darkpsy isch im fall no cool zum shake, will es hät sooo vill tön, und es isch au nöd so langsam, und drum chammer sich eifach freye lauf lah und so zimmli jedi bewegig mache wo i eim drin isch. sicher isches stimigsabhängig, aber es cha eim u vill geh. je nach stimmig. zum chille find ichs zimmlich unge-eignet, will naja es forderet rächt vill vo eim. es gitt eim au das zrugg wos fordert, aber wenn nur hängsch chunsch ebe genau das hänge zrug und dänn hängsch dänn irgedwie nur no. so das wär mal mini voll fundierti meinig nach öppe 2,3 dark psy partys
die ganz diskussion erinnert mich a die völlig vörige progi oder psy diskussione vor öppe 5,6 jahr wo vo dem her so voll vörig gsi sind, will ja all die lüüt wo uf de tanzflächi abgange sind (und nöd öppe sgfühl gha händ sie müssed umepöble) mal s'einte und dänn wieder s'anderi känne und liebe glernt händ, und au mal chli oldscool 1993 sound händ chöne wertschätze. wür hüt no öpper über progi ODER psy diskutiere? nei mer hät öppe erkännt, dass beides goa isch. wird bi darkpsy scho au no so wiit cho, gsehnds dänn scho
heja und so im 1999 häts au scho darkpsy geh, so richtig düschters züg, chli langsamer aber sicher DARK, und hüt isches remember. au etikette tüend sich ändere.
es gitt eifach sound wo fägt, sound wo di wegbeamt, sound wo druckt, sound wo voll de hammör isch, sound wo flasht, sound wo tschaggatschaggadong macht, sound wo soundig isch - und alles isch irgedwie goa. solangs nöd eifach nur us zwei tön bestaht, wobi sogar bi dene zweitonproduktione gits vermuetli seint oder ander wo im richtige moment eifach sahnig isch.
mir losed Goa, jungs und mädels. GOA. das isch en elektronischi megaohrcheschtergschicht wo dich mitrisst, erläbe laht, liebe laht, usetanze laht. das isch sound wo a de underschiddlichschte ort und plätz gspillt wird, wo für üs stimmt. will mir Goaner sind. au wemmer keini sind. will mir andersch sind, au wenns kei anderi gitt. will mir fetzig sind, und offe, und cool, und tolerant, und lustig, und kuschelig, und heftig, und no so zwei drü andri sache. mir sind de sound und de sound isch üs.
Amen