partypictures mit joint/bong?!

[parabellum]

wichtig: dörf ich als partyfotograf bilder veröffentliche wo joints/bongs/hasch/gras etc. druf zgseh sind?
s gaht mer prinzipiell nöd drum öb ich dademit gäg s gsetz verstosse, sondern öb ich demit gwüssne potheads schade. unter umständ füehrt mer ja es strikt getrännts bruefs- & privatläbe, und ich will ja nöd, dass irgend en chef per zuefall dur mini partyföteli erfahrt, dass sin beschte aagstellte i sinere freiziit kifft.
bi allne andere substanze bini immer sehr druf bedacht, dass nüt falschs is internet chunt. nur s gras isch minere meinig nah halt chli en gränzfall. mich persönlich würds jez nöd störe, alli andere aasichte werded aber durchuus respektiert.

[fish-eh]

wichtig: dörf ich als partyfotograf bilder veröffentliche...

Ja, aber nur mit Einverständnis der abgebildeten, "erkennbaren" Personen. (Ausnahmen möglich. z.B. öffentliches Interesse (hast du ne Pic von Kate beim Nasenpudern )

s gaht mer prinzipiell nöd drum öb ich dademit gäg s gsetz verstosse, sondern öb ich demit gwüssne potheads schade. unter umständ füehrt mer ja es strikt getrännts bruefs- & privatläbe, und ich will ja nöd, dass irgend en chef per zuefall dur mini partyföteli erfahrt, dass sin beschte aagstellte i sinere freiziit kifft.

Da du eh das Einverständnis hast, ist das nicht dein Problem. Wer dir ein Einverständnis gibt und danach deswegen Probleme bekommt ist wohl selberschuld.

Greets
fish-eh

[The Dude]

kämpfsch di mal da http://www.mysticalforum.ch/viewtopic.php?f=35&t=12334
dure und ziehsch dis fazit sälber ;o)
überwachig wird det inne gnueg thematisiert

aber dä fisherman häts eigentli ganz guet zämegfasst

[Mozart]

d frag isch doch scho ob du überhaupt es foti dörfsch vo mir machä und denn no veröffentlichä...
all die partyfotografä müessded eigentli immer die person VORHER frögä obs es bild wend vo sich oder nöd. die meischtä fotografä mached das au, usnahmä gits immer...

[u.s.l.]

ich finde, sone joint oder es bong verschönered d person nid unbedingt. ich meine, füre privatgebruch cha sich jede es poster usem foti mache und a d wand hänke, egal womit er droff abbildet isch...s netz het da leider anderi tückene.

eini vo dene chine näbesächlichkeite, weromm ich ke facebook wett, isch: bi mal binere kollegin dihei dri - hilfe: s wimmlet vo unerlaubte fötälli.

müend all sälber wüsse, öbs e klag wennd riskiere, oder nid

inzwüsche hani mi entschlosse, das i niemerem eine a hals hänge. einersits wärs ihne e gueti lehr - anderersits chamer das au andersch regle. im prinzip längts im nochhinein, wemmer seit, dass mer föttäli vo sich nid im netz wett ha. au wemmer nid deno gfrogt worde isch.

[Lockvogel]

d frag isch doch scho ob du überhaupt es foti dörfsch vo mir machä und denn no veröffentlichä...
all die partyfotografä müessded eigentli immer die person VORHER frögä obs es bild wend vo sich oder nöd. die meischtä fotografä mached das au, usnahmä gits immer...

Ja das isch scho so, aber äs isch doch so, dass diä Bilder, wo "heimlich" gmacht wärdät, viel diä besserä sind. Suscht sinds halt meischtens gstellt, mitämä hübschä lächlä direkt id linsä... Isch scho chli heikel eifach fötälä, aber findä eifach wämmers nöd märkt, wiämer gfötälät wird, wird s bild eifach ächter und somit au schöner...