Alpträum

[Grümscheli]

Hm... ich träume in letschder Ziet viel vo sex... Also nid mal "nur" vom Akt sälber, sonder
halt vom ganze geflierte vorher, bis es denn zu dem chund. Nachher isch meischdens vertig...
...strub... bin voll glücklich inere Bezieig und es stimmt au alles.

Müesst mer mal la Traumdüüte lah...

[Zauberhäxli]

Hilfeeeee!!!! Mysticalforum verfolgt mich sogar i dä Nacht!!!

Ich han hüt i dä Nacht doch tatsächlich vu däm Thread da inne tröimt!

Dänn han ich im Traum au no mit em Fallen Angel gredet, nur hät er chli anderscht usgseh als in Würklichkeit...uf jedä Fall isch er irgendwie (im Traum), wäg öpisem total verunsicheret gsi, wäg was weiss ich nümme gnau. Ich han ihm den Muet zuegsproche...

Hey Fallen Angel ich hoffe du nimmsch min Traum nöd alzu persönlich...

[Fallen Angel 2]

@Zauberhäxli

ich dank dir für die zueversicht wo du mir zuegsproche häsch.
bin hüfig chli verunsichert, so gseh weisi au nöd genau was es chönt gsi sii.

@dreams
i mim traum isch es hüt nacht au wieder HEFTIG zue und her gange.
Irgendwelchi komische *Dinger* so mutierti Parasite händ die halb Erdbevölkerig usglöscht.
I dere Stadt woni dänn nach viel Schmerze (die Dinger händsich id Huut gfrässe) gsi bin, händ es paar lüt überlebt, und uf en mega wichtige forscher gwartet, wo sich vo irgednem andere typ wo de bösi gsi isch losgseit hät, und zu eus cho isch. woner dänn ändli mal cho isch, hätt ihn euse MG-Schütze schier killt, wo d'ufgab hät die wüeschti z'beobachte, wo sich die parasite tummlet, für de fall dass en riise parasit uftauche sött. na jedefalls hätt de forscher überlebt, will er en energie schutzschild gha hät wo grad no so glangt hät, de MG-Schütze dänn so zum forscher: "und kansas isch eifacher zum durchquere", was de forscher mitneme sarkastische lache quitiert hät. [ich schätze mal, dass das stephen king buech: the last stand, de traum ziemlich beiiflusst hät, das buech hani aber scho vor monate fertig gläse gha].
aschlüssend wieder i dere stadt. euse leader, wo usgseh hät wie e mischig us altem chines und columbo isch sehr erfreut gsi dass de forscher cho isch. mir händ dänn so z'zehte (wieder alles goaner, scho komisch dass die i mine träum immer überlebed *grins*) ineme hus gsi, und händ det sone art WG gha... interessanti gspröch, wobi ich nüm weiss was.
aschlüssend schlender ich so dur d'stadt und chume mit über dass diversi hüser abgsperrt sind, weg dene komischi parasite. allerdings: euse leader (de chinesischi columbo) hät unabhängig dadevo e party organisiert, womer erreicht hät idem mer ineme andere hus ine isch und dänn dur d'kanalisation oder de cheller zum andere hus cho isch. naja guet party... es hät es bierebizeli bier gha und so seltsami uuuralti computer, mit dene sich d'lüüt beschäftigt händ, zu dem ziitpunkt im traum sind alli mega giggerig uf bsunderi gegeständ gsi, wie zum bispiel draht und ähnlichs züg mer cha bruche.
irgedwie isch dänn us dem party zügs e GIGANTISCHI konstruktion worde, wie nes operehuus, aber öppe 30x so gross (ohni übertriibig) wo ganz pompös mit gold und suschtigem glitzerzügs usgstattet gsi isch, und nere ganz riisige vorhangskonstruktion und i de mitti isch sone art pharao ghockt.
und dänn schlagartig hätt sich das alles in "realität" verwandelt, will heissen, es war ein riesen gebastel, so mit festbänken (der tisch des pharao), essensständen und irgendwie traf ich dann wieder auf die goaner und wir diskutierten darüber, dass männer den frauen wie dackel hinterherlaufen, was dann die frage aufwarf ob die frauen das auch machen, was vehement verneint wurde.
war alles relativ heftig, und SEHR detailiert und "echt". voll krass...