militär / EO

[Tinnitus]

ich muess i 2 wuche id RS irucke (haha, ich weiss...).

han euch welle froge, ob öpper vo euch weiss, wie das mitm Lohn / EO ish? ich bin übers militär bi minere firma agstellt. wie vill vo mim lohn bechum ich während de RS? Gits gsetzlichi Grundlage?

min chef seit ich bechume 50% vo mim lohn. de kolleg seit, s'militär zahlt mim chef 80% vo mim lohn und die muess er mir wiitergeh...

*verwirrt-bin*

danke für d'antworte

[handtuch]

we 100% agstöut dem bisch wärend dem dienst, überchunsch du 80% vom lohn. endweder vo dr firma diräkt oder übers EO (de aber mit verspötig) auso würdi scho ufpasse. we di chef dir nur 50% wot zahle, hetter endweder ke ahnig oder wet di abzocke...

hie no de link dezu http://www.vtg.admin.ch/internet/vtg/de ... ielle.html

[Tinnitus]

danke, ich wirds mit ihm bespräche

[Tinnitus]

hm... han die siite jetz mal na gnauer agluegt...

chöntsch du mir au no erkläre, WISO ich 80 % vo mim lohn set übercho?

eigentlich ghör ich ja da dezue:

"Absolventen der Rekrutenschule (RS) erhalten grundsätzlich 62 Franken pro Tag, unabhängig davon, ob sie Rekrut, Soldat oder Gefreiter sind und ob sie vor der RS erwerbstätig waren oder nicht."

usser ich ghöre zu dene:

"In Gradänderungsdiensten (Beförderungsdienste wie Anwärterschule, Offizierslehrgang, Praktischer Dienst usw.) beträgt der Mindestbetrag 111 Franken pro Tag; Erwerbstätige erhalten 80% ihres durchschnittlichen vordienstlichen Einkommens, mindestens jedoch 111 und höchstens 196 Franken pro Tag."

han sho uf verschiedeni nummere aglüte etc. aber niemer chan mir hälfe....

[Mayday]

Als ned verhüratete kriegsch 70% vom bisherige Lohn und verhüratet 80%
Plus de Sold vo öppe Sfr 4.- am Tag

[Mayday]

Häsch denn au scho mal denä a glütet ?

Wo ich no en ADA gsi bin hanimi döt informiert.

Kant.:
Ausgleichskasse
SVA Zürich
Röntgenstr. 17
Postfach 8087 Zürich
8005 Zürich ZH
044 448 50 00

[Voodooman]

Die wo Agstellt sind chömed 80% vom Lohn über, alli andere chömed EO über das sind die 62 Franke am tag.

eigentlich ghör ich ja da dezue:

"Absolventen der Rekrutenschule (RS) erhalten grundsätzlich 62 Franken pro Tag, unabhängig davon, ob sie Rekrut, Soldat oder Gefreiter sind und ob sie vor der RS erwerbstätig waren oder nicht."

Nöd wennd no agstellt bisch.

Ich wünsch dier vil Spass häsch nöd wölle DD mache?

Min Nick "Voodooman" chunt übrigens usem Militär, wil ich mal e Voodoopuppe vomene Vorgsetzte baut han und si denn mit benzin übergosse han und azündt^^

Jaja isch e luschtigi Ziit gsi smilitär.

[Cellar_Door]

Ich han 60% übercho vom Lohn (ich glaub das isch s'Minimum wos der zalle mönd) und das isch immer no meh gsi, als dass ich vode EO becho het. Aso han ich d'EO am Arbeitgeber gäh und han eifach 60% vom Lohn becho.