Was ist dir bei einem Mann wichtig?

suchst du eine passende goaliebe dann suche sie hier?

Was ist dir bei einem Mann wichtig?

Respekt, Ehrlichkeit, Vertrauen
32
27%
Klug, Intelligent
5
4%
Aussehen, Körper und Outfit
2
2%
Lustig, Humor und Witzig
3
3%
Geld
5
4%
Sex
27
23%
Bediengunslose Liebe, der Rest ergibt sich!
18
15%
Ausstrahlung, Charakter, Charisma
21
18%
Schutz, Unterstützung und Zeit für mich
6
5%
 
Insgesamt abgegebene Stimmen: 119

Benutzeravatar
Titali
Platin Member
Platin Member
Beiträge: 841
Registriert: Fr 29. Jun 2007, 11:25
Wohnort: Deep Somewhere...

Was ist dir bei einem Mann wichtig?

Beitrag von Titali »

so, ha dänkt mach dr glich tread mau für üs fraue ;)

was isch euch wichtig bimene ma?

isch irgendwie no schwirieg e antwort ghä, wüe irgendwie isch ja alles einigermasse wichtig, ussert gäld isch für mich am wenigschte wichtig!!!
The Drums don't Stop... Bild
Benutzeravatar
Melliandra
Platin Member
Platin Member
Beiträge: 1011
Registriert: Mi 24. Mai 2006, 13:14
Wohnort: Affoltere am schöne Albis
Kontaktdaten:

Beitrag von Melliandra »

Han mich fascht nid chöne entscheide zwüsched 'Schutz, Unterstützung und Zeit für mich' und 'Ausstrahlung, Charakter, Charisma' aber han mich
denn fürs erschte entschiede. =o)

Luschdigerwies isch mer gad als erschts de Gedanke cho: Ja chund drufa
für was für en Ma. =o) Für en Fründ/Kolleg, für de Liebhaber, für de Partner fürs Läbe. Irgendwie wariert das vo Type vo Bezieig womer zu dem
Ma hed. Hehe aber viellicht isch das scho wieder z'viel überleid. Und das
am Morge früe. *grins. * =o)
*poink*
piraña

Beitrag von piraña »

...So gemein...
...D Fraue hend eifach überall meh Uswahl...
...Nid nor ide Chleiderläde; )
Benutzeravatar
Titali
Platin Member
Platin Member
Beiträge: 841
Registriert: Fr 29. Jun 2007, 11:25
Wohnort: Deep Somewhere...

Beitrag von Titali »

also melliandra ich meine scho dr boyfriend, dr liebhaber, din liebst... dä wo du us ganzem härze liebsch, zyt verbringst und zbett teilisch O:)

aber hesch irgenwie no rächt... wenn mau nur bock uf sex hesch, wirds rächt oberflächlech und es brucht wohl nid so vieli kritikpunkte, wo erfüllt müesse wärde... usgseh & sex würd gloubs länge - muesch ja die person nid lang um dich ume ertrage *smile*

ha irgendwie no öpis wichtigs vergässe, also isch für mich no wichtig:

SPIRITUALITÄT, SENSIBILITÄT und ABENDTÜÜRLUST!!!

ich ha mich für bediengigslosi liebi entschiede, wüe das irgendwie ALLES drinhet... wenn ich öper soooo fest liebe, denn stimmt ja zmeiste, wo mir wichtig isch: usstrahlig&usgseh (dr mönsch wird automatisch schön, wenn meh liebt), respekt, ehrlichkeit, vertroue, zyt und unterstützig, intelligänz, charakter, unterstützig, spiritualität, sensibel und natürlich dr sex ;)

@piraña: hehe, it's like that!!! mir sind halt aspruchsvoll =D> O:) =D>
The Drums don't Stop... Bild
Benutzeravatar
Melliandra
Platin Member
Platin Member
Beiträge: 1011
Registriert: Mi 24. Mai 2006, 13:14
Wohnort: Affoltere am schöne Albis
Kontaktdaten:

Beitrag von Melliandra »

hm... Bedingigslosi Liebi aber dass (m)er sich doch nid sälbscht ufgid. Hm...

Also isch wirklich no speziell. Ich han scho sehr viel verschiedeni Bezieige
gha und muss für mich jetzt säge, dass dGeborgeheit und de Schutz. Oder
wie will mer dem säge... de Fels i de Brandig *chichi* wichtig isch bi miem
Liebschte. Ich döff nid sGfühl ha dass ich mich muess um ihn kümmere.

Isch no speziell, will mies Hälfersyndrom isch soooooo gross. Aber genau
das macht für mich die schätzbar Freiheit us, en Fründ wo mich nimmt wie
ich bin und wo sälber chan existiere. Wo ich chan teilha a sine Gedanke
und siem Läbe, wo aber au mit mier mitchund und womer zäme neus
chan entdecke.

Ussehe, Gäld, Liebi das sind alles scho Schlagwörter wo ja irgend en
Grund oder es Gfühl dehinder verbirgt, womer dur Erfahrige gern häd.

Chan das mit em Gäld zB verstah, han vorher Bezieige gha wo nid so viel
Gäld ume gsie isch. En Trip nach Asie wär niemals möglich gsie mit dem
Ma, will eifacht sGäld gfält hed.

Mien Kobold bringt mier zB amigs Blüemli Hai. Ich find das so schön, will
au wens Klische isch, ich han das no nie gha! Weiss nid öb das öbis
mit bedingisloser Liebi z'due hed? Eher dass er das gern macht und ich
mega freud han. =o)

Drum isch au da eigendlich: ES MUESS EIFACHT PASSE. =o)
*poink*
Benutzeravatar
Titali
Platin Member
Platin Member
Beiträge: 841
Registriert: Fr 29. Jun 2007, 11:25
Wohnort: Deep Somewhere...

Beitrag von Titali »

Melliandra hat geschrieben: Drum isch au da eigendlich: ES MUESS EIFACHT PASSE. =o)
ja, do hesch rächt!!! ;)

hm, ha grad selber gmerkt, dass ich mich irgendie falsch ha usdrückt!
ich meine, wenn ich öper eso chan liebe, würklech bediengigslos, denn ha ich gloubs min ma fürs läbe gfunde und en SEELEVERWANDTE, viellecht sogar dualseele und erreiche en höheri art vo LIEBI - spiritual LoVe *smile*

klar, es muss gägesitig sie, schüsch wirsch usgnützt und gibsch dich sälber uf bis irgendeinisch läär bisch!

aber was du seisch, find ich ou rächt wichtig, vorallem dr fels in der brandung!!!

ach, irgendwie es blöds endloses thema... dr absolut traumma gits für mich eh nid, schüsch wärs ja langwillig! zäme wachse, lerne, entdecke und witercho isch ja au spannend!!!
The Drums don't Stop... Bild
Benutzeravatar
Zauberhäxli
Platin Member
Platin Member
Beiträge: 508
Registriert: Fr 22. Sep 2006, 08:49
Wohnort: Land of Fantasy

Beitrag von Zauberhäxli »

Am wichtigschte inere Beziehig für mich isch LIEBI, sie staht minere Meinig nah über allem!!!! Wämer sich würkli vu Härze liebt, denn isch eim doch s`Wohl vum Partner sehr wichtig.

Es muess eifach passe, dämit mein ich aber nöd, dass es kei Problem i dä Beziehig git, sondern das es gegesitig im Herz passt.

Ich wet mich bi mim Partner wohl und geborge fühle, respektiert und mit all mine Schwäche gliebt. Ich han gern en Partner wo ich mis Läbe teile chan und ihm vertraue und alles wo mir uf em Härze ligt verzellä chan. Aber trotzdem wot ich mich no sälber blibe i dä Beziehig und mini Freiheit ha. Däzue ghört für mich au, dass ich ohni Stress mal ane Party ohni ihn chan und er absolut nüt dägegä hät, eis Bispiel vu vilne. Wichtig isch mir au, dass mer sich Zit nimmt für dä Partner, bsunders wenns eim mal nöd so guet gaht. Lüchtigi Auge wo Wärmi usstrahled und mer s`gliche Gfühl wo mer sälber hät au i sine Auge gseht, dass isch wunderschön!! Ehrlichkeit au wenns villicht im erschte Augeblick härt isch.

Inere Beziehig lauft nöd alles rund. Deswege schätz ich en Partner wo au bi mir blibt wänns holperet und polteret. Zäme wachse und enand immer besser kännelerne und mitendand witercho, kein Stillstand, dass machts für mich us!!!

Uiiiii jetzt tönts chli rosa...aber ich fühl mich hüt grad sooo!!!!
Man muss noch Chaos in sich haben, um einen tanzenden Stern erschaffen zu können
Benutzeravatar
Titali
Platin Member
Platin Member
Beiträge: 841
Registriert: Fr 29. Jun 2007, 11:25
Wohnort: Deep Somewhere...

Beitrag von Titali »

hoi zauberhäxli ;)
ich find nid, dass es sooo rosa dönt, sondern ehrlich und wahr!!!

O:) O:) O:)
The Drums don't Stop... Bild
Benutzeravatar
industrialsun
Platin Member
Platin Member
Beiträge: 285
Registriert: Di 7. Jun 2005, 10:57

Beitrag von industrialsun »

1 x respekt, ehrlichkeit, vertrauen (hätte aber auch schutz und unterstützung sein können)

*räusper*

wenn ich 1 x respekt... angekreuzt habe, melliandra 1 x schutz, titali 1 x bedinungslose liebe, und zauberhäxli au 1 x bedingungslosi liebi
(übrigens: liebi grüessli a euch drü, finge euch ganz toll! :n1 )


... wär si de die anonyme 33% vo de abstimmende, wo sex agkrüzt hei??!!?? si das vilicht manne gsi wo do ar abstimmig hei wöue mitmache??!!??

Bild


:wink: :peace:

(wett do natürlech niemerem öppis ungerschteue, und natürlich chöis ja au froue gsi si :wink: )
ich weiss, dass ich nicht(s) weiss
Benutzeravatar
Zauberhäxli
Platin Member
Platin Member
Beiträge: 508
Registriert: Fr 22. Sep 2006, 08:49
Wohnort: Land of Fantasy

Beitrag von Zauberhäxli »

Jööööh Industrialsun, merci :n1

Es hät scho tolli und interessanti Mänsche da im Forum, au wämer sie oft nöd persönlich kännt, sind eim die einte dur ihri Biträg scho vertraut. A dere Stell merci vilmal dass ihr min Arbeitsalltag so versüssed, knuddel :dubbleK:

Übrigens nimmts mich den scho no wunder welli Persone da Sex als wichtigschti Eigeschaft bimne Ma alueged, outet öi!!
Man muss noch Chaos in sich haben, um einen tanzenden Stern erschaffen zu können
Benutzeravatar
Titali
Platin Member
Platin Member
Beiträge: 841
Registriert: Fr 29. Jun 2007, 11:25
Wohnort: Deep Somewhere...

Beitrag von Titali »

Zauberhäxli hat geschrieben:
Es hät scho tolli und interessanti Mänsche da im Forum, au wämer sie oft nöd persönlich kännt, sind eim die einte dur ihri Biträg scho vertraut. A dere Stell merci vilmal dass ihr min Arbeitsalltag so versüssed, knuddel :dubbleK:
everything comes back :ove:

wüsst gar nid, wie ich dr arbeitsalltag ohni forum sött überläbe! so cha ich wenigschtens mit ähnlech gsinnete mönsche während dr arbeit kontakt ha und quatsche!!

find euch ou alli toll - grad rächt göttinepower hie n-smile_sunshine.gif

wägem sex, är isch ja scho wichtig, aber mit sex alleini wird meh au nid glücklech... geistige bruchts halt au und für mich isch sex eh nid nur körperlech, sondern öpis göttlechs, e verschmelzig, e higab und liebi pur voller sinnlechkeit und liedeschaft *schnuuur* ;)

min läbespartner sött min best fründ sie und min liebhaber!
Zuletzt geändert von Titali am Di 30. Okt 2007, 12:28, insgesamt 1-mal geändert.
The Drums don't Stop... Bild
Benutzeravatar
Saphira
Platin Member
Platin Member
Beiträge: 628
Registriert: Sa 19. Mai 2007, 19:59
Wohnort: CH

Beitrag von Saphira »

Habe mich für "klug" entscheiden, weil es mir eigentlich ähnlich wichtig ist, wie die anderen Punkte, und ich mich definitiv nicht nur für einen entscheiden könnte :) Mit klug meine ich aber keinen Hochschuhlabsolventen - man sollte sich jedoch schon gut miteinander unterhalten können und das erfordert nunmal ein Minimum an Intelligenz. Ich mag aber auch Männer, die mir ihr Wissen mitteilen können, was auch immer dies ist. Und es macht doch auch jeden Mann ein bisschen stolz ;)

Bedingungslose Liebe - der Rest ergibt sich. Ich sage Bedingungslose Liebe ergibt sich erst aus anderen Faktoren und nicht von Anfang an. Ich kann einen Menschen, den ich nicht kenne, nicht bedingungslos lieben. Aber natürlich ist die Liebe das Wichtigste und lässt auch so über manche Defizite liebevoll hinwegsehen.
Benutzeravatar
Zauberhäxli
Platin Member
Platin Member
Beiträge: 508
Registriert: Fr 22. Sep 2006, 08:49
Wohnort: Land of Fantasy

Beitrag von Zauberhäxli »

Jawohl was nützt eim dä tollscht Sex, wämer süscht absolut nüt chan afange mitenand, nüt chan redä zäme und kä gmeinsami Basis hät. So hebed ä Beziehig sicher nöd lang.

Hingegä wämer nur chli s`Abendtüür suecht und sini Luscht wet uslebe, aber kei Partnerschaft will, chas villicht scho si, dass mer Sex als wichtigschti Eigeschaft vum ne Maa aluegt, naja...jedem das Seine und mir das Meine, hehe O:)
Man muss noch Chaos in sich haben, um einen tanzenden Stern erschaffen zu können
Benutzeravatar
Titali
Platin Member
Platin Member
Beiträge: 841
Registriert: Fr 29. Jun 2007, 11:25
Wohnort: Deep Somewhere...

Beitrag von Titali »

Saphira hat geschrieben: Bedingungslose Liebe - der Rest ergibt sich. Ich sage Bedingungslose Liebe ergibt sich erst aus anderen Faktoren und nicht von Anfang an. Ich kann einen Menschen, den ich nicht kenne, nicht bedingungslos lieben. Aber natürlich ist die Liebe das Wichtigste und lässt auch so über manche Defizite liebevoll hinwegsehen.
ich glaube, das isch bi mir umgekehrt... zerst lieb ich voll und ganz und äbe bediengigslos und mit dr zyt dür enttüschige und verletzige veränderet sich liebe und ich wirde vorsichtig us sälbstschutz!

naja, denn wäre mir wieder bim thema liebi, schmärz & leid!
The Drums don't Stop... Bild
Benutzeravatar
Zauberhäxli
Platin Member
Platin Member
Beiträge: 508
Registriert: Fr 22. Sep 2006, 08:49
Wohnort: Land of Fantasy

Beitrag von Zauberhäxli »

Bi mir isch wohl au so wie bi dir Titali. Ich verlieb mich immer Knall uf Fall ( ich verlieb mich däfür nur gaaaanz sälte), gib mis ganze Herz, ja klar sisch es Risiko aber ich bin halt en emotionale mega Gfühlsmensch. So entscheidet meischtens s`Herz über dä Chopf.

Entüschige und Schmerz ghöred zu dä Liebi, chönd dir aber im Nachhinein au vil bringe. Am Afang häts bi mim Schatz und mir au meh gstolperet und han mich einigi Mal gfrägt öbs es würkli bringt. Jetzt hämer öis aber beid rächt veränderet und sind witer cho, persönlich so wie als Paar und chan jetzt säge, dass es je länger je besser lauft zwüsched öis. Wird ja Zit, mir känned öis ja immerhin scho gli 5 Jahr.
Man muss noch Chaos in sich haben, um einen tanzenden Stern erschaffen zu können
Antworten