Highdiho Tanzfee!
Rein us Gwunder: woher hesch din Webspace, also vo welem Abüüter?
find mega cool vo än expertä kritik überzcho!
Hrm naja, als Expert würdi mi ned bezeichne, han das alles fasch nur per Learning by Doing und mit vielne, vielne Büecher, Videos und Tutorials glernt.
Aber ebe, de Awänder isch de grösst Expert (au wenn er oft ned chan in Wort fasse, was er meint, will er d Fachusdrück ned weiss), drum isches glaub ich am beste, wemmer beides isch - Awänder und Fachkenner.
Ganz allgemein zu Flash würdi dir mal empfehle, de churzi Film z luege:
http://www.designsbymark.com/freetips/w ... index.html
Uf em Mark sinere Siite hets übrigens no e ganzi Schwetti wiiteri gratis Filmli zu diverse Theme, wo mit Webdesign / Grafik z tue händ... lohnt sich sicher, drii z schnuppere, und "dank" em Mark sim typisch amerikanische "Lingual Behavior" wird eim au ned langwiilig...
http://www.designsbymark.com/
sött das glaub no besser beschriebä, damit diä option au gseh wierd.
Ebe, wenn d würklech unbedingt es Pop Up wotsch ha, denn würdis erstens ned automatisch öffne (stört viel User, anderi übersehnds und wüssed ned, was jetz gnau passiert isch, und no wiiteri hend en Browser, wo's blocked und ned wüssed, wie's das chönd ändere). Ich würd wenn schon en gaaaanz simpli Startsiite mache mit eme Link zum Pop Up und eme Link zur "iibettete Version". Mit eme hübsche Symbol für jede Link chönt das no ganz hübsch und intuitiv wärde; z.B. s eine Bild chönt es grosses Browser Fenster mit eme chlinere Fenster im Vordergrund zeige (fürs PopUp) und s andere chönt d Siite im einzelne grosse Fenster zeige.
was hät dann din mac für ä bildschirmuflösig? ich bin ebä de vo usgangä, dass diä neuä bildschirmä halt au ä 1280 x 854 uflösig hand..
Mis Powerbook G4 het 1440x960 (15''). De Otto Normalverbraucher het wie gseit 1024x768, aber da muesch es paar Pixel wegzähle wägem Browserrahme, Scrollbars etc. Ich dänke mit 960x720 oder so bisch uf de sichere Siite.
Tipp: schaff mit Mozilla Firefox und lad dir folgendi Plugins abe:
Tidy:
http://users.skynet.be/mgueury/mozilla/
Webmaster Tools:
http://chrispederick.com/work/webdeveloper/
Mit dene Tools chasch tuusig und 1 geili Sache mache... einmal probiert, und nie mehr ohne!
Hrm Flash... Mer chan ganz geils Züügs demit mache, da gib ich dir Rächt. Aber i mine Auge liit d Kunst da drin, Flash und HTML sinnvoll z kombiniere. Wenn das chasch, denn gsehts ned nur geil us, sondern isch au schnell zum Lade, Google wird zum Stammkunde, und d Stammkunde vo Google wärded au dini Stammkunde...
Und so muesch au ned 2 Version mache (e HTML und e Flash Version)... das find ich ehrlech gseit ziemlech dämlech, sorry @ ChriSmoS.
äh aber ich han vo än anderä webdesigner-kolleg chört, dass es tricks giit, zum suechmaschinä ustricksä..han mich eifach nonig würkli genau informiert, will ich das nöd würkli dringend gfundä han..
mh aber mer cha doch duch meta-tags au ä kurzi beschriebig für suechmaschinä inätuä--hani gmeint..mh
Findes immer wieder amüsant, wie Facts, wo vor 5 Jahre no iiwandlos gültig gsi sind, au hüt no für bari Münze verchauft werded...
S Internet isch wohl das Medium, wo am schnellste im Wandel isch - was hüt in und unabdingbar isch, isch morn velech scho wieder out oder sogar schädlech, will es paar Spammer z viel das Feature missbrucht händ...
Meta Tags wärded hüt fasch gar nüme beachtet, uf jede Fall ned vo Suechmaschine. Klar, besser mer het sie, als mer het sie ned, aber im Allgemeine fahrsch 10'000x besser, wenn din richtig Inhalt guet strukturiersch (mit H1-H7 z.B.), und de de Suechmaschine zuegänglech machsch... und das isch bi Flash ebe ned de Fall. Usserd du kombiniersch Flash mit HTML... aber das hämmer ja scho gha...
Und no was: versuech *NIEMALS*, Suechmaschine us z trickse... will die merked das schneller, als dir lieb isch, und denn flügsch vom Index und dis Web ward nie wieder gesehn...
Guet, ich muess zugäh, dass für dini Ziel, wo du mit dinere Page hesch, vieles vo dem, wonich säge, relativiert wird. Aber ich has welle gseit ha, mer lernt ja immer wieder was Neus.
bin au uf dini websitä gsi. und find sie cool. es eifachs und schlichts design, mer hat än guetä überblick und navigation isch optimal:)
Hrm han das Teil scho sit bald 3 Jahr nüme aglänged... sött sie unbedingt mal wieder update, und s Design gfallt mer au scho lang nüme (isch ned mal vo mer, hani billig zämeklaut uf Templatesites)... Lerne momentan Photoshop, damit i zuekünftig *würklech* en 1-Man-Webdesign-Crew bin (chan so ziemlich alles, wo's brucht, zum Website erstelle, nur i Grafike bini no e Niete
).
Das Ding isch eigentlech nur no online, wills es relativ bekannts Tutorial druffe het, woni ned eifach wott vom Web näh...
häsch dann alles mit html und frames gmacht..oder no anderi codes benutzt? ich werde mini html-variante au so i dem stil machä:)
Ha die Siite mit HTML, CSS und PHP gmacht gha. Die nächst Version wirdi mit Ruby on Rails mache, PHP gnüegt mine Aforderige nüme *protz*prahl*.
Ah ja, und no öpis: Never ever use Frames again! Mit Frames hesch ähnlechi Iischränkige wie mit Flash... benutz gschiider PHP, da demit chasch es mit Tabelle löse.
Ah ja, und d Tipps vom ChriSmoS vo wäge Web Statistike etc. analysiere sind wertvoll, wenn d es bestimmts Publikum wotsch aspräche. Wenn d Siite aber für jedermann/jedefrau sii söll, denn mach sie so, dass sie uf *jedem* Compi guet usgseht.
Wünsche dir viel Erfolg mit dinere Page, das chunt nämlech super!
Gruess
Josh
..im momant isch nöd würkli vil druf;)
