Druidenzauber 24.02.07

[yamantaka]

hallo leuts...

hmmm s'wätter het eus en ganz schöne strich dorch d'rächnig gmacht bim ufstelle, händ ned mit soviel wind ond räge ond hagel grächnet...esch eifach onmöglich gsi gross öpis ufzstelle verosse wos ned devoblooset hätt.ond zu dem übel esch no cho das en geni sin geischt ufgäh het, händ dorom au chli verzögerig gha bim start (sorry colin).
of de obig het denn aber alles klappet (sogar de petrus het einigermasse mitgspielt) so das mer mit euch glaub en glungnigi, friedlichi ond schöni party händ dörfe erläbe! es fetts dankeschön a alli wo cho sind ond a eusi musiker: Sam Smiler, Astronik, Moxa, Shymanics, Endorphin, Fantasma, Osmotic Pressure, Pinky & Brain.... es het gfätzt! =)


es sind no folgendi sache ligge blibe:

1 schal
1 wollepulli

also wer das vermisst, söl sech diräkt bi mer oder per e-mail mälde!

föteli vo dere party chöme glii...

...und übrigens, der druidenzauber geht weiter, ausschau nach flyern halten d(,")b

[Tamjee]

ben ebe ned verbii cho wellmer s wetter ned so passt het, beni id schötzi nach olte und nacher in vario club... next mol chumi zu euch

gruess
beni

[Jonas]

aso i hans trotz wind und rege schön gfunde =)
vorallem dur d nacht dure hets ja nie gregnet u i ben eiglech erst am morge wos richtig gregnet het inegange =) die wo wükli hei welle si a dusse gsi hihi
I vermisse nix min socke hani gadna öber gfunde bevovri gange bin :>

ds genialste hani ds bänkli gfunde weme biz witer hinderegloffe isch bedem weg. praktisch windstill u eigendli n schöni ussicht wenn d industrie ned wär

grüessli
Jonas

[604freund/Psykas]

ich hans au en wunderschöni party gfunde. ben erscht öppe am 3 cho und han drum
ned xeh wies metm zält usgseh het und wevel lüt det ine abgange send...!?
hans chli schad gfunde dases wenig lüt gha het wo dusse am abgoh xi send...
aber shet au vorteil gha wemer nur z5te de ganz platz vorem hütli be de boxe zur
verfüegig het! am afang hani chli müeh gha das dmusig alag ned dusse gstande esch,
weli eifach gern eher lütere sound han, aber hami schnell dragwöhnt und dur das dass
würkli di ganz zit suuuuper sound gloffe esch het die luutstärchi tiptop glanget!
es riise kompliment ad dekomacher, het super ussxeh, ussert das ich na chli meh
uv-lampe montiert hetti, damets na chli meh strahlet, weiss aber ned ob as wege
geni leischtig und so ned mögli gsi esch...!?!?
han aber wörkli nüt uuszsetze gha a dere party,und dservelat am morge am 9i
esch no stüpfli ufm i xi!
also namal es riiiiiiiiiiiiiiiise dankeschön a di ganz crew und a alli hälfer wo das fäschtli ufd bei gstellt hend!


p.s. wender ned d'outdoor mailing lischte neggscht mal beahcte do ehrs jo ned do ine werded publiziere...!?!?
fröi mi scho uf die negscht party!

danke und liebi grüessli

[Waldgeischtli]

esch e kleine aber feine party gsi..und wasi ganz cool gfunde han, sie esch ned is internet gstellt worde!! negscht mal macheders hoffentli au weder eso...

de wind esch luschtig gsi..chli chalt ade stirn, wie wenn me zschnell es iischalts glace gässe hetti aber zum tanze meeeega agnehm! häsch so richtig durch die lüfte chöne gumpe!

ja, dboxe send am afang zersch chli gwöhnigsbedürftig gsi - vo dinne nach use. aber s'ghör und de chopf und d'bei und d'ärm händ schlussändli ned nume uf qualität glueget!! de sound esch nämli hammer gsi! vorallem pinky + brain hani supper gfunde..suscht leged die eher härt uf!

aso i freu mi scho uf de negscht druidezauber...velecht gits ja denn en zaubertrank??

en tanzende gruess tanja

[Anditronik]

jo de arm geni voll am aschlag gloffe zum glück heter dureghebt hehe
wäg de luutstärki würdi säge isch eigentlich grad guet gsi vel meh mög de platz ned lide. lieber eso und devür friedlich durefäschte wies das die ganz ziet schlümpf ifahred wells z luut isch!
eigentlich e super sach gsi wämer bedeänkt das mer erst nach de 3ne händ afoh decoriere chönne. wäg dere blache orkan aktion
teil 2 isch in vorbereitig wie de yamantaka scho adüdded het.
danke a all wo trotz em wätter cho sie zum hälfe und mitz eus fäschte
biz bald im wald
gruz

[UV-Spider]

Ja da chami de meiste Postings nume aschlüsse.....

Super Sound, Lüt und Stimmig hämmer au gha....

Ebe leider bitz schad das de Sound ned ganz so inere fägige lutstärchi gloffe isch.... Aber au so sind die Vibes i mini Bei cho und händ mi la tanze....

Tip top isches also gsi und freu mi uf die nächst....

CU ALL

[Tanztüüfeli]

für mich isch es en wunderbari party xi, troz wind und hagel! =)
Natürlich isches schad xi, dass es mit der Deko nöd so klappt het wies het sölle, denn das woni xeh ha isch nämlig bezaubernd xi!!(zum bischpiel die orange Pilzli ufem wäg zum obere Füür )


im wind z'stah und zum(praktisch durchgehend geilä sound!!!) danze isch würklich en Traum xi!
aber wänns mer dänn glich zu kalt worde isch hani au mis froidäli dra gha, im änge "dj-stübli" mit dä andernä Fäschtlibsuecher s Tanzbei hüpfe z'lah!


denn hend natürli die viele liäbe Lüüt ganz viel zur Party biitreit und für miich isch d'stimmig soo schön xi, dass i richtig truurig xi bin, wos den scho so glii fertig xi isch...

a däre stell es fetts DANKESCHÖN an alli mitwirkendä au vo miir, und hoffentli bis glii wieder.

[biberfreund]

Es war für einige Zeit wirklich lustig mit dem Wind, aber ohne ihn hätte mir die Party bestimmt trotzdem besser gefallen Dann wär nämlich der Floor wirklich outdoor gewesen, es hätte UV-Lampen und somit leutenderes Deko gehabt und ich wär wohl auch länger geblieben

Die Organisatoren und alle Gäste haben trotzdem ihr bestes gegeben... und so die Party doch noch gerettet Einziges Manko: Einige DJs haben mich mit ihren Skills nicht wirklich überzeugt

Danke also an Maya Avatar und TraumTanz!

Hier vorab schonmal einige Fotos... mehr (von Manu/petite.papillon) werden hoffentlich noch folgen:

http://www.dideldum.ch

[604freund/Psykas]

es riise komplimet ad fotografin/fotograf,send jo wunderschöni föteli!
loht die party i mir innne grad namal ufläbe!
merci

[biberfreund]

Hat noch ein paar Fotos vom Morgen gegeben... danke Manu!

[bloodflower_of_psy]

man man de wind het mich voll verschrubt hehe hammer party gsie bin jetzt zwar mega vercheltet aber egal aso leuts machts guet

[i.dot]

jajaja der wind fandi voll geil, back to the roots´ Tanz war geiles fescht mercii mercii !!

Ahh.. wer hatt da nochmal de Liveact gmacht? hab de flyer nim...

domi

[sony]

Olariti! Das war ein Gaudi daran konnte auch der Regen am Morgen nichts mehr dran ändern. Bin seit langem wieder mal vollgeschlammt heimgekommen freu mich auf die Fortsetzung!

@i.dot das war entweder Troniksphere oder Shymanics, shymanics war etwa um 24:00 dran, Troniksphere hab ich nicht mitbekommen...

Hasta luego!

[yamantaka]

a dere stell au no es riiiiiiiiiiiieeeeeeeese dankeschön vo eus ad manu&papillon för die wonderschöne fötelis... nöchscht druidezauber esch garantiert 100% outdoor mit meh power ond vollständigem uv-deko =) freuet eus jetz scho druf...

fotos: http://www.dideldum.ch

p.s. live act war Shymanics (Candela)