Kein Bock....

Hier kannst Du allg. Fragen stellen.
Benutzeravatar
Suy
Silver Member
Silver Member
Beiträge: 55
Registriert: Mo 23. Feb 2009, 19:31
Kontaktdaten:

Re: Kein Bock....

Beitrag von Suy »

wuchenendbefürworter hat geschrieben:
Jetz merki grad, dassi zu sehr is Moralische inegheie, mini Frag isch eigentli würkli nur:
Wänn eu s alltägliche Läbe über en längere Ziitruum aaschisst, was macheder?
also ich mach dänn folgendes: ich säg JA zu mim aschiss und gib mich eifach voll drii! (oft gnüssis irgendwie au, will äs chunt ja nöd so oft vor!) und irgendwänn hät dänn dä aschiss gnueg ufmerksamkeit gha und verpisst sich! ;)
das isch mis "gheimrezept" und erzügt bi mir die schnellscht "heilig" wänns mir schlecht gaht (hans au gnueg oft mit ablenkig etc. probiert aber das isch nöd so würkigsvoll, ich dänkes dä aschiss wott doch au ernscht gno und nöd immer verdrängt wärde!!)
allgemein d'situatione im läbe eifach eso anäh wies sind, ohni sie gross z'bewärte, das bringt, zumindescht i mim fall, viiieeeel meh z'friedeheit! chasches ja aumal probiere!
und hey, wänn ja s'läbe "nur" äs spiel isch, dänn scheiss eifach emal uf d'reglä und läb das wo dich erfüllt! sött ja nöd so ä hexerei sii, vorallem wämer allei isch und kei chind hät, dänn bisch ja frei wie än vogel und äs stönd där quasi alli türe offe! also los, ufstah, türe ufmache und use i die gross, wiit, spannend und vielsiitigi welt!! ich glaub dä sinn im läbe isch eifach z'läbe und freud dra zha!
ENJOY EVERYTHING! n-smile_0329.gif n-smile_excited.gif
Benutzeravatar
nexus
Platin Member
Platin Member
Beiträge: 1993
Registriert: Mi 7. Nov 2007, 15:08
Wohnort: am See

Re: Kein Bock....

Beitrag von nexus »

"die Freude am Leben ist unsere Stärke"

@ Dude: kiffe bringt da aunöd vill, sufe aunöd. isch doch nur ablenkig.

@ Suy: richtig =) es brucht doch amigs es tüüf dass au wieder is höch cho chasch :)
Ps. Wenn en nick grau und nüm schwarz isch, ischer abgmolde vom forum, abr tuens em usrichte wenn'n widrmal anre party xehn.
Liebe Respekt Anarchie
Benutzeravatar
Nichtlustig
Platin Member
Platin Member
Beiträge: 294
Registriert: Sa 22. Aug 2009, 20:10

Re: Kein Bock....

Beitrag von Nichtlustig »

Wenn en nick grau und nüm schwarz isch, ischer abgmolde vom forum, abr tuens em usrichte wenn'n widrmal anre party xehn.
bin mal de wuchenendbefürworter gsi...han dänn aber irgendwie gfunde, dasses chli unfair gegenüber vo de wuchetäg isch...

isch no luschtig, was me i föif jahr so alles erlebt und wie sech d asichte änderet...

im moment hani irgendwie wider chli meh bock ufs lebe...han wider agfange fuessball spile, wot erwachsnematur mache und versueche dfinger vo droge zlah...

ok, bin meischtens glich no zimli depressiv, hani aber zumne grosse teil selber z verantworte...z vil verbockt im lebe...
The Dude

Re: Kein Bock....

Beitrag von The Dude »

@Nexus

Sag ich doch! :-D
Die Frage ist aber nachwievor offen... :-k

@NL

Ach, das ist mir jetzt aber neu ;)
Ps. Dachte allerdings, dass da auch noch andere (gute) Gründe mitgespielt hatten... :-" =P~ O:)
Benutzeravatar
nexus
Platin Member
Platin Member
Beiträge: 1993
Registriert: Mi 7. Nov 2007, 15:08
Wohnort: am See

Re: Kein Bock....

Beitrag von nexus »

:-k denn hät sich öper mal als dich usgeh nichtlustig, das ribem denn au gad unter d'nase ;)

hm ahschiss.. vilicht chani mi glücklich schätze dass amigs nur par minute odr stunde gaht und nüm monate teils wie ih jüngere jahr. wennt mal ghungered durscht glitte odr langi ziit ide chälti di durekämpft häsch, gnueg schlechti trips gha, unfäll überläbt, inre gsellschaft vom überfluss läbsch. chasch eifach nur froh si am läbe därfe zsi und dene wo vor de zug gumped am liebschte eis ufs fudi geh wils de ganz verkehr beischränked, au wenns nüm ume sind
Liebe Respekt Anarchie
Benutzeravatar
Nichtlustig
Platin Member
Platin Member
Beiträge: 294
Registriert: Sa 22. Aug 2009, 20:10

Re: Kein Bock....

Beitrag von Nichtlustig »

denn hät sich öper mal als dich usgeh nichtlustig
wer chunt dänn uf sone idee? :lol:

ich wott ja vilfach nöd emal mich selber sii :-k
Dachte allerdings, dass da auch noch andere (gute) Gründe mitgespielt hatten...
ja, scho...gseht etz mittlerwile alles chli andersch us...probier mer müe zgeh, aber gheie halt glich ab und zue i alti verhaltensmuster zrugg...

hätt eigentli dert scho en art neuafang sölle werde, aber ebe...
Benutzeravatar
Gon Freeks
Gold Member
Gold Member
Beiträge: 237
Registriert: So 2. Jan 2011, 00:24

Re: Kein Bock....

Beitrag von Gon Freeks »

blüemle nöd ume gibs der hert /happy
Sputinchen
Beiträge: 34
Registriert: Di 12. Okt 2010, 19:21

Re: Kein Bock....

Beitrag von Sputinchen »

es ist ein Leichtes zu bleiben was man ist, anstatt das zu werden, was mach sein möchte

Ich weiss, man soll sich selber treu bleiben und sich selbst sein blablabla - ich kenn die Leier. Ich hatte auch eine Zeit, in welcher ich sehr unglücklich war... Es ging eine Weile bis ich vestand, dass ich andere Leute nicht für mein Glück verantwortlich machen kann. Wirklich lange bis ich wieder sehen konnte - mich selber sehen konnte. Was ich sah, gefiel mir nicht. Und so wurde aus mir die, welche ich heute bin. Und ich bin glücklich. Nicht immer. Aber doch, mir gefällt wer ich heute bin, wie ich bin...

Nja, das soll kein Lösungsvorschlag sein, so voreingenommen bin ich keinesfalls. Ich kann nur sagen, wo der Knackpunkt in meinem eigenen Prozess war. Es war das kalte, erschreckende Erwachen aus meiner Traumwelt =)

Viel Glück dir, Nichtlustig
Gänsehaut
Beiträge: 47
Registriert: Mo 11. Jun 2012, 16:18

Re: Kein Bock....

Beitrag von Gänsehaut »

Während sich's Gon Freeks pausenlos hert git, hat Wochenendbefürworter anscheinend auch keinen Bock mehr auf uns! /happy
The Dude

Re: Kein Bock....

Beitrag von The Dude »

Wie kommst Du jetzt da drauf??

viewtopic.php?f=29&t=21132

(um nur mal ein mögliches aktuelles Bsp. zu nennen, das durchaus auf Bock schliessen lassen kann... O:) )
Gänsehaut
Beiträge: 47
Registriert: Mo 11. Jun 2012, 16:18

Re: Kein Bock....

Beitrag von Gänsehaut »

The Dude hat geschrieben:Wie kommst Du jetzt da drauf??

viewtopic.php?f=29&t=21132

(um nur mal ein mögliches aktuelles Bsp. zu nennen, das durchaus auf Bock schliessen lassen kann... O:) )
Er hat sein Profil gelöscht... da kam mir den Verdacht auf, er möge vielleicht keinen Bock mehr haben auf uns /grim
The Dude

Re: Kein Bock....

Beitrag von The Dude »

Lesen erübrigt zum Teil Fettnäpfchen ;)

viewtopic.php?f=25&t=7356&start=32
Gänsehaut
Beiträge: 47
Registriert: Mo 11. Jun 2012, 16:18

Re: Kein Bock....

Beitrag von Gänsehaut »

The Dude hat geschrieben:Lesen erübrigt zum Teil Fettnäpfchen ;)

viewtopic.php?f=25&t=7356&start=32
Uuuupsss.... ja wahrscheinlich... /happy Dann hat er eben doch Bock auf uns, auch gut! /grim
Benutzeravatar
Nichtlustig
Platin Member
Platin Member
Beiträge: 294
Registriert: Sa 22. Aug 2009, 20:10

Re: Kein Bock....

Beitrag von Nichtlustig »

hehe was sech alles so tue chan innerhalb vo 13 jahr...

dete bini 19i gsi(als wuchenendbefürworter unterwegs), bi id kanti gange und ha no kän peil gha, dassmi no ca. sibe psychiufenthält erwartet, bisi tschegge, dassi eigentli gar kä schizophrenie han - wasi zwar gha han, aso s ganze programm mit stimme, paranoia und so, luut icd 10 - sondern nur es luuts unterbewusstsii, wo mer hät welle säge, dassi mal chli gnauer uf mini lebesgschicht und beziehige sött luege und wider s stüür i mim bewusstsii übernäh...you create your own reality

wani au glernt han isch, dassi zwar chan hilf aneh unds au immer lüüt rundume gha hät - mängisch bewusst, mängisch unbewusst, mängisch offesichtlech, mängisch versteckt - wo händ welle helfe, dassme de letscht schritt zunere gwüsse form vo innerem glück, innerem fride oder innerer freiheit aber selber muen mache...

mittlerwiile weissi au, wie befreiend dasses isch, wänn mer e ethisch usgrichteti scheissegalität(chönnti etz da länger erkläre, hoffe aber dassmes nöd falsch verstaht) lebt und sogar em tod mitere gwüsse selbstironie begegnet...

stell der vor, de tod begegnet der, hät angscht vor dir und du erklärsch em langsam, dass du nur d selbschtironie representiersch und er eigentli scho vor jahre am ernscht begegnet isch und en eifach killt hät...

jedefalls, nachdemi no churz de tüüfel gsi bin und mer vorgschtellt han ine ewigi höll zcho hani irgendwie müsse mini philosophie vom lebe überdenke und es ziitli lang medis neh, bisi depressiv und alkoholiker worde bin...

ok, tönt etz grad recht scheisse, aber s geile chunnt zum schluss...

hüt bini so scheisse froh hami nöd umbracht...

s lebe isch geil und wäns das nöd isch bestaht immer d möglechkeit, dasses das werde chan...

ziit heilt wunde, definitiv...

bitzli geduld und en philosophische weg vo de vergebig dezue...

selbschtmitleid sii lah, druf luege wamer hät und nöd wamer nöd hät...

und geeeeeduuuuldd....

gaht nöd vo hüt uf morn...

und immer sich bewusst sii, dasses immer mindeschtens ein mensch git, wo eim gern hät...

und da wär de worstcase...

warschinlecher sind meh...

und susch chame ja immer no sich selber gern ha...

und dur das au die andere...

was dänn die andere gspüred...

und eim dänn au gern händ...
Benutzeravatar
Yagé
Beiträge: 38
Registriert: Fr 15. Apr 2016, 20:21
Wohnort: Erde

Re: Kein Bock....

Beitrag von Yagé »

Yeah! Schöne Wandel alter Forumsgefährte!
/color /color /color
Freut mi doch sehr das zläse.
...zünde lieber eine Kerze an, anstatt die Dunkelheit zu verdammen!

...und was wir im Feuer verlieren finden wir in der Asche wieder!

...aber die wichtigsten Dinge, sind ohnehin nicht Dinge!
Antworten