Indien

[Titali]

namaste angel

ich freu mich imfall so für dich, dass du dich jetzt entschiede hesch au zläbe als reisende
starte *megafröi*

dini frage sind eigentlech ja scho beantwortet!
ich bin übrigens nie zumene tropearzt! impfige chan dir au din husarzt mache, aber take
care, bin jedesmal krank worde vo däm shiiit!

mach uf jedefall es visum hie und ja, derzu bruchsch es ticket, aber gang zu globetrotter,
die sind die beste und hei au die beste prise und hälftet dir mit allem!!!

dini zyt isch no speziell, wenn du reisisch... würd de im norde afo, het de no monsum in gOa!
aber wirsch ja sicher chli literatur über india läse und de wirsch das sälber merke!!!

wenn frage hesch, frag eifacht... du ja gärn chli berate über my ASIA

*knuddel*

ps. no en tip vo mir, wo ich sälber leider nie erläbt han, wüe ich im summer nie dört bin gsi
(zudäm söttisch du als spiritueller mönsch dr norde und dr himalaya eh nid verpasse, z.b. himachal pradesh
oder wenn de gärn trekkisch ab uf nepal im september/oktober, het den die besti sicht),
aber jetzt zu mim tip:

LADAK @ SUMMER TIME (http://de.wikipedia.org/wiki/Ladakh)

*feel the power of buddha*

[Zauberhäxli]

Hey Fallen Angel dä häsch dir aber was vorgno!!!

Uiiii ich benid dich richtig, bi mir wirds wahrschinlich wider äs Wiili dure bis ich wider uf Reise gang! Aber ich hans mir fescht vorgno nach minere letschte Reis. Gahsch dänn ällei? Indie isch so vil ich weiss no ä ziemlichi Herusforderig zum afange Reise.

Wünsch dir ä ganz gueti Reisezit, bim reise chamer so tolli Erfahrige sammle, vil gseh und sin Chopf durelüfte. Viiiiil Spass!!!!

[Fallen Angel 2]

Jo ich ha das scho ghört, dass es möglicherwiis grad e chli (oder au enorm) krass isch. Aber anderersiits isch das genau das wo ich suäche. Es gitt selte d'Möglichkeit nachdem ich en fast scho überbezahlte job gha han, für längeri ziit uf reise z'gah, zudem hani kei chind, kei fründin, kein job meh, und au kei wohnig meh - so gseh isch das die ideali ziit vo mim läbe, so mit 29 doch mal no öppis anders z'mache, als ziel- und planlos schaffe...

natürli isch idealismus nöd alles.
e gwüssi planig, zumindescht in etwa isch sinnvoll.
was mich bsunders reizt isch die PalmblattBibliothek in Chennai (Madras)
link: http://www.esotheka.de/Palmblattbibliotheken.htm
aber was d'Titali seit, isch natürlich au wahr, also de norde reizt natürlich scho sehr...
händ ihr dänn erfahrig wie tüür s'reise innerhalb vo indie isch?
dänn chönti au im norde afange und in süde gah, und am schluss entscheide, obi uf goa oder chennai wiiter gahne. isch eifach d'frag wie das ziitlich so usgseht. autoprüefig hani keini.

au das mitem gäld isch natürli immer sone frag, will guetbezahlte job hin oder her, aber vergoldet isch min sessel nun au wieder nöd. aber so ca 3000 söti ha, wenni gahne, chrankekasse wär dänn bereits zahlt. ob das für 6 oder für 3 mönät langt, wirdi dänn gseh

doch all die frage sind ufenart im höchschte grad spannend und "lebendig" ich fühl mich wie neu gebore, ha es ziel vor auge, wo nöd würkli definiert werde chan, will ich an und für sich kei ahnig vom reise han, was das ganze nur no intensiver werde laht. riskant - klar, aber das ghört genauso dezue. und die freud, wenni dra dänke, dass usgrechnet ich - wo immer nur laberet und schriibt, statt mal umzsetze - jetzt doch ändlich mal öppis umsetze und mache, das isch öppis, das allei gitt mir scho mega vill power.

wird es ussergwöhnlichs jahr, das jahr

[Zauberhäxli]

Hehe wänd no nie go Reise bisch isch Indie scho chli krass! Aber bereit dich eifach guet vor, erkundig dich usfüehrlich über das Land und Mentalität det. Red mit Lüt wo scho längeri Zit dunne gsi sind, die chönd dir au gueti Tips gäh. Bsorg dir en guete Reisefüehrer, grad für Übernachtigstipps und wie du vu Ort zu Ort chunsch is en usfüehrliche Reisefüehrer notwendig.

Ja und süscht mach dich uf alles gfasst, inkl. äre fiese Mage-Darm-Grippe mit Durchfall bis zum geht nicht mehr.

Ich denk mit dä richtige Vorbereitig und Istellig wird die Reis unvergesslich blibe!! Wünsch dir vil Spass!!!!

[Fallen Angel 2]

Danke - Spass wird sicher debii sii, sueche tueni aber hauptsächlich erfahrige...
Jo das hani vor ide nächschte 3 mönät so vill gspröch wie nur gaht, mit lüüt, wo das erläbt händ. was reiseführer agaht, any tips?

so ha jetzt mal en arzttermin reserviert

es nimmt langsam forme aa: hamir no überleit, dass de bsuech i dere bibliothek doch bi monsun räge durchus öpis reizvolls hät, so vom feeling her, aschlüssend in norde ufbräche, will Goa interessiert mich scho weniger, als de norde...
ich darf nur nöd vergässe: indie isch en Kontinent, nöd dass ich mich dänn völlig mit de distanze verschätze und im dezember irgedwo im jungle feschtsitze
so gseh: globetrotter mal en bsuech abstatte

[Elias]

doch all die frage sind ufenart im höchschte grad spannend und "lebendig" ich fühl mich wie neu gebore, ha es ziel vor auge, wo nöd würkli definiert werde chan.

Ja das bringt dir sicher vil, wirsch vil gse und erlabe,
wot dan mit Wort, chasch bilder male.
Froi mich jetzt scho uf dini Reisepricht!

Ich (mir) sind letscht jahr im Suede graisd, vo de Wuesti in Jungel as Meer...
Dasmal machi "Meerstrandunteremsunneschirmundbierlitrinkeferie"
fains asse gueti Luft, und kai grossi raisserei.
Min Gaist muess mal chli rue ha.
Nimm der noed zfil for, wils sowiso anderscht chunt als mainsch
wann dan in Indie achunsch, oder au noed, je nach dem.
Indie halt.
Schwirigste in Indie isch "dmitti" zfinde zwuesched de extrem,
und au sehr lehrich.
Aber au mit aller vorbereitig, chunsch noed um das ume:
Is Chalte Wasser gumpe!
"Das Gleichgewicht der Welt" isch es buech wohni dir na empfele wuerd.
Isch es krasses Buech, womer es bizeli es gfuehl fuer die gagesaz
und Schiksal ueberchunt.

[Titali]

Nimm der noed zfil for, wils sowiso anderscht chunt als mainsch
wann dan in Indie achunsch, oder au noed, je nach dem.
Indie halt.

jap genau!
wenn ich öpis uf reise glernt han, dan das!
meh weiss nie was alles passiert, wär meh trifft und äbe wohie
dass es eim triebt!

erholig ha ich in indie nie gfunde, ha sehr viel stress dört gha, körperlech
& mental! drum ha ich in thailand immer agfange *relax* und bin nach india wieder uf
thailand go entspanne, schüsch hätt ich no grad mau ferie brucht nach

I LOVE MY INDIA

sing das ja nie de inder zviel vor *schelmischgrins* sie hei nid so fröid dran
aber has glich gmacht *hahaha*

INDER SIND KINDER *InderWahn*

aber e reis i das land lohnt sich uf all fall!!!

[blaues hufeisen]

das isch im mischu wirth sini reis gsi. är hed sich en Enfield kauft ond isch vom norde bis uf goa mit eme töff gfahre.

http://www.mwguiding.ch/DetailProgramme ... nfield.pdf

http://www.mwguiding.ch/

[Fallen Angel 2]

und wieder einigi überleggige spöter...

also einersiits wär chennai und goa ja durchus reizvoll, anderersiits isch es im juni-okt ziemlich warm und nass det. so gseh also doch eher norde, bzw. nordoste - blöd dass mer das rückflugticket nöd eifach irgedwo chaufe chan, womer dänn halt grad isch... naja was sölls, ich will mir nöd zu wiiti distanze zuemuete, lieber weniger gseh, defür au würkli gseh.. aber das mit de rückreis empfindi scho es biz "unflexibel"... hm

dänn thema schueh: es isch anschinend gar nöd so eifach. ich denke mit so wander-halbschueh und sandale wo kei flip flops sind sondern "zuegmacht" werde chönd, fahri nöd schlächt. richtigi wanderschueh bringeds glaub eher weniger.

dänn gäld, ha mir mal usgrechnet, dass 20 franke pro tag eifach sicherer isch, als 12.50 pro tag. so gseh wirdi no chli meh spare, bevori gahne, will ich schlichtwegs z'wenig erfahrig han. villicht hani dänn z'vill.. was ja au nöd so tragisch wär. besser es biz zvill als vill zwenig.. wie viel händ ihr dänn amel so usgeh?

am endi vo de reis (okt-dez) im süde z'sii wär scho geil, nur stellt sich d'frag wie mer de flug/zug det abe chan zahle - erfahrige vo wäge chöschte für zug und flugzüg im inland wäred höchscht willkomme.

es zelt mitneh oder nöd? wämer eis debii hät brucht mers vermuetlich nie, wämer keis hät, würmer vermuetlich gern mal zälte. tja, ich nimm glaub mal eis mit, und wänni dänn irgedwie merke, dass ichs doch nöd bruch lahn ichs halt det, oder schlepps ume, das stärcht d'konstitution, also chani so oder so nur gwünne wenis mitnimme.

als nächschts d'idee vo sogenannte vakuumbüütel, was zumindescht vones paar internet lüüt als gueti idee empfohle wird.

i gwüssne gebiet häts vor einiger ziit überschwemmige geh, und die gebiet z'bereise segi schiints immer no chli schwierig. mal mit em globetrotter aluäge.

was de husarzt agaht, er hät bereits gseit dass er mi eh wiiter verwiist, aber jetzt hani scho abgmacht und ufenart isch das au no guet, so chan er villicht no sini meinig zum gsundheitliche aspekt bringe, ohni dass es so masseabfertigungsartig sii wird.

was das visum agaht, so machts sinn grad es jahresvisum z'beaträge, will es halbjahres eifach doch chli zu riskant isch, und zudem vo dem tag aa gültig isch wo sie das i de botschaft usstelled. ha nöd usegfunde obi es rückflugticket bruch ums visum z'beaträge - aber das hani ja demnächscht

das eifach mal es paar überlegige - wär schön wänn ihr dezue eui meinig säge chönted, will ums genau z'neh han ich kei ahnig

[Titali]

hey angel

ehm, also in indie chunsch ine mitemne one-way ticket!
also das isch vor 2 jahr eso gsi, ich ha min rückflüg erst in indie kauft!
het sich das gänderet? wohär hesch du die info???

chennai? hm, du wirsch merke, dass jede stadt in indie e pure last
isch... ich has nie lang ire stadt usghalte! dehli im april, 46 grad und
soviel pollution ich ha huustafäll bercho dusse! aber dehli isch au
the worst ever, aber het au sin reiz @ market place!

löl@schuh!
ganz übles thema geng gsi bi mir... aber easy, du chasch au alles
dört geng kaufe! ich ha geng flip flops derbi gha, ha zwar nachher i
pedigure müesse *löl* aber isch am bequemste! es paar gueti schuh
sind au wichtig, wenn in norde geisch! so kalt isches dört au nüme, ussert
du geisch uf über 4000 meter! aber gäu, alles brucht sin platz und sis
gwicht und dä huure backpack muesch trage *grummel*

es git travellers, wo mit 300-500 stutz im monet in indie chöi läbe!
es chunt uf dich drufa, indie isch zbilligste travel-land ever! du chasch
dir das sälber ussueche, ob i löcher wotsch penne und local food ässe
oder chli besser wotsch penne und western food wotsch ässe! up to you!
ich ha halt business dört agfange und es paar spirituelli kürs gmacht, so ha
ich scho meh gäld brucht, aber ha dervo au profitiert!

flüge isch billig inland dört, has aber nie gmacht!
bin geng zug gfahre und bus... cha zwar au rächt crazy & dirty sie, aber
das ghört derzu und äbe, es isch hure billig... india halt!

zelt? naja, ich würds nid mitnäh, aber en schlofsack derfür!

was isch en vakumbütel???

söödele... das wärs mau vo mir!

byebye

[Melliandra]

Hm... bin zwar no nie in Indie gsie aber chan biz vo Thailand verzelle:

- Zält: Also ich würd keis mitnäh. Unterkünft sind so billig (dänke au in Indie) und eifacht irgendwo zälte, wär mier persöndlich chli z'heikel.
Plötzlich hesch en heiligi Chue vor dier, wo der is Zält ine luegt. =o)

- Schlafsack: Ich bin mega froh gsie, um mien dünne Baumwullschlafsack. Au wens heiss gsie isch, so hesch wenigschdens immer gwüsst,
dass i diem eignige Dräck pfusisch. =o) Jeh nach Gägen und Klima, isch en richtige Schlafsack sicher au z'empfele.

- Schue: Ich han mer so es paar tracking Schueh kauft, Salomon Usverchaufs-Schue. Han die aber nur im Jungel a gha. Suscht immer
Flip-Flops. Für euch Manne sind die viellicht nid soooo bequem, drum so Jesus-Sandale, wo no wasserfescht sind, sind sicher au oke.

- Give aways: Mier händ chlini Schöggeli mitgno. Klar mier sind au nur 1 Monet dunne gsie, aber so chlini Mitbringsel vo diem Land schaffed
guete Kontakt und dEhr em Land gägenüber. Dänke in Indie isch das sicher no meh gfragt. Wenn nid eifacht immer Gäld willsch gäh, denn
nimm Chugelschrieber oder Balön mit für dChind. Süesses isch suscht nid sooooo en gueti Idee, wäg de Zäh.

- Allgemein Gepäck: Nimm so wenig wie möglich mit. Wie Titali scho gseid hed, du muesch das Züügs träge. =o)

- Matterial: Mier händ immer Schnuer und Tucktape (Das mega feschte Chläbi) debie gha. Isch immer guet, wenn mal was muesch flicke
oder en Wöschleine willsch baschdle. =o)

- Reise: Hm... chan au nur vo Thailand und Malaysia verzelle. Flüge bisch halt schnell und es isch nid düür, ussert du bisch i de Hochsaision
(wens das in Indie überhaupt gid?) Zug: Hehe also mier händ immer First-Klass bueched, isch au sehr billig und du hesch bizeli dini Rueh.
Mien Unkel wo in Indie gsie isch, hed verzellt, dass genau 1x 3.Klass gfahre sind und denn sints eifacht 6 Stund belageret worde, vo Inder
wo sie über dSchwiez usquätscht händ. =o) Das isch sicher en super Erfahrig, aber viellicht wetsch ja au mal dini Rueh. =o)

- Visum: Hani halt kei Ahnig, aber gad Globetrotter isch da voll easy mit Uskunft gäh.

- Hi- und Rückflug: Also ich würd der empfele über ebookers.ch z'bueche. Da gfintsch die billigschte Flüg. Kreditcharte muesch eifacht ha,
wasi sowiso würd empfele.

So das isch mal mien Sänf dezue. =o)

[Titali]

- Give aways: Mier händ chlini Schöggeli mitgno. Klar mier sind au nur 1 Monet dunne gsie, aber so chlini Mitbringsel vo diem Land schaffed
guete Kontakt und dEhr em Land gägenüber. Dänke in Indie isch das sicher no meh gfragt. Wenn nid eifacht immer Gäld willsch gäh, denn
nimm Chugelschrieber oder Balön mit für dChind. Süesses isch suscht nid sooooo en gueti Idee, wäg de Zäh.

*smile*

ja genau, die liebet üsi kugelschrieber und füüürzüg, wüe ihre halt echt e schaiss qualität sind!
aber ich ha au dört täfeli kauft zum verschänke oder ha au brot scho kauft und verteilt!
ha jetzt nid äxtra vo hie zügs mitgno... aber schöni idee!

ha aber au sehr schlächti erfahrige gmacht, wo ich frücht ha wölle ghä und die säget mir eifacht
stinkfräch: "no, money please!"

hui, die hei mir när aubes grad am arsch chöne läcke!!!

[Fallen Angel 2]

@Titali + Zauberhäxli
Also das mitem Visum staht uf dem Infozettel vo de Botschaft:

TOURIST VISA:

Confirmation letter from Airlines or Travel Agency that the passenger is holding return tickets or confirmed booking out of India to next destination.

http://www.indembassybern.ch/instructionsheet.html

und da isch no das Formular, als PDF
http://www.indembassybern.ch/pdf-downlo ... _EN_Ge.pdf

So wie's aussieht muss man sogar noch angeben, wo das man hingeht.

Also scheint so, als müsste man das schon vorher wissen.

Das Visum gilt dann von dem Tag an, wo sie es ausstellen, also macht ein Jahresvisum, bei einem geplanten Halbjahresaufenthalt durchaus Sinn (25 Franken mehr).

Schocki als Give Aways, hmm, schmilzt das nicht weg?

Flip Flops tüend mir ebe weh, drum tendier ich druf, doch no chli türeri "wandersandale" z'chaufe... und wanderhalbschueh findi au no e gueti idee.

hey ja tuck tape das graui, wäri gar nöd druf cho, geniali idee! thanks

vakuum bütel sind so bütel, demits züg nöd nass wird

hey danke für eui hilf - überleg mir grad obi no en teil vo de ziit e freywilligi arbet söll mache - kännt sich öpper demit us?

[Titali]

angel, zerbrich dir nid dr kopf über das visum, geisch ja nid uf russland
nei würklech, du muesch das nid eso ärnst näh, fülls eifacht us, du muesch
dene nid dini route genau aghä, gibsch das eifacht sosolalala a!

weisch in INDIA isch zmotto:

Everything is possible!!!

und das isch wahr, du bisch dr könig dört und wüe du en touri
bisch, wärde sie dir jede wunsch erfülle legal oder illegal, mit gäld
isch alles möglech

also wäge däm one-way ticket!
ha jetzt nomau kollegin gfragt und dr globetrotter!
es isch eso, dass meh eigentlech i JEDEM land NID mitemne one-way-ticket
inechunt... EIGENTLECH! ich ha i däm fall glück gha, wo ich vo bangkok
uf bangalore gfloge bin, mich het niemert checked oder so!
da du aber vor stränge schwyz us flügsch, chönsch am flughafe CH problem
bercho... ireis nach indie wär nid zproblem, aber wenn en kontrollarsch züri
am flughafe hesch, chöntisch problem ha, dass sie dich mitemne one-way
nid löh loh flüge und du am flughafe fest stecksch!

also, es isch es guet-glück spiele!

i würd glaubs es retourticket kaufe, aber rückreisedatum chasch ja geng
wieder ändere, muesch halt chli uf fluggsellschaft luege, dass das kostenlos
chasch! ich finds au nid so schlimm, wenn du jetzt scho dr rückflug musch
bueche, isch au billiger und nimsch eifacht am beste mumbay oder delhi und
nid grad chennai, wüe das doch eher zwit wäg (im oste) isch!

volunteer-arbeit isch absolut keis problem zmache dört!
die meiste unterrichte kinder mit änglish! wenn also einigermasse guet
änglisch redsch, chasch als lehrer go volunteere! das luegsch aber am
beste im land sälber a, es isch total beliebt und infos über das gits
überall!!!

sööödeeeleee... let's travel mit chli viel bürokratie!

[Fallen Angel 2]

das luegsch aber am
beste im land sälber a, es isch total beliebt und infos über das gits
überall!!!

also muss mer das gar nöd umbedingt vorher abmache? uf die idee bini mal wieder nöd cho *grins* bin glaub nöd so uf de höchi mit mim dänkapparat hehe

Everything is possible!!!

Das isch es geils motto, und ich gah eifach mal mit dem grundgedanke det ane, und luäg was passiert.