Die schönschte Erinnerige as Johr 2006?

[Lyra]

Also da s'jetzt weder uf Endi Johr zueoht, wörd mech interessiere, was euichi schönschte Erinnerige as Partyjohr 2006 gsi send?


Also ech persönlich werde mech emmer a üse Party - in loving memory of Basil in Besebüre werd erinnere! So en schöni Partyerfahrig hani no sälte gmacht, alles hed tiptop klappet ond alli Lüt händ sehr vell gäh! Ond d Musig ond d Location händ mech total verzauberet! Merci!


Aber au d Fairy tale werd ech ned so schnell vergässe, trotz guete ond schlächt Sache werd ech emmer d Begägnig met dem einte, bestemmte Mönsch i mim Herze bhalte! Merci för die schöne Moment met der!

Au hani emmer sehr vell liebi Lüt atroffe imTonight z Altstette ond im de Club z Wohle. Ech han mech emmer sehr diheime gfühlt a dene 2 Ort!

Aber hauptsächlich erinnere ech mech a all die vell tolle Lüt wo nech das Johr han dörfe neu oder besser könnelehre! Esch sehr en schöni Zit gsi!

Aber bevor ech no sentimental werde, öbergeb ech s Wort a euich!

Was hed s Johr 2006 zumne spezielle Johr für euich gmacht?

[tinu the PsySchlumpf]

stone dance festival villnachern... die unvergässlichi afterhour hinter em wisse auto mit mini beide goa-mamis denise & tanja.

[meli]

für immer in erinnerig bliebe das jahr:

- atmosphere (au wenn 1 wäg 4h duurethet)

- v.i.r.u.s. (abgseh vo psysex voll geil gsi)

- party vo stärneschii (bi langethal im ghetto dusse)

- psychedelic carneval

- und die vom SA im chessu

vo de lüüt här und vom sound här die beste partys...

[gnömli]

ganz klar am dave sini geburi party in wattwil

[frä irz]

chan mich das jahr voll nöd entscheide was s schönste gsi isch. isch irgendwie alles ändlich z geil gsi egal öb miträ handvoll lüüt z züri im wäldli zur waldpurgisnacht, ide dk wo si no gläbt hät, a eusem eigne fäschtli, und all de chline und grosse outdoors und clubäbig. (immer wänni eini wott nänne falled mer grad 5 anderi ii wos au verdient hettet gnännt z werde und denn grad nomal föif....ect.)
aber s idrücklichschte sind mit abstand die uf de reis gsi... oz, berghain, oslo, etc...

nu vo eim weekend chani "schlächts" berichte, will i ganz eifach z vill erwartet han (cha ja nöd guet cho) und zwar wär das die rot fabrik am paradesunntig gsi...

[Melliandra]

Das Jahr hmmmm vielles... nid alles hed mit Goa z’due, oder ebe doch?!

- Zerscht hez a gfange das mer im März dBillett fürs BOOM Festival pstellt händ
und mich das ganzi 3 Mönet lang über Wasser ghalte hed. *jupy*

- Denn isch dVirus cho, woni zwar Psysex nid ghört han aber uiuiuiui *grins*

- Und denn bini 3 Täg bevor mer uf Portugal as BOOM sind, ine Nagel gstande, wo
sich dur mien Fuess boret hed. *Blutsch* sBOOM im Wasser gsie, defür mien Kobold
vo de Virus wo für mich da gsie isch unds au jetzt no isch. *strahl*

- Und denn wohl öbis vom i drücklichschte isch gsie, vor 2 Wuche in London. Mier
hänts ane DeCom Party vom Burningman gschaft. (Hoffe sBurningman Festival seid
euch allne öbis?!)

So öbis wie dete hani no nie erläbt!! So viel kuuli Lüüd wo eifach sich sind und
eifacht mal alles use lönd, jede isch jedem sein fründ und es isch soooo scheiss
egal was du machsch und werte bisch, eifach hauptsach du chasch dich sie!!! Dänke
früener isches warschiendlich au a Goas no so gsie.

Hmmmm... moll wirklich es kuuls Jahr!

Natürlich au mit dene vielne super Lüüd woni um mich ume han, ganz speziel ad
Arven und ihrem Elf wo soooo schöni Musig macht & miem Davoser- Meitli.

[Traumtänzer]

Auso für mi gits zwöi Highlights i däm Jahr:

Zersch mau d Twisted Party ds London. Hami huerä gfröit druf, nid nume wöuw ds Line Up huerä guet het usgseh sondern wöuws mini erschti Party im Usland isch gsi und London sowieso mini Lieblingsstadt isch. Si zwar im Vorfäld es paar Sache schiefglofe i mim Privatläbe sozäge aber ds London säuber isches när glich geil gsi. Ha viu Lüt vom psynews.org troffe woni online scho lang kenne aber no nie richtig gseh ha und d Party isch o cool gsi. Ha zwar Hallucinogen verpasst wöu der Floor eifach ds voll und d Alag ds schlächt (het aues glich tönt für mi) verpasst aber derfür si Green Nuns Of The Revolution abartig geil gsi.

När ds zwöite Highlight isch vorauem wäg der Musig würk es Highlight gsi: d Fairy Tales Party mit Hallucinogen. Dört bini när würk voll zum Zug cho mit lose und tanze zum Simon P sire Musig. Aber o die angere Acts wie Eyal Yankovich, Domestic und DJs si Hammer gsi. O d Dekoration, die ganzi Schlossatmospähre und o Stimmig si geil gsi. Uf die verdräckte WCs hätti zwar chönne verzichte aber das fingeni nid so tragisch das es ds Gsammterläbnis runiert hätti.

[Rusty]

2006? da kommen mir spontan vier sachen in den sinn:

FUSION ( Deutschland)
Retronetics @ Kulti an ostern
Yellow Pointer ( Auch wenns uns verregnet hat)
Woodrock @ Heuboden (Das beste music setup des jahres)

looki`n back and dreaming...

[Kollegoli]

Grossi festival:

Biocosma (det hani so e komischi kenne glernt und isch halt au suscht e mega party)
Bellaluna (det hani wohl di wildischti stund vom jahr verbracht)

chliini partys:

benefizparty in gähwil (s'musikalische highlite)

Sokratesgeburriparty (oderso) in kollbrunn (oder so) (am morge die geilscht musig)

basil memoryparty (am morge die schönscht stimmig)

remigeparty afangs jahr (eifach voll geil gsi)

igendso e party ide burgruine mitte im dorf (au eifach obergeil gsi und voll extrem)

[Zauberhäxli]

Da ich das Jahr nur a sehr wenige Partys gsi bin, fallt mir spontan nur grad ei Party i:

die Party in Gähwil, ich wo süscht fascht nie Alkohol trink bin meeega im Metrusch gsi

Aber au süscht isch die Party meeega lässig gsi!! Vor allem vum Sound her isch s`Hammer gsi!!!!

[Traumtänzer]

2006? da kommen mir spontan vier sachen in den sinn:

FUSION ( Deutschland)
Retronetics @ Kulti an ostern
Yellow Pointer ( Auch wenns uns verregnet hat)
Woodrock @ Heuboden (Das beste music setup des jahres)

looki`n back and dreaming...

Aproprose Regen; da hab ich doch gleich ein Highlight vergessen!!! Die Geometrix dieses Jahr mit Time Lock und U-Recken war auch absolut der Hammer!!! Trotzd es Regens und der verschlammten Wiesen...

[Waldgeischtli]

was mer da grad ifallt esch secher dBOOM in portugal gsi!!! die wuche esch eifach ..unbeschrieblich geil gsi! au wenn me de ganz tag nur am umeschwitze gsi esch, unso schöner eschs gsi is chalte wasser go bädele zum sech dä ide sunne weder ufzwärme!

de trip woni dete gha han esch.... ich glaub sowas werdi ned so schnell weder erläbe!!! esch au e grossi gsi und au wenns phase geh het idene paar stunde wos rächt strub gsi esch chani nume säge TRAUMHAFT

was au no cool gsi esch D V.I.R.U.S.!! supper mitem nachmitagsräge am sunntig
psysex seg ned geil gsi?? bini anderer meinig, zum sunneufgang hanis eifach perfekt gfunde.

es git natürli au anderi velli schöni sache (sowie au schlächti) wo idem jahr passiert send, aber das wär sooooonen laaaange teeeext........

[@fire]

Fuer mich die schoenste aber gleichzeitig auch die traurigste Erinnerung war mein Abschied aus der Schweiz. Das schoene war, dass man dann erst merkt, wie sehr einem die Menschen, welche jemanden in diesen 5 1/2 Jahren begleitet hat sehr ans Herz gewachsen ist. Zum anderen die 2 Wochen Wohnmobiltour mit meinen Jungs von Room31 ueber Frankreich, Spanien bis nach Portugal um dann dort 1 Woche lang BOOM-Feeling zu erleben. Kurz danach war ja dann meine Abreise nach Mexico und da habe ich seit ich hier lebe und arbeite gute Erinnerungen, trotz der vielen Arbeit.
Hoffe bleibe auch im Neuen Jahr weiterhin in Kontakt mit all den Mystikern welche ich persoenlich kennenlernen durfte.
Falls jemand nach Mexico kommen sollte, ein schlafplatz ist garantiert.

Liebe Gruesse,
DOM

[Psydog]

Schöni Erinnerige gits an huufa. Speziell im Erinnerig bliibt mr aber sicher dia Wucha zUsserferrera (BIOCOSMA) und dä Vereins-Uusflug mitem Chaistand ans Geburtstags-Open Air vom Kliina Kreis uf Marburg (Germany)!
In dem Sinn: Uf a wunderschöns 2007!

Bis bald....

[nanu?]

Fillisur bellaluna EEEEEEEssskimmmmmmmmmoooooooooooo isch de absoluti hammer gsi und wattwil isch au ganz schö gsi.....
aber s 07 wird no viel besser