Wirkung ohne Substanz

[Tatzuwurm]

fallen angel. ich gloub das was da erläbt hesch, esch quantischer natur. sprich sgid so unzähligi faktore dases nüm berechebar esch. es passiert eifach. frag di ned zfesch das machts irgendwo düre nume kabutt.
ig persönlich erläbe party nuno so. sprich bruche nütme zkonsumiere. ja ok teein em chai.:-9 alles psychedelische erwachst i üs u i gloub genau das hät mir d frücher gebruch vo LSD begriflich gmacht. schwingig, reflexion. mängesch chös o sehr strubi partyflash si. aber in der regel is eins si mitem kosmos us erchönne vu absoluter schönheit der wäg zum innere fride.
sensibilisierti wahrnehmig. en zuestand wo fo üs mönsche scho is sovielne sprache usgleit ,erlüteret u verlügnet worde esch, dases fasch jede es stückwiit düre nahvollzie cha. aber beschribig d vo wird nie serläbe ersetze. u sämtlichi sprachlichi interpretation drvo git sich lediglich intellektele lächerlichkeit pris.
i finges schön häsches dörfe erläbe, zeigtsmr doch das sich s mönschlichebewussti doch witer entwicklet u ned stah blibe esch o wänns mängesch so schiint. würdi gern i arm näh jez, well es tribtmr gad träne id auge- aber ned us trur sondern fu freud. danke a alli wo das o erläbe hei dörfe,choi. velech bringts üs mönsche zäme, ohni gwalt,zerstörig u ignoranz. merci

[Fallen Angel]

Also nach dem Weekend verdient de Biitrag mal wieder e aktualisierig (ihr säged wenn eu mini lebensgschichte uf de geischt gönd, ja? ).

Wie scho im Report-Teil erwähnt, bini am Samschtig bi de Alien Space Night gsi, scho so gäg die 8i ufem platz und erscht mal chli kafi trunke, um wach z'werde. aschlüssend hani mal chli wasser trunke, will de sound grad so richtig geil gsi isch und ich mich entsprechend zimmli verusgabt ha. Da ich grad chli z'vill gäld bi mir gha han, hani erscht mal sones langarmligs goateil gkauft und sägemermal mich drii ine verliebt (immer de materialismus... tststs isch zwar eigetlich nöd umbedingt lustig, aber sooo doof, dass es würkli nur no zum lache isch, hihi). Da mini kollege grad es parkplatzproblem z'löse gha händ, und ich bis det ane niemert kännt han, hani erscht mal wiitergshaked und dänn no chli meh und irgedwie hani so kei bock uf alk gha, dassi gfunde han, ich trink dänn spöter mal eis, villicht so gäg de abig, mal luäge de tag isch ja no jung.

Und ja d'sunne hätt so langsam richtig abebrätscht und ab de 12e hätt de sound no es stuck meh brätscht (vorher scho guet gsi, aber um 12i mittags isches eifach nur no unbeschriiblich geil gsi, halt eifach genau das wasi liebe). Und so hani tanzt als hetti grad e grösseri dosis speed gno und das isch so was voneme geile gfühl, wämmer vo dem sound so mitgrisse wird, dass mer eigetlich überhaupt kei chraft meh brucht... und so bini ineme echte tanzflash gsi. wo zimmli lang gange isch, will de DJ gar nüme ufghört hät, und immer meh immer bessere sound i mini hörmuschel inegströmt isch.

ungefähr 4 lüt händ mich druf agsproche, dass ich villicht mal chli öppis weniger warms sött alegge - aber ich ha das irgedwie völlig doof - überhört und au gar nöd gmerkt, sondern gfunde es segi eigetlich easy...

bis ich dänn plötzlich gmerkt han: irgedwas stimmt mit mir nöd. Und DAS isch ganz und gar keis agnehms gfühl gsi. die einzig logischi schlussfolgerig isch sone art sunnestich gsi, und ich ha richtig gspürt wie min kreislauf jetz dänn jede moment es abschiedsbriefli schriibt und uf de zug haschtet. glücklicherwiis hätt de materialistischi eitelkeitsteil vo mim hirn sich zu dem ziitpunkt ebefalls verabschiedet und ich ha endli mal gschnallt, dass es villicht nöd ganz eso schlau isch, mit öppis langärmligem umezlatsche, wänn d'sunne grad sone art "let's grill them"-privatparty schmeisst. leider chli z'spaat.

mit e chli im schatte hocke und usruehbe hani min kreislauf chöne zum bliibe überrede, aber ich ha mich ächt scheisse gfühlt, ungefähr so wie binere überdosis mdma. und ich ha gemäss mine kollege au öppe eso usgseh... ganz devo abgseh hani au en zimmlich rote chopf, was eigetlich zimmlich doof usgseht, und minere eitelkeit sozsäge zeigt, dass sie sich s'next mal zrugghalte sött.. tjaja hochmut kommt vor dem fall... hehe

glücklicherwiis hani dur d'pfleg vo mine kollege, no chli öppis gässe und mich es biz erholt und spöter hani no en gärtner troffe, wo au scho en sunnestich gha hätt, de hätt mir mit erfahrig chöne wiiterhelfe und nach 3-4h schlaf isches dänn au langsam (seeeehr langsam) besser worde...

aber hey: also DAS sunnestich-"flash" isch würkli en kack. ächt nöd wiiterzempfehle. de vorteil vo de sunne, die energie wo sie eim gitt, isch für mich das weekend die einzig droge blibe, und ich ha sogar mit dere natürliche droge übertriebe - also so wie's usgseht, chani eifach nöd merke, wänn gnueg isch.

ich hinderfrög mich - ganz ehrlich - ob ich nöd eifach grundsätzlich immer ad gränze gahne. segs mit alk, droge, sunne, tanze, liebi, eitelkeit - immer on the edge, am limit wo nur irgedwie möglich isch, ja nöd druf lose, dass au e pause mal guet tuet, weniger isch meh, nei eifach immer wiiter mache...

es ich guet, hani de bezug zu chemische droge nüme, eis glück chani nöd demit umgah und ha das gmerkt (leider hani das fast e chli zuu oft müesse merke...) jetz musi nur no lerne, dass au alles andere im läbe irgedwo e grenze hät...

im prinzip erfahrt mer dur das wo mer erläbt sache, wo eim ufzeiged, wo dass mer im läbe staht. die erlebnis vo dem weekend, was wänd die mir zeige? wieso fehlt mir die bruck zwüsched dem was ich gedanklich begriffe und dem was mer d'realität nänne chönt?

BALANCE. Mir fehlt die waagschale i mim läbe, das isch nöd negativ, aber zimmlich extrem ..äh interessant. es bizeli meh rueh, wär villicht mal agseit.

oder au nöd? isch das nur sone art vorstellig vo de industrialisierte gsellschaft? dass mer ja nöd sött übertriibe und au nöd z'vill gnüsse? ich ha de sound gliebt, ich das langärmlige teil gliebt - isch liebi dänn schlächt? an und für sich nöd - und doch: wenn's am körper nöd guet tuet, so chas nöd nur guet sii. ich dänke mal en kreislaufkollaps isch nach neme nervezämebruch so öppe s'schlimmschte was mer sich cha atue. Und muess das dänn sii? isch das no läbe und erläbe? oder ehner ziemlich chrank...? natürli chönti mi jetzt userede und säge, das cha jedem passiere wo i de sunne tanzt. anderersiits hetti zumindest uf die lüüt lose müsse, wo mir mehrmals gseit händ, dass ich sött ufpasse. und defür, dassi uf die lüt nöd glost han, trägi halt scho d'verantwortig.

PS: ich ha kei ahnig, ob das medizinisch gseh, churz vor nem sunnestich, churz nach nem hitzeschlag, oder churz vor nem kreislaufkollaps oder was au immer gsi isch, aber es spillt eigetlich au nöd so e rolle. es isch eifach ziemlich es blöds gfühl gsi..

naja - trotz allem: de sound hät gfegt, und es isch mal wieder es mega geils gfühl gsi, voll abzgah und zwüsse, das isch alles uf natürlichem weg z'stand cho. ich ha grad vor zwei minute gschribe hochmut kommt vor dem fall, drum bini chli vorsichtig, was ich da schriibe söll, und doch erfüllt mich de teil mitneme gwüsse ateil stolz, oder eifach freud. und dankbarkeit für die lüüt wo det gsi sind und mich agnoh und understützt händ und die DJ's wo's schlussendli überhaupt ermöglicht händ, so t'tanze. es isch schön gsi. es isch au scheiss gföhrlich gsi, aber es isch schön gsi. so was erlebt mer nöd oft...

[he]

ausser en paar bier und kiffen tu ich nichts und bin trotzdem auf fast jeder party "druff"
wenn der sound stimmt, geh ich auf die tazfläche fange an und nach 5 minuten oder nem genialen soundwechsel merke ich wie ich anfange zu grinsen und wenns gut läuft bis zur heimfahrt nicht mehr aufhöre...
ich verspüre während dem tanzen eine innere freunde, glücksgefühle und tanke trotz verausgabung energie aber ehr im geistigem sinne.

mit meinem freund war ich mal in australien auf ner party..wir waren beide recht geplättet vom vortag und haben zwei bier getrunken. nachdem wir dann noch nen joint geraucht haben hat der boden aufeinmal sehr seltsame formen angenommen..klar wir waren nicht total nüchtern aber hee wir waren auch auf keinen fall unterwegs...
ich denke vielleicht wars ne art anpassung von uns...in der luft lag "drauf sein" wir warens nicht..trotzdem hats uns mitgezogen...wir waren zwischen den ganzen stieraugen und haben uns köstlichst über unser verschwommenes gefühl amüsiert...ich glaub dass man wenn der kopf klar das gefühl und die stimmung gut ist immer eine art High gefühl bekommen kann..das geht aber keinesfalls auf komando...das liegt an der richtigen zeit und entspannung.

auf jeden fall finde ich bist du ne vorzeigeperson..ich kenn eigentlich nur leute die ohne drogen spass auf partys hatten und dann irgendwann mit angefangen haben aber jemand der mal voll dabei war und jetzt die umgekehrte erfahrung macht finde ich erstaunlich..immerhin merkst du jetzt defenitiv dass du das zeug nicht brauchst...
*respect

[Fallen Angel]

aber jemand der mal voll dabei war und jetzt die umgekehrte erfahrung macht finde ich erstaunlich..immerhin merkst du jetzt defenitiv dass du das zeug nicht brauchst...

nuun ja. ich hoffe es. der wunsch auf konsum ist definitiv weg. allerdings habe ich insbesondere mit alkohol doch noch ziemliche mühe, nicht zu übertreiben. es bleibt nur zu hoffen, dass ich dank dieser erfahrungen mit dem nüchternen druff sein, auch diesbezüglich einen riegel schieben werde. Dieses Wochenende hat das geklappt - schade dass ich die sonne dabei unterschätzt habe...
das gefährliche an alk ist für mich auch, dass die hemmschwelle für anderes mit zunehmendem promillegrad sinkt. ein weiterer grund, den alkoholkonsum drastisch einzuschränken. denn der konsum von härterem zeug, als alkohol, ist für mich in erster linie gefährlich, nichts weiter.

nun ja ich bin kein heiliger und sehe mich ganz entschieden nicht als vorzeigeperson. ich bin einfach nur einer der vielen menschen, die ihr leben leben oder das zumindest versuchen. nichts, was man tut, hat keinen sinn - es ist nur die frage, welchen weg man gehen möchte. ich kenne mich inzwischen gut genug, um zu wissen, dass ich zum übertreiben neige, und auch allgemein zum konsum von irgendwas. mit tv, speed, mdma, games, internetforen (jaja...), lsd und dem wunsch nach trauter zweisamkeit (lala...) habe ich im verlauf der letzen zwei jahre abgeschlossen. und doch scheinen mich diese dinge immer wieder zu reizen, und es bedarf einer grösserer willensanstrengung, um nicht doch wieder in versuchung zu geraten.

man könnte sagen, es ist mir bewusst, dass ich anderes zeug nicht brauche - nur noch nicht so ganz...

[Kollegoli]

nun ja ich bin kein heiliger und sehe mich ganz entschieden nicht als vorzeigeperson. ich bin einfach nur einer der vielen menschen, die ihr leben leben oder das zumindest versuchen. nichts, was man tut, hat keinen sinn - es ist nur die frage, welchen weg man gehen möchte. ich kenne mich inzwischen gut genug, um zu wissen, dass ich zum übertreiben neige, und auch allgemein zum konsum von irgendwas. mit tv, speed, mdma, games, internetforen (jaja...), lsd und dem wunsch nach trauter zweisamkeit (lala...) habe ich im verlauf der letzen zwei jahre abgeschlossen. und doch scheinen mich diese dinge immer wieder zu reizen, und es bedarf einer grösserer willensanstrengung, um nicht doch wieder in versuchung zu geraten.

irgendwie tönt das für mich, als hettsch du dich entschiede, dass dir gwüssi sache nöd guet tüend und du nöd mit ihne umgah chasch, also sozäge nöd zum gschiide umgang mit ihne fähig bisch...

aso i miinere weltaschauig isches kei endlösig, eifach "nicht in versuchung zu geraten". s'endziel müsst doch sii, dass mer hinder dem, was mer macht, chan stah unds au guet finde... und ich finde das isch gar kei so umöglichi sach.

was ich für mich usegfunde han:
wie mers mit de substanze händlet, sind eigentlich lediglich entscheidige. ich zb entscheid mich für e droge bevor ich sie nimm.

wenn e droge gno hasch, dann chunnt irgendwann de ziitpunkt, wo d'droge dich wie vord entscheidig stellt, obd de fläsch jetz anäh und was demit mache willsch, obd dich dagege wehre willsch (was zume scheissfläsch führt), oder obd dich nöd enscheide und evtl. no meh näh willsch.

da ich ja scho e gwüssi erfahrig han, entscheidich mich scho im vorherein, dass ich mich für de fläsch, wo cho wird, entscheide. das heisst, das was cho wird, isch miini ufgab. ich überleg mir also nöd im nachhinein, no meh znäh oder irgendwas a mim fläsch zändere.

dann hani scho mal e ordentlichi portion stress weg und muss mich nümm de schwere, ziit und konzentration raubende ufgab stelle, ob min fläsch jez guet isch oder nöd... er isch nämlich eifach und das isch "s'ding wo ich grad dreie".

das isch für mich dgrundlag. so bini bereit und chan mich em eigentliche widme. was a mim fläsch zändere staht schlicht und eifach nöd zur debatte, well dafür hani scho gnueg umeexperimentiert.

es isch in vielne bereich im lebe so. wenn ich z.b. hei chume, dann entscheid ich mich meistens musig zmache... wenn ich aber dann überlege, ob ich no eis game chönnt (was heisst, dass ich mich nöd richtig fürs musig mache entschiide han), dann bin ich nöd be de sach und stah, irgendwie haltlos dezwüsche.

bem umefläsche ohni substanze isches gnau so. da ich nöd die ganz ziit droge näh will, gahn ich meistens mit "nüechterner" absicht a partys. d.h. ich ha mich scho im vorheinein entschiide, nüt znäh. das isch e entscheidig meh nöd. wennmer dann denkt: "ähh ich chönnt ja doch und das wär jetz geil und blabla", dann hatme d'entscheidig nöd richtig troffe bzw. muss a siinere konsequenz arbeite. wennmer sich nämlich definitiv defür entschiede hat, nüt znäh, dass isch ebe de ganz stress weg und mer chan sich ufs eigetnliche konzentriere... und siehe da, wenn mer chli üebig hat, dann isch mer tsäggbumm voll imene mega geile zuestand und es schuubet. ich find, me muss nur dra bliibe.

das isch für mich e art meditation. wenn mers ergebnis versuecht zerzwinge und rundumestudiert (söll ich dies, söll ich das, chum ich mach no jenes), dann klappt nüt... denkt mer hingege in gebündeltere muster (me konzentiert sich nur uf öpis; zb. musig; oder no gebündelter uf de repetitivi rythmus oder vo mir us uf de baum det) dann tüend sich igendwie plötzlich völlig neui welte uf. wennmer dann mal zuegang zu dene "welte" hat und det richtig staht, dann chamer wieder d'auge ufmache (im übertragene sinn) und wiiter laufe. wennmer dann zuestätzlich no die andere sache registiert... boah, das isch doch, nach was mer i dere bezieig suecht.. oder?

d'entscheidige machets us. wenn merksch , dass dir öpis nöd guet tuet, dann machs nöd. fertig. jede muss zersch paar mal, vo mir us au 50 mal, drii laufe. aber irgendwann, dörf mer sich ruhig defür entscheide, das zmache, was eim guet tuet... well mer weis es ja eigentlich. entscheidige, meh nöd. zimli jede, vor allem du, fallen angel, chans. be mir hats teilwiis e gwüssi aggression bruucht: ich han em einte teil vo mir gseit: "jetz fick dich mal, die ganz ziit zwelle; du chunnsch nüt über!!! ja chum hüül doch , machs! chum hüül! ich gah jetz de weg und fertig."

und uf die art, chanich au voll und ganz hinder mim drogekonsum als ganzes stah. well wennich substanzbedingt fläsche, dann mit vollem wille und de endgültige entscheidig, uf dem weg vo dem fläsch zflüüge (oder was au immer). und ich finde, so isch das, zumindest für mich, was gsunds. nöd öpis schlecht, nöd öpis "es gächt au ohni", sondern öpis gsunds.

es gaht scho ohni... so wie pommfrittes au ohni ketchup gönd. amigs sinds besser mit ketchup und amig sinds besser ohni.

man könnte sagen, es ist mir bewusst, dass ich anderes zeug nicht brauche - nur noch nicht so ganz...

ebe - well es gaht au ohni. dennoch isches ab und zue, ebe ganz guet mit. und sofern sich das im gsunde bzw sogar im gsündere (so wie be mir) rahme abspielt, gits überhaupt kein grund, öpis völlig wegzlah.

ich hoffe ich ha mich einigermasse verständlich usdruckt...
grüess

[Fallen Angel]

du häsch da en gewaltig geile text hinderlah -> check pm

das isch für mich e art meditation. wenn mers ergebnis versuecht zerzwinge und rundumestudiert (söll ich dies, söll ich das, chum ich mach no jenes), dann klappt nüt... denkt mer hingege in gebündeltere muster (me konzentiert sich nur uf öpis; zb. musig; oder no gebündelter uf de repetitivi rythmus oder vo mir us uf de baum det) dann tüend sich igendwie plötzlich völlig neui welte uf.

das isch glaub ich so ziemlich de punkt! das häsch perfekt beschribe. ich weiss gar nöd, was i no söll dezue säge, usser villicht: danke!

...isches kei endlösig, eifach "nicht in versuchung zu geraten". s'endziel müsst doch sii, dass mer hinder dem, was mer macht, chan stah

da häsch du wiederum rächt, nur isch das nöd so eifach. d'versuechig hät bi mir gründ (womer im goaflirt-forum nalese chan, wämmer grad 5h ziit hät und nüt bessers ztue *g*) und drum isch d'versuechig öppis schlächts - für mich. öppis woni nöd dörf nageh und wänni dänn nöd nachgibe, mich doch ereilt (also ich red da mal no vo alkohol). Und selbstverständlich chani nöd hinder neme alkkonsum stah, wo ich mich nöd etwa für entschiede han, sondern wo eher i mir drin usglöst worde isch, wäg irgednem grund. wo ich nöd kontrolliert betriibe, sondern zwanghaft.

wie mers mit de substanze händlet, sind eigentlich lediglich entscheidige. ich zb entscheid mich für e droge bevor ich sie nimm.

s'problem mit nöd-alk-Droge isch bi mir, dass ich us gsellschaftliche überlegige (job, kollege) kei Droge dörf konsumiere. Mini gsundheit und das züg isch mir zimmlich egal - ich würd sogar sehr gern chemischi Droge konsumiere, nur hinderet mich da min verstand drah. das isch au scho so gsi, wo ich no munter druff los konsumiert han, und drum sind die flashs sowiit ich sie in erinnerig han au entsprechend scheisse gsi. ich ha mich gar nie chöne defür entscheide, will's quasi immer "öppis schlechts" gsi isch, wo ich "trotzdem" gmacht han. nöd objektiv gseh - also ich find drogekonsum nüt schlächts, im gegeteil... - aber gsellschaftlich gseh, halt scho...

dass es flash under dem setting grad bi sonem denk-freak wie mir nöd umbedingt toll wird, isch scho fast selbstverständlich.

Und da ich nach wie vor weiss, dass es flash us dene gründ bi mir nüt schöns chan sii, möcht ich öppis anders erlebe. entschide hani mi so gseh scho lang - geg de konsum vo chemische droge und joints.

blöderwiis stah ich jetzt zwüsche alkohol und nüechtern sii.

alkohol isch mängmal wie sone art usweg us uswegslose situatione (oder so chömeds mir i dem moment zumindest vor), e möglichkeit "abzschalte", was natürlich nöd klappt, nur vergiss ich das immer *g* alkohol isch für mich e ziemlich extrem gföhrlichi droge, will sie a) gsellschaftlich nöd g'ächtet, b) eifach z'becho, c) i de würkig nöd wienes flash (à la mdma oder lsd) sondern ganz andersch und ufenart sanfter isch. weniger hibbelig und "psychoaktiv" uf all fäll... (jedefalls bi mir)

und sie isch gföhrlich will ich diversi muster i mir drin han, wo zum konsum vo alk führed, und all die muster z'ignoriere brucht meh als nur e entscheidig, es brucht die richtig stimmig i mir drin. de WUNSCH nüechtern z'bliibe.

wenn de wunsch da isch, isches eigetlich voll easy. und wenn ich nöd in eis vo dene sucht-muster inegheye, was gar nöd so eifach isch.

weisch, solang alles einigermasse vo mir gwünscht und kontrolliert ablauft, isch das wunderbar - nur dänk ich zvill naa für d'benutzig vo chemische droge & joints und vermuetlich zwenig, für d'benutzig vo alk. nüechtern bliibe isch für mich die einzig "richtig" option - und ich hoffe, dass ich das bim nöchschte mal, mal wieder einisch umsetze...

[Infected_xD]

@fallen angel

jo das känni irgendwie au, s`beschte biispiel esch ufem schälte gsi, mer send 6. deht ahne gange und mer händ wedr alk no soscht öppis kah, ufjedäfall beni dänn bald mal uf d`suechi han abr niemert gfunde kah wo scho öppis debi kah hät, also beni trotzdem uf tanzflächi, han agfange shake und öppe nacherä halb std merki plötzlech dasi mer irgendwie droffä vorchume, en mischig velecht us xtc und lsd, ben voll parad gsi und han irgendwie hallus becho, sind zwar ned so deftig gsi wie ufemä trip abr i han doch es paar sache gseh wo sech bewegt händ, ufjedäfall 1-2 std spöter chömed kolegä zu mer und fanget mi wedr bezeli a stressä vowäge; obi ned was han chöne uftribe uf jedäfall Blaa Blaa Blaa.
I ben scho i mehrerä technoszene gsi, vo trance öber house bis zu detroit hardcore abr i mues eifach säge, a goapartys hani wörkli müesse feschtstellä das mer au ohni droge WÖRD uscho , well die deko, lüüt und vorallem de sound eim scho gnue droff machet.)

abr wasi au ghört und mal vor längerer ziit gläse han, isch, das mer 20johr nach dem mer en trip inäghaue het es backflash chan becho, was ich auch schon han sälber müesse erfahre wo i na i de lehr gsi ben.
i mues dezue säge, i han inerä sägerei glehrtund wer en sägerei kännt chan sech sehr guet vorstellä das es uf kein fall guet isch wenn mer dehtä es backflash bechunt.)
I han en fetti fräsi bedient und ufeimol ben ech so dermasse uf de optisch cho, de ganzi bode, die ganz maschine, de ganzi halle wo ech drin gstande ben, het sech, vo links nach rächte bewegt und wedr zrug, dänn het sech mis ganze bleckfäld spirakförmig verdreht, also hani schnäll die maschine abgschalteund ben zumn chef is büro und han ehm gseit das mer sehr scheisse gaht und dasi uf kein fall so wiiter chan schaffe, er het mi dänn au hei gloh, zum glöck. wer weis was na passiert wäri.

[Kollegoli]

Mini gsundheit und das züg isch mir zimmlich egal

aso das findich jetz zimlich krass. aso ich verstah dich guet... ich han früener au so denkt (aso will jetz nöd wie en opa töne, bin erst 21). aber jetz mussi säge; hey, mini gsundheit isch mir so zimlich was vom wichtigschte. aso ich meine, wenns mi butzt, dann butzts mi, dann sölls so sii.... keis problem. tortzdem verusech ich aber so zlebe, dass ich merke, wie mir sache guet tüend. und was guet tuet isch gsund. was gsund isch, tuet guet. ich finde, völlig ufd gsundheit zschiise, wür sinn mache, wenn die schädliche sache geiler wäred, als die gsunde.... aber gnau betrachtet, isches ebe umgekehrt: die gsunde sache sind geiler und mached meh spass, als die ungsunde - vor allem uf längeri sicht (damit meinich nöd über 20 jahr, sondern nur scho über wenigi mönet). wenn mer merkt, wie eim öpis richtig guet tuet (körperlich, geistig oder beides).... hey, das isch es meega geils gfühl. heilig (sozäge) fühlt sich guet a.

dass es flash under dem setting grad bi sonem denk-freak wie mir nöd umbedingt toll wird, isch scho fast selbstverständlich.

das isch en wichtige punkt, findi. du denksch wahrlich sehr viel und sehr intensiv. das isch e uuuhuerre krassi gab. und so sehr du dirs au mängmal wünsche magsch, du wirsches wohl nie chönne abstelle; das wahnsinnige denke.... (wahnsiinig isch au es stichwort -->fiinfühligkeit. davo häsch wohl viel. ich gseh mich au eher als verhältnismässig fiinfühlige mensche und ich weiiss, dasses amigs recht krass und brutal isch, inere teilwiis so stumpfsinnige welt mit sehr offene sinn ume zlaufe.... ebe, alk "hilft" da und gid eim chli rueh (dsinn chönnd chli ferie mache).)
aber imho swichtigscht: es isch gar nöd nötig das denke abzstelle und dsinn id ferie zschicke. wenns sozäge schaffsch, d'barriere zöffne und diine gedanke freie lauf zlah (ohni sie a sache zbinde wie "das isch schlecht", "ich sött das lieber nöd mache" usw.), dann steckt da mega viel und mega schöns drin..... irgendwie soo (ha sgfühl, ich ha das, wasi ha welle säge, nöd ganz richtig usdruck... aber egal)

Und da ich nach wie vor weiss, dass es flash us dene gründ bi mir nüt schöns chan sii, möcht ich öppis anders erlebe. entschide hani mi so gseh scho lang - geg de konsum vo chemische droge und joints.

blöderwiis stah ich jetzt zwüsche alkohol und nüechtern sii.

ebe, aso imho cha das definitiv kei endlösig bzw kein endzuestand sii. wür ich so stah, dann wür ich mich jetz mal es ziitli für die totali abstinenz entscheide (was nöd "nüechternheit" bedüüte muess). das heisst: kei alk, kei joints, kei chemie, kei nüt. und zum eine obedruf setze, grad au no kei zigis (sind übrigens au chemie ). eifach mache, entscheide und dann nümm dra umestudiere, sondern luege, wie das sich über de bestimmt oder unbestimmt ziitruum afühlt. ich würs viellicht 2 - 5 mönet so mache (hani au scho gmacht). zumindest mal als versuech. wenn de ganzi stress weg häsch und mal uf ei siite stasch (evtl. nur mal zum usprobiere), dann häsch ziit für anders und chasch di ufs wesentliche konzentriere (und dich zudem, vo dem stress, wo der jetz die ganz ziit gmacht häsch, erhole). nacher chasch der au säge: "so, jetz hani 3 mönet absolut nüt gno und jetz dörfich mal wieder voll eis umefläsche; scheissegal was passiert oder wenns ungsund oder "schlecht" isch." ~oder so irgendwie.

alkohol isch für mich e ziemlich extrem gföhrlichi droge, will sie a) gsellschaftlich nöd g'ächtet, b) eifach z'becho, c) i de würkig nöd wienes flash (à la mdma oder lsd) sondern ganz andersch und ufenart sanfter isch.

ja isch so. skrass am alk, kiffe und zigis isch, dasses ebe nöd so krass isch. schlussendlich händ die droge gnau am meiste igriff i dis lebe gha. be "härtere" droge merkt mer schneller, wora mer isch und überleits sich viellicht scho im vorhinein, wie mer demit umgah söll. be alk/kiff/zigis merkt mers erscht nach jahre oder evtl nie.

und sie isch gföhrlich will ich diversi muster i mir drin han, wo zum konsum vo alk führed, und all die muster z'ignoriere brucht meh als nur e entscheidig, es brucht die richtig stimmig i mir drin. de WUNSCH nüechtern z'bliibe.

doch, es bruucht nur e entscheidig. zumindest mal als testphase. du erwartisch es gfühl, wo dir seit: "okeey, jetz willich nüechtern sii". säg dir doch: "ich will jetz nüechtern sii" und lueg, was füres gfühl chunnt - aber mit geduld bitte. wenns nöd klappt, chasch immer no wiiter luege - verlore häsch sicher nüt (hmm... user viellicht es paar wiiteri mal, wo dir seisch: "scheisse, wieso hani das gmacht").

weisch, solang alles einigermasse vo mir gwünscht und kontrolliert ablauft, isch das wunderbar - nur dänk ich zvill naa für d'benutzig vo chemische droge & joints und vermuetlich zwenig, für d'benutzig vo alk. nüechtern bliibe isch für mich die einzig "richtig" option - und ich hoffe, dass ich das bim nöchschte mal, mal wieder einisch umsetze...

nöd hoffe - mache. (sorry wenni jetz wie de papst oder en motivationstrainer töne). es isch gnau so iisy, wie dus ha willsch. machs nöd - voll iisy. machs - voll iisy. aber hoffe det, erwünsche da, umestudiere weissnödwo.... das isch verdammt uniisy.
ich chas nöd lah, wieder es "scheiss druf" zbringe. entscheid dich eimal fürs eine und es anders mal fürs andere und dann "scheiss druf" (bisch ja niemertem recheschaft schludig oder so). im nachhinein reflektiere und entscheide, wies nöchschtmal machsch.. verlüüre chasch nüt.


irgendwie sooooo

[Melliandra]

nöd hoffe - mache. (sorry wenni jetz wie de papst oder en motivationstrainer töne). es isch gnau so iisy, wie dus ha willsch. machs nöd - voll iisy. machs - voll iisy. aber hoffe det, erwünsche da, umestudiere weissnödwo.... das isch verdammt uniisy.
ich chas nöd lah, wieder es "scheiss druf" zbringe. entscheid dich eimal fürs eine und es anders mal fürs andere und dann "scheiss druf" (bisch ja niemertem recheschaft schludig oder so). im nachhinein reflektiere und entscheide, wies nöchschtmal machsch.. verlüüre chasch nüt.

*ganz fescht Nick-Smily*

[Fallen Angel]

Mini gsundheit und das züg isch mir zimmlich egal

naja ich mein das au eher i dem sinn, dass ich de asicht bin, dass mini gsundheit einigermasse selbstreguliert vo mim allgemeine befinde gstüürt wird. das mag jetz nöd sunderlich naturwüsseschaftlich sii, aber da ich zu minere strüübere ziite gottsjämmerlich übertriebe und trotzdem immer no kerngesundbin, hani diesbezüglich kei angst.
und doch häsch du scho rächt, s'gsündere isch oftmals au das wo eim meh spass macht... da ich mich aber zum biispiel au absolut ungesund ernähre und trotzdem e hammer figur han *grins&zwinker* bin ich nöd de asicht, dass ungesunds grundsätzlich un-gesund isch, sondern eher dass es sache gitt wo psychisch gseh je nach situation nöd guet tüend, und sache wo guet tüend. und solang ich mich guet fühle, gahts mir au guet. bin dahingehend en richtige gfühlsmänsch...

wenns sozäge schaffsch, d'barriere zöffne und diine gedanke freie lauf zlah (ohni sie a sache zbinde wie "das isch schlecht", "ich sött das lieber nöd mache" usw.), dann steckt da mega viel und mega schöns drin.....

ig find, es gaht nöd so sehr um guet oder schlecht, das sind nur bewertige wo under umständ chönd hälfe, sich z'entscheide... es gaht darum, die geballti ladig gedanke so z'bündle (wie en laserstrahl) dass sie zunere beriicherig i mim läbe werded, statt sich im chaos vonere gaswulche z'verflüchtige. gedanke sind gar nöd so schlecht - d'frag isch nur, was mer demit macht... und irgedwie widersprich ich dir au mit dini eigene wort:

das isch für mich e art meditation. wenn mers ergebnis versuecht zerzwinge, dann klappt nüt... denkt mer hingege in gebündeltere muster me konzentiert sich nur uf öpis; zb. musig; oder no gebündelter uf de repetitivi rythmus oder vo mir us uf de baum det, dann tüend sich igendwie plötzlich völlig neui welte uf

diesbezüglich glaub ich eignet sich goa sogar besser dezue als meditationsmusik, will s'Ego sich mit em Beat beschäftigt ("Bum Bum Bum Bum, boah isch das geil, so heftig, yeah!") während s'eigentliche bewusstsii dur die hochtönli und mitteltön wunderbar inen meditative zuestand gheyt. insbesondere, wämmer dezue tanzt - was aber no nöd mal zwingend isch. bi meditationsmusik fangts ego irgedwänn aa umenörgle... uf all fäll isch das en usgezeichnete weg, ufhöre z'denke, oder das zumindest vill befreiter, positiver oder au fründlicher z'mache als suscht so...

wür ich so stah, dann wür ich mich jetz mal es ziitli für die totali abstinenz entscheide (was nöd "nüechternheit" bedüüte muess). das heisst: kei alk, kei joints, kei chemie, kei nüt.

also ziggis klammere ich da mal us, irged es bizeli chemie, muss scho sii, lah mir doch wenigstens EI droge *g* - ansunschte ja: genau das isch mis ziel. zwüscheziel, endziel, egal - eifach mal es ziel, womer chan erreiche oder au nöd. mer gwünnt, mer verlürt mal bi dem "ränne" is ziel. aber solang mer es ziel hätt, weiss mer wenigstens wämmer verlore hät. und natürlich au wänn mer gwunne hät, und cha das gnüsse.

nacher chasch der au säge: "so, jetz hani 3 mönet absolut nüt gno und jetz dörfich mal wieder voll eis umefläsche; scheissegal was passiert oder wenns ungsund oder "schlecht" isch." ~oder so irgendwie.

das gsehni nöd so. ich möcht ja nöd mit alk ufhöre, um denn wieder mit chemische droge azfange, und au nöd mit alk ufhöre, um dänn in drü mönät wieder glich wiit z'sii. nei ich wött mit alk ufhöre, demit ich eines tages EIS EINZIGS bier trinke, villicht am Samschtig eis und am Sunntig morge eis - und THAT's IT. nöd zwei, nöd 5, nöd meh...

um das zgspüre was ich authentizität nenne, echtheit, demit ich bi mir bliibe, ganz egal, was passiert, segs e abwiisendi frau, sound womir nöd so gfallt oder suscht was.

und vo dem punkt äwäg, und ERSCHT dänn, chömmer nomal drüber rede, ob's scheissegal isch. bis dahin hani es ziel vor auge...

alk macht wohl scho "sinn", wells ja evtl. seinzige mittel sii chönnt, pause vo dir selber zha.

find ich eigetlich nöd - es isch je nach situation genau so sinn-fördernd, villicht ufenanderi art, als nüechtern - aber es isch nöd eifach es betäubigsmittel (usser villicht e betäubig vo dem bewusstsii, vo dem ich im andere thread gredt han), es isch eher es fluchtmittel, wo nöd funktioniert.

ja isch so. skrass am alk, kiffe und zigis isch, dasses ebe nöd so krass isch. schlussendlich händ die droge gnau am meiste igriff i dis lebe gha. be "härtere" droge merkt mer schneller, wora mer isch und überleits sich viellicht scho im vorhinein, wie mer demit umgah söll. be alk/kiff/zigis merkt mers erscht nach jahre oder evtl nie.

au da gib ich dir recht - allerdings zählt kiffe FÜR MICH (!!!) und sowiit ich das gsehne nur für mich - zu de härtischte droge vo allne wo ich mal usprobiert han... nüt anders, nöd mal mdma löst bi mir sone totali, völligi und kompletti desorientiertheit, paranoia und psychose-artige zuestand us. ihr chönd eu das vermuetlich nöd vorstelle, aber bi mir langt ein zuug vomne joint, und mer chan mich öppe 6h lang rauche... de einzig grund wieso ich überhaupt immer wieder mal en joint rauche isch glaub, dass mir das d'lüüt eifach nöd abchaufed, und drum uuumbedingt wänd dassi mal eis rauch - naja, danach wänds das nüm, hehe (was ich eigetlich durchus nüme mache, nur mängmal, wenn ich grad möcht chli schockiere *g*)

und all die muster z'ignoriere brucht meh als nur e entscheidig, es brucht die richtig stimmig i mir drin. de WUNSCH nüechtern z'bliibe.

doch, es bruucht nur e entscheidig.

nei - es brucht au de wunsch. guet du seisch, wenn ich will, dänn klappts, aber ich glaube nüme so rächt a min wille, für das hani scho zuuuu oft eneme muster nageh, statt das zmache, was ich mir vorgno han und au würkli ha welle mache. aber wenn ich mich druf freue, nüechtern z'bliibe, druf freue, dass am morge alli dänked ich hegi konsumiert, und ich weiss ich ha nöd, druf freue, weg speed aquatscht zwerde, wills glaubed, ich hegi speed konsumiert, wenn ich mich druf freue ide nacht mal penne zchöne und am nächschte tag fit z'sii und de ganz tag z'tanze, wenn ich mir wünsche, all das z'erlebe - und nöd s'andere - dänn klappts au mitem wille. aber natürlich isch e diesbezüglichi, bewussti entscheidig sicherlich hilfrich.

nöd hoffe - mache.

Tu es oder Tu es nicht - es gibt kein Versuchen!

Was meinsch wie oft han ich scho über de satz naagrüblet.

@Melliandra & Kollegoli
Also, im Prinzip händ ihr recht, wämmers us de perspektive gseht, dass mir au mal fehler dörfed und sogar scho fast müend mache, um wiiterzcho. aber es chan doch nöd sii, dass ich immer die gliche fehler mache? es isch scho okay, mal abzstürze, aber nöd jedes zweit weekend. es isch scho okay, aber ich würd eifach mal gern öppis anders erläbe. und die "Wirkung ohne Substanz" isch öppis sehr reizvolls...

@Infected_xD
Das isch es genials erläbnis - und es isch mega, dass du das so erläbt häsch. das mit em backflash... ich weiss es nöd, kei ahnig ob das würkli möglich isch, aber rein vo dem her, dass das was e droge macht, schlussendlich nüt anders isch, als öppis wos im körper scho gitt, uf extremi art uszlöse, chönts scho sii, dass mer es natürlichs flash hät, nachdem de körper das kännt.

[Kollegoli]

Zitat:
wenns sozäge schaffsch, d'barriere zöffne und diine gedanke freie lauf zlah (ohni sie a sache zbinde wie "das isch schlecht", "ich sött das lieber nöd mache" usw.), dann steckt da mega viel und mega schöns drin.....

ig find, es gaht nöd so sehr um guet oder schlecht, das sind nur bewertige wo under umständ chönd hälfe, sich z'entscheide... es gaht darum, die geballti ladig gedanke so z'bündle (wie en laserstrahl) dass sie zunere beriicherig i mim läbe werded, statt sich im chaos vonere gaswulche z'verflüchtige. gedanke sind gar nöd so schlecht - d'frag isch nur, was mer demit macht... und irgedwie widersprich ich dir au mit dini eigene wort:

aso binmer jetz nöd sicher obdi richtig verstande han. so wie ich verstahn, widersprichsch du mir ja gar nöd, sondern mir sind gliicher meinig. aso ich finde, de gedanke freie lauf zlah und sie ebe nöd a so komischi sache zbinde, isch wie vorussetzig zum sie sinnvol bzw. no sinnvoller chönne zbündle. ich han das so gmeint, dass mer sich so guet wie nur no uf öpis konzentriert (ebe ub de rep. rythmus) und nümm über sache wie ebe guet oder schlecht umestudiert (well so wie du verzellsch, bisch du dir ja, wenn du irgendwie druff bisch, nöd sicher und häsch min. unterbewusst sgfühl, du machisch was falsches). und ja ebe, gedanke sind imho natürli uf kein fall schlecht, wovo ich rede, isch ja lediglich sie uf ein punkt zkonzentriere; nöd irgendwie sie zreduziere.

diesbezüglich glaub ich eignet sich goa sogar besser dezue als meditationsmusik, will s'Ego sich mit em Beat beschäftigt ("Bum Bum Bum Bum, boah isch das geil, so heftig, yeah!") während s'eigentliche bewusstsii dur die hochtönli und mitteltön wunderbar inen meditative zuestand gheyt. insbesondere, wämmer dezue tanzt - was aber no nöd mal zwingend isch. bi meditationsmusik fangts ego irgedwänn aa umenörgle... uf all fäll isch das en usgezeichnete weg, ufhöre z'denke, oder das zumindest vill befreiter, positiver oder au fründlicher z'mache als suscht so...

ja das gsen ich bezüglich goa au in etwa so; finds no guet gseit. aso ob traditionelli meditationsmusig weniger geignet isch, sei mal dahigstellt, aber ufjede fall eigned sich goa perfekt zur meditation... irgendwie dafür isches ja au gmacht; und das isch ja igendwie, wasmer psychedelik nennt.

Zitat:
nacher chasch der au säge: "so, jetz hani 3 mönet absolut nüt gno und jetz dörfich mal wieder voll eis umefläsche; scheissegal was passiert oder wenns ungsund oder "schlecht" isch." ~oder so irgendwie.

das gsehni nöd so. ich möcht ja nöd mit alk ufhöre, um denn wieder mit chemische droge azfange, und au nöd mit alk ufhöre, um dänn in drü mönät wieder glich wiit z'sii. nei ich wött mit alk ufhöre, demit ich eines tages EIS EINZIGS bier trinke, villicht am Samschtig eis und am Sunntig morge eis - und THAT's IT. nöd zwei, nöd 5, nöd meh...

aso verstahni dich jetz richtig, dass dis endziel eigentlich isch, nie meh en richtige fläsch zha? zumindest nöd in absehbarer ziit (so im sinn vo (paar) jahr)? hasch dann dir das ziel definitiv gno, was heisse wür, dasses es zimli jungs ziel isch, well vor paar täg, häsch ja irgendwie no nöd so recht gwüsst? oder so`?

nei - es brucht au de wunsch. guet du seisch, wenn ich will, dänn klappts, aber ich glaube nüme so rächt a min wille, für das hani scho zuuuu oft eneme muster nageh, statt das zmache, was ich mir vorgno han und au würkli ha welle mache. aber wenn ich mich druf freue, nüechtern z'bliibe, druf freue, dass am morge alli dänked ich hegi konsumiert, und ich weiss ich ha nöd, druf freue, weg speed aquatscht zwerde, wills glaubed, ich hegi speed konsumiert, wenn ich mich druf freue ide nacht mal penne zchöne und am nächschte tag fit z'sii und de ganz tag z'tanze, wenn ich mir wünsche, all das z'erlebe - und nöd s'andere - dänn klappts au mitem wille. aber natürlich isch e diesbezüglichi, bewussti entscheidig sicherlich hilfrich.

doch - es bruucht nur e entscheidig.... zumindest be dir. be öperem wo völlig überfordered und tüüf ide scheisse isch - okee, da chani säge; dem ischs jetz eifach zviel. aber du; du chunsch mir nöd so eifach devo =; .
mir isch scho klar, dasses irgendwo dure de wunsch bruucht. aber de häsch ja scho güsseret; du wilsch chönne "selber bestimme", wann du welli droge nimmsch... oder so ähnlich. was du meinsch, isch eifach de konstanti wunsch, us em tüüfe innere, zu jedere ziit. aber da chasch grad ufs dornrösli oder so warte. de bruuchsch nämli nöd. so wie ich das gseh, wies au nöd bsunders schwär zgseh isch, hasch du zwei siite i dir, wo die eini seit "machs!" und die ander "machs nöd!". also gib beidne e chance. de einte hasch ja scho ordentlich chance gäh, aso isch die ander mal dra.
sin wille chamer manipuliere; me chan ihm de mittelfinger zeige und eifach mal de einte siite, em verstand, de logik oder wiemers dann au nenne mag, d'überhand gäh. das isch e entscheidig, wo du allemals defür imstand bisch, sie ztreffe. alles andere isch nur e usred oder fuulheit.
wenn ufem heiweg bisch und en sauschwäre rucksack und chopfweh häsch, dann seisch au nöd plötzlich: "määh, ich hock jetz ab und lauf nie meh wiiter", sondern du entscheidisch dich trotzallem wiiterzgah und uf die einti siite oder irgenden teil vo dir zschiisse... dann machsches eifach. und au da hätme doch 2 siite in sich, wo die eint seit "lauf" und die ander "chum rühr din rucksack furt und schlaf jetz an ort und stell".

Tu es oder Tu es nicht - es gibt kein Versuchen!

Was meinsch wie oft han ich scho über de satz naagrüblet.

ja das isch ja au de punkt; nagrüble isch öpis und au sehr guet.... aber sandere isch au, das mal uszprobiere und zluege wie sichs afühlt. mir sind da zum teste. es gid nüt zverlüüre.

gruess

[u.s.l.]

ich weiss das ghört sich seeehr seltsam aa, und wer mir das nöd will glaube dem mach i kän vorwurf, aber ich wür eifach mal gern wüsse, ob ihr schomal sowas erläbt händ.

ich bin sitt sehr langer ziit nüm a partys und das weekend ändlich wieder emal us minere hüte usecho.

ich ha nöd vill gschlafe vom friitig uf de samschtig und so bini dänn relativ müed det acho.

de sound isch vom fiinschte gsi und d'stimmig hät mi au sehr guet dünkt und da ich am tag vorher vill zvill alk gha han, isch mini lust uf getränk nöd vorhande gsi. und suschtigi droge lang ich nüme aa, will ich eifach nöd cha demit umgah, insbesondere nacher, ich vermiss das absolut nöd.

und so hani also chai und wasser trunke und de sound glost und gfrore und gshaked und gmerkt, dassi nur so nöd früere idem ich shake und de sound isch durchwegs genial gsi, psychodelisch und... hey moment psychoaktiv...?

ich ha zwüschedure au mal versuecht z'penne aber es isch eifach z'chalt gsi zum chöne schlafe und so bini wiiterhin wach und immer müeder worde und uf eimal gseh ich wie's füür sone art hüpfer macht und ich denk nur "oh oh"...

und spöteschtens vo det eweg bis ..naja hüt abig.. han ich mich ächt druff gfühlt und zwar effektiv so wie wie NACH neme lsd-flash. während de party hani so zwüsche 3 und 5 versuecht usezfinde ob ich eifach liecht dehydriert gsi bin, ob's dra gläge hät dasi zwenig gässe han.. alles durchus möglich, aber wo dänn am morge de wunderschöni *tshaktshaktshak* *zerzwirbel* sound ufgleit wore isch, und jede schluck wasser sich so agfühlt hät wie früehner wo ich lsd konsumiert gha han (so chli wie es getränk vo götter), da hani ächt chli panik becho.

die einzig erchlärig wo mir neb müedigkeit no in sinn cho isch, wäri passiv-kiffe (ich ha au nöd kifft) aber irgedwie dünkt mich das alles so hmm, unwahrschiinlich. verstönder es isch würkli wie en trip gsi, nur ebe ohni de trip und vor allem ohni dass ich eine gha het.

Isches villicht eifach die langi abstinenz vo dem sound i dere qualität zäme mit de stimmig vo de anderne wo det gsi sind? sone art kollektivs druff sii, usglöst dur musik und müedigkeit (m&m die neui art vo trips ) und d'freud vo allne wo det gsi sind?

ich verstahs eifach nöd - da isch mer brav, trinkt nöd, raucht nöd, schmeisst nöd - und s'resultat: druff vo nüt - das isch irgedwie nöd ganz logisch...

D'frag isch, isch das überhaupt möglich? e kombination vo suufe am tag vorher, wenig schlaf, chälti, gueti stimmig, geniale psy-sound, wenig bis nüt ässe, villicht zwenig trinke und shake bis mer nüme chan = equivalent voneme lsd trip?

oder han ich ohni dasis gmerkt han e anderi bewusstsiinsebeni erreicht? so imne esoterische sinn e art bewusstsiinsverschmelzig mit de party gha? das wär natürlich geil, aber äh.. wie wahrschinlich isch das?

Mer muss villicht no dezue säge, dass es det e frau gha hät wo am morge mega gueti stimmig mit lächle und shake bi de meiste lüüt usglöst hätt, so villicht au eifach bi mir, villicht isch sie das gsi, wo das usglöst hät, wer weiss scho wie das biologisch gseh alles zämehängt.. *smile*

oder isch es villicht sogar möglich, dass mer no jahre spöter es ächts backflash cha ha?

also vermuetlich glaubt mir das eh niemert aber so isches gsi und hät sich's agfühlt und es wär no interessant z'erfahre ob ihr so öppis au schomal gha händ?

Oder villicht sogar jedesmal? villicht au en ufruef a nöd-konsumente, ob sie sich au scho so gfühlt händ, dass de sound wie ne warmi decki isch wo eim iihüllt, und ein sozsäge bewegt, und wo ein sache gspüre laht gseh wo ein erstuunt und au dass mensche uf eimal andersch usgsehnd

das isch au so öppis, es hätt mindestens 4 lüüt gha det, wo ich nöd gwüsst han, ob das lüüt gsi sind woni mal persönlich kännt han. ich ha die lüüt regelrecht agstarrt, und has eifach nöd usegfunde.

ich ha mich au nöd getraut z'frage, wills irgedwie zwar ähnlich usgseh händ aber irgedwie au wieder nöd und da ich nöd gwüsst han was mit mir los isch, hanich's eifach nöd gschafft uf die zuezgah. Will anderi woni vom gseh her kännt han, die hani durchus er-kännt, also ja...

also sehr en seltsame morge isch das gsi - aber schön, de sound hät amel gflasht und d'lüüt au.

vorsicht ist die mutter der porzellankiste

[Individuum]

hm ich han das in letschder zit auscho desöfteren gha, die euphory vom mdma woni ame als so chum unushaltbar wahrgnoh han, tritt mittlerweile eifach so uf! plötzlich das abartige chrible ede bei de gheii fasch öbere und mache loftspröng. einfach aus dem nichts, aber sehr willkomme

[Tatzuwurm]

Möglicherweise, und meiner Meinung nach ziemlich sicher, stellt dies der nächste Schritt in der spirituell/mentalen Evolution unserer Spezies dar.

Der Gebrauch von psychedelischen Substanzen in den letzten 50 jahren, dürfte den "Binärcode" des Kolektiv-Bewusstseins deutlich ergänzt und verändert haben. Folglich lässt sich diese Codierung vielleicht sogar in unserer DNS nachweisen. Es erstaunt nicht, dass immer mehr Menschen psychedelische und vorallem theodelische Bewusstseinzustände erleben.

In den letzten Jahrzehnten, manifestierten sich diese Aufbrüche und Erhebungen des Bewusstseins allzu oft, unkontrolliert, psychotisch. Schizophrenie und ADS könnten daher lediglich eine Last sein, weil diese Wahrnehmungen nicht voll und ganz ins Kolektiv und unser Realitätsbild integriert werden. Weil das Selbstverständnis der Menschen sehr getrübt und abgelenkt wurde. Christanisierung, Alkohl und Gewalt haben starke Traumas in unserem Kolektiv-Gedächtnis hinterlassen, die sich für uns sehr nachteilig ausprägt haben und eine Kulturneurose herforbrachten, die ihres gleichen sucht.

Die Vernichtung und Herabwürdigung des matrizistischen Weltbildes und dessen Ablösung durch die patriachale Diktatur, bildeten wohl dafür die Initialzündung. Religionskriege, Dogmatie und co, dürfte es davor nur sehr selten, wenn überhaupt in solch destruktiver Form gegeben haben. Als die Frauen noch die menschliche Gesellschaft formten, dürfte es auf diesem Planeten um einiges harmonischer und friedsamer gewesen sein.

Doch wie gesagt, allmählich hat der vorallen im "Untergrund" keimende Gebrauch von Psychedelika seine Wirkung getan. Und mir scheint es fast so, als wäre diesbzüglich die "kritische Masse" bald erreicht. Der mensch beginnt sich langsam von den Traumas zu befreien und löst die Neurosen auf. Damit findet er zurück zu "Gott" in sich selbst. Wir werden immer mehr in der lage sein unsere Realität selbst zu gestalten und zu manifestieren.
Quantenbewusstes Wirken.

Im Grunde unserers Herzen, können wir doch alle spüren, dass nichts unmöglich ist, das alles form und wandelbar ist. Das alles eins ist. Alle Eindrücke des kindlichen Bewusstseins, des träumerischen, des psychedelisch visionären, sie alle zeigen zum Kern der Dinge. Der "Lichtbringer" kehrt zurück, denn wir werden selbst zu welchen. Dabei sollten wir jedoch nie die Gesetze der Polarität und Resonanz vergessen, denn dann werden die kosmischen Nivilierungskräfte (Ausgleichskräfte) dafür sorge tragen, dass man garantiert nicht das bekommt, das man möchte.

Die welt ist im Wandel, und wir mit ihr. 2012 wird ein witeres Äon des galaktischen 26000 jahredauernden Zykluses enden. Was das für Konkrete Auswirkungen auf uns und unser Bewusstsein haben könnte, wird sich zeigen.

Die Ralitätsebenen funktionieren scheinbar nach dem Prinzip der "selbsterfüllenden Prophezeiung". Somit an dieser Stelle, um zum Schluss zu gelangen. (mannoman bin ich abgeschweift. Aber es hängt schliesslich alles zusammen, ist kausal verknüpft),
werden wir immer mehr psychotrope Bewusstseinzustände erleben, ganz ohne äusserliche Indikatoren. Unsere Zirbeldrüse beginnt immer mehr DMT auszuschütten. Ob wir diese Erlebnisse integrieren, konditionieren, kultivieren, oder ob wir ihnen mit blinder Furcht begegnen und wir uns von ihnen in den Wahnsinn treiben lassen wollen, obliegt ganz alleine uns. Jeder kann selbst wählen.

Einige von uns werden schamanistisch aktiv und machen sich auf den Weg der praktischen Magie, oder quantenmechanischen Handelns. Andere schreiben Bücher, begründen Glaubensgemeinschaften. Wieder andere geniessen es als Teil des Ganzen und belassen es wie es ist. Welche drehen durch, werden wahnsinnig, und leiden darunter. Bringen möglicherweise sich und andere um. Aber wie gesagt, die Resonanz-und Polaritätsgesetze werden dafür sorge tragen, dass die Natur im Gleichgewicht bleibt. Wo Licht ist, ist auch Schatten. Wie unten so oben. Man sollte sich dies gegenwärtig sein, ohne sich dabei in dualistischen Dogmen zu verstricken. Ohne sich von naivneurotischem Schwarweissdenken versklaven zu lassen.

Allumfängliches, kugelförmiges Denken. Verknüpfungen an jedem Schnittpunkt des Realitätennetzwerkes. Überall und jederzeit abrufbar, da überall zugleich vorhanden. Drogen, Musik, Fasten, Meditation, Träumen, Musizieren, Malen, sie alle bilden Katalysatoren für unser Bewusstsein. Wahrhaftes erwachsen werden. Aber glaubt mir bloss kein Wort, geht in die Welt hinaus und entdeckt, versteht und manifestiert es für euch selbst.