gsi isch und mich bim uuflegge soooooo fescht lieb unterstützt händ mit fliisig ärschli gwaggle und so!
bim raffi und sinere crew! hut ab!
händ wieder mal was uf bei gstellt wo sich sehen lassen kann!
ha mi aso sauwohl gfühlt bi eu!
und raffi voll easy gsi wägem teilte set woni gha han.isch mal was neues!ha ja däfür nochli dörfe länger uuflege!thanks a lot my dear!
und hät richtig spass gmacht mal wieder chli prögele, hani scho länger nüme gmacht!

und natürli bi allne hälfer,barleutz (wo mir mängisch fascht chli leid ta händ.händ geg dä morge scho langsam nüme so frisch uusgseh,aber isch au verständlich!),bidä nette securitasssäne und hm.ja
villicht ja no am kebab stand hihiihihi

bis bald wieder mal und tschüsschen

[Ajanix]

ps: cosmosis is the most friendly person i've met in loooong time ....

indeed

danke eu allne für eui wort... es tuet mega guet zghöre, dass sich eusi möhe glohnt het und motiviert eus, bald bald wieder öppis für eu ufd bei zstelle... Doch vergässed nöd: Nöd mir mached die guet Party, IHR mached e Party erscht zunere guete Party

das isch wie ying und yang, ohni s'einte gaht s'andere nöd

Keep on Rocking

[mondkind]

ich dankä eu allnä für diä überus glungäni party
für all diä lachendä gsichter
für all diä stampfändä füäss
für jedes entschuldigung
dankä eifach für alles äs isch ächt äh verdammt geili party gsi und jedä vo eu hät än teil däzuä bitreit...
reinkar-nation jeder zeit wieder
in liebe euer mondkind

[Moon Boots]

Ich möcht mich do au nomol ganz herzlich bim Raphi und de ganze Free Flow Foundation Crew bedanke, dass ihr mir ermöglicht hend,dass ich zu sonere geile Ziit, vor somene geile Publikum han döffe uflegge.

Es esch s'erstmal gsi wo soviel Lüüt zu dem Sound tanzed hend, wo ich ufgleit han und es esch eifach de Wahnsinn gsi, da ich ja sogar no elei det obe gsi bin und ned wie suscht mit mim Moonboot Partner em Andrew, wo leider verhinderet gsi esch.

En grosse Dank au as Partyvolk wo flissig am shake gsi esch und am jubble und klatsche, es hed mir mega viel bedütet. Danke au für die viele Kompliment woni becho ha (Delirium, ich wörd gern mal mit dir zäme uflegge ) und en spezielle Dank an Nils, wo mir esch cho Wasser bringe, woni fast am verdurste gsi bin

Jedefalls esches eifach de Oberhammer gsi und freu mi ufes nächschts mal!!!

Danke Danke Danke !!!

Carlo aka Moonboots

[Mirowsky]

auch von meiner seite..danke....hatt echt spass gemacht,besonders am donnerstagmorgen

[Käpten Hirni]

he verzell..und ja was steckli?..palo santos?..schit hilf mer ufd sprüng:-)

grüässölo us röööpi

[hoeschi35]

was soll mann zu so einem event noch sagen nur noch geeeeeeeeeeeeeeeeill
danke raffi domi al nico und allne wo kolffe haend.es freud mi sehr das mir vo vibrative sounds drzue haend choeene bitraege.
jeder zeit an jedem ort sind wir fuer euch da merci merci merci au vo eusne helfer eure hoeschi

[shako]

Da no dä link zu dä Föteli: www.myspace.com/shakoaudio
Dasmal hets nid so viel Föteli gäh wie am Weekend... Bis bald wieder mal

[Moon Boots]

Hmm hett echt suscht no öpper föteli gmacht?, Hätt nämlich gern eis vo mir hinderem Mischpult

[Lila]

isch geil gsi..beidi parts

sogar min rucksack isch wider fürecho..merci..ehm da ich bim erste part ebe de rucksack nüm gfunde han hani efoch en jagge mitgnoh..wel mini jagge im rucksack gse esch und wer chle chalt gsi ohni jagge hei..

esch en schwarzwissi vo yes or no..wer sie vermisst melde..und susch bhalti si gern^^

[Human]

Ich chan mich da de allgemeine Meinig nur ahschlüsse;
Mer hät gmerkt dass de Raphi "Ajanix" und die wiitere Organisatore und Hälfer/inne extrem vill Ziit, Müeh, Energie und Liebi i de Event gsteckt händ.

Danke @ Raphi für s'Booking, hät Freud gmacht a Euere Party z'spille!

[parabellum]

pics chömed gliii glii. und höred mal uf mit dem ewige: 'du laura, wänn stellsch d fotene online?'
AM TAG NACH DE PARTY!! und zwar jedes mal! aber d pics uf de server lade isch no lang nöd = pics ufschalte. ich ha kei iifluss druf, wänn d pics ufgschalte werded!
motze chönder bim alex.

[Gurgel]

Hallüüüü!

Superhammergeili Party gsi muesi scho säge!!!! Bin vom Mittwuch uf de Dunnschtig döte gsi und muen säge isch eini vode beschti Partys wohni je erläbt han.

Chan mir öpper verzelle wie die göttin ade Turntables mit de Dreads heisst? het zweimal uufgleit wohni döte gsi bin! No nie het en DJ/ane min Gschmack eso guet tüpft wie sie! Respekt!

Merci namal ganz fescht fürs Orga Team und alli lüüt wo döte gsi sind!

grüessli

Gurgel