für was läbed ihr?

[Shmahu]

mich wür mal mega intressiere, was so eue läbensaatriib isch. für was läbed ihr? giz öppis wonir eu voll driigäbed, wo eui ganz liideschaft isch? was wännd und chönd ihr de wält schänke?

oder: wänn ihr jetzt uf de stell würdet sterbe, hettet ihr d'gwüssheit eui träum verwürklicht zhaa oder würed er öppis bereue?

ich schriib das usem erläbnis use, woni voreme ziitli gha han. bin sehr chrank gsi und bin im fieber-delirium mim tod begägnet. und s'einzig woni bereut han i dem momänt, woni gmeint han ich müs sterbe, isch gsi: verdammt, ich hett so gern mis talänt uusgschöpft und no mee musig gmacht und de mänsche demit öppis gää.

wiemer gseht bini no da und mach meh musig als je zuvor...

und das mich immer wunder nimmt was i de herze und de chöpf vo de mänsche abgaat, würi mi über antworte mega freue.

[Conclusion]

Mein Lebensinhalt?

1. Meine Familie (es gubt nichts wichtigers als die Leute die man liebt)

2. Meine Kreativität


..... öhm.... damit sind die Tage voll und ganz ausgebucht......

[TheAngel1985]

Hey Shmahu,

das hani mir au scho mängisch überleit... eifach irgendwie dr Gedanke wenn ich wür stärbe was gäb mir de Sinn im Läbe oder besser gseit han ich das erreicht/durezoge wo mir en Sinn git im Läbe... chan ich ufenes Läbe zruggluege wo mich mit Freud erfüllt?

Ich bin jung und han doch scho viel erläbt und mis Läbensziel bestaht eigentlich darin, e Family zgründe, es ufrichtigs Läbe zfüehre und möglichst viel Guets zdue für anderi... und zuedäm wett ich mit mim Läbe es Vorbild für anderi si... en kline Liechtblick i derä hektische und problemvolle Wält... aber das isch natürlich schwär... will passierts eim nöd au immer wieder dass mä a sine eigete Problem festhänkt und gar nüm vo sich wägchunt?

Du häsch was vo Talent und dine Gabene agsproche... findi cool, aber chan das alles si?

Freu mi uf dini Antwort,
Peace R

[Shmahu]

juhuu, schön dass ihr eu mäldet! findi nöd sälbstverständli, isch schliessli s rächt persönlichs thema.

conclusion: kreativität i welem sinn?

und angel: wänn ich din bricht lise vo wäge familie gründe, frögich mich au: chan das alles sii...? . so gönd eusi aasichte usenand, isch doch mega spannend...

für mich isch musig alles und gnueg, oder besser gseit: das wo mim läbe de zauber git und s'einzig, woni de mänsche wüki öppis chan gää demit.
ich bin nöd die super sängerin, technisch giz bi mir villi mängel und au mini lieder chent mer sicher i de luft verriisse wämmer wür wele. aber ich machs mit herz und seel und ganzer liideschaft und das schiint de einte mänsche tatsächlich zgfalle. min bruef empfind ich au als schön und befridigänd, aber nienets gspür ich die tüüf erfüllig wie wäni musig mach.

du wotsch es vorbild sii...i welere beziehig?

[subconsciousmind]

hey glaubed de Shmahu keis Wort.

Sie isch e brillianti Sängerin!

[Flying_Fish]

shmahu es kommt nicht darauf an wie gut du singst sondern wie gut du dich dabei fühlst..

boahh, da esch ja voll philosophisch..


freunde und familie, ab und zu sounden für mich oder andere und reisen.. das zählt für mich im moment.

[satropa]

ich lebe fürs lebe
zur celebration des seins *g*

[@fire]

Leben ist nicht dazu da, um darüber nachzudenken wie man lebt, sondern was man lebt.

[Kollegoli]

ich lebe fürs lebe
zur celebration des seins *g*

ja de isch geil

so gahts mer ämmel au.
ich hock ämmel au nu eifach da, mach überhaupt nüt und dann chunnts plötzlich so "ja, ja, voll geil hey, ich bin, uuuuhhh gaht voll ab"

[Shmahu]

hey raphi, danke, mega lieb vo dir.

s'sii celebriere, ja das triffts...chunt mängisch au bi mir wie usem nüt oder es laat sich hervorrüefe...ob bim einsame wandere underem sternehimmel, bim stundelange tanze zu geilem sound, bime lideschaftliche kuss, bim musig mache...es gat schlussändlich um das gfühl, wo mich vo chopf bis fuess durfluetet, s'gfühl ganz zu de essänz vom läbe vorzdringe, bis alles i mir schreit: jjaaaaa, das isches, das bin ich, das sind mir, das isch s gsamte dasii bündlet ime einzigarige momänt!!!

phuu...

aber mini frag luutet au: was wännd ihr de wält schänke? was wänd ihr gää?

[Cat]

Dä Wält öppis schänke oder gäh...?
Sorry, ha chli Müeh mit dem Wort Wält.
Ich fühle mich gägenüber öisere g'waltige, wunderschöne, unglaubliche Wält, Schöpfig, Natur, nännet's wiener wänd, sooooo... megachli.
Was ich probiere, isch eifach jede Tag öppis z'mache, wo mir und au mim Umfäld öppis bringt. Gange vil für ä alti Frau bi öis im Dorf go poste, oder fahr sie g'schnäll zum Dokter oder uf d'Post und so Sache. Ha ä sonen Tigg, dass ich immer Fötzele, wänni mit em Hund gang go laufe. Wänni vorigs Gmües und Frücht ha vom Märt, dänn machi amigs na d'Rundi und bring dä Nachbere, und ich lache gärn d'Lüüt aa.
Es sind alles nur Chlinigkeite und für mich eigentli sälbstverständlich, aber das isch das woni han und woni cha gäh. Gaht's mim Umfäld guet, gaht's mir au guet. Ich muess ja sowieso go poste, warum au nöd na für anderi, wo nüme chönd? Ich buck mich ja für dä Hundeschiissdräck au, wieso das Chaugummipapierli wo denäbet liit nöd au grad uufläse? Wieso söll ich die Läbesmittel, woni nüme cha verchaufe und sälber nöd cha bruuche kompostiere? Und s'Lüüt aalache, das bringt am meiste. Bi scho sooo... mängisch blöd aag'lueget worde, woni wildfremdi Persone, wo so än g'frustete, g'stresste G'sichtsuusdruck g'ha händ, eifach aag'lachet han, das allei isch namal än Lacher druf wärt!
Aber meistens chunnt äs Lächle z'rugg ;o)
Ha kä Gäld, cha nöd singe, male, schriibe oder Musig mache, aber ich bin än xunde, fröhliche und z'friedne Mänsch, und das chani gäh und gib es gärn...

[Cat]

P.S. Ha das scho 'mal g'seit zu somene Thema, weiss nur nüme, ob das i dem Forum xi isch, oder nöimet anderst...
Wie gaht dä Vorname vom Alzheimer scho wieder?
Also sorry, falls ich mich jetzt grad wiederholt han...

[müstik]

ich lebe um zu sterben. zwischendrin suche ich mich selbst und entdecke die liebe und den schmerz

[Shmahu]

Ha kä Gäld, cha nöd singe, male, schriibe oder Musig mache, aber ich bin än xunde, fröhliche und z'friedne Mänsch, und das chani gäh und gib es gärn...

ich lebe um zu sterben. zwischendrin suche ich mich selbst und entdecke die liebe und den schmerz

oh mann, da chömed zum teil so schöni antworte, da würdi am liebste gad lieder drus bastle...

ich weiss was du meinsch, cat, wänn du dich so winzig fühlsch. aber ich gsehn eus au als teil vo dere wunderschöne und gwaltige schöpfig, sozsäge laufed mir als chlini spiegelbilder devo umenand. all das wunderbare woni gseh wänni im wald umespace oder in sternehimmel stuune, entdeck ich au i de mänsche und i mir sälber. und da chumi mer ammel nüme chli vor, sondern eifach als ei uusdrucksform vo dere überwältigende chraft.

hmmm, isch chli schwer mich uuszdrucke..hoff, es isch igendwie verständlich

[TheAngel1985]

angel: wänn ich din bricht lise vo wäge familie gründe, frögich mich au: chan das alles sii...? . so gönd eusi aasichte usenand, isch doch mega spannend...

für mich isch musig alles und gnueg, oder besser gseit: das wo mim läbe de zauber git und s'einzig, woni de mänsche wüki öppis chan gää demit.
ich bin nöd die super sängerin, technisch giz bi mir villi mängel und au mini lieder chent mer sicher i de luft verriisse wämmer wür wele. aber ich machs mit herz und seel und ganzer liideschaft und das schiint de einte mänsche tatsächlich zgfalle. min bruef empfind ich au als schön und befridigänd, aber nienets gspür ich die tüüf erfüllig wie wäni musig mach.

du wotsch es vorbild sii...i welere beziehig?

Hmm... du häsch mis Familie gründe glaub kli falsch verstande... will an und für sich isch es Kind rächt schnell gmacht... *lach* ich mein mit Familie gründe öpis ufbaue... mit eme Ma zämä... d'Kind ufwachse zsgeh, sie chöne z'präge und gseh riife und älter wärde... und sie mit allem usrüschte wo sie bruche um i de hütige Gsellschaft z'überläbe... und das dänki isch e Läbensufgab...

Und was du gschriebe häsch vo de Erfüllig wo du i de Musik findsch... find ich sehr schön würkli... ich sing au sehr gärn bin scho i paarne Gospellager gsi und han au scho s'Feeling vom Solist si empfunde... und scho paar Konzert gha... und au i eusere Gmeind lieb ich's z'singe...

Und da chömet mir eigentlich grad zu däm Punkt... ich find mini Erfüllig darin es Läbe zfüehre wo Gott gfallt... ich bin überzügti Christin und versuech das au umzsetzte i mim Läbe... sprich ich hock nöd nur i d'Kile und los mir e Predigt a sondern i versuechs ghörte (sprich d'Bibel, s'Wort Gottes) i allne Handlige umsetzte... segs i de Family under Fründe, Fremdne usw. ich bin nöd öper wo anderi Meinig muess go umkremple... wenn ich mit minere Art chan es Zügnis si dänn hani d'Erfüllig darin... und wenn's zumene Gspräch chunt bini offe u ehrlich... aber ich weiss dass jedä dörf füehle, dänke u glaube was är will u das akzeptieri voll u ganz und erwarte dass das die andere bi mir au düend...

Und ja, somit hätt ich au scho bitz erklärt was ich mit Vorbild meine... ich wett die inneri Freiheit und die Rueh dörfe witersgäh... ich wett es Zügniss sie für die Lüüt wo kei Hoffnig meh händ... ich han scho so viel mit Gott dörfe erläbe... da sind mir all Zwifel a sinere Existenz abgfalle... und ja, es Vorbild si, das heisst diene... und das isch mini Läbensufgab...

Freu mi uf Frage oder Antworte...
Peace R