Gibts eigentlich auch Schwule die auf Goa stehen?

[Alatáriël]

2 wie du scho, ja!

[u.s.l.]

haha - vo minere sorte isch scho eine zviel - drumm hani mi au vo mim schizzo trennt

i find das halt no süess:

ich hätt die ussag nid sölle ufd allgemeinheit beziehe - ich fänd, ich und no e ma - das wär zviel ma uf eim hüfäli

so-jetz muessi wieder höre, susch chömets, und mached



mit mir

[Alatáriël]

[bestia_climae]

bi de fraue gseht das amigs no süess us. irgendwie sind zwe manne zviel ma - zwe fraue ebe nid zviel frau

so gsehnd das ebe na vil lüüt. find das eigedli schaad, aber jaaa, chamer nüt mache, isch ja au egal, jedem das seine, blahhh

[Alatáriël]

irgendwie sind zwe manne zviel ma

minus mal minus git doch Plus!

..nei... ich finds ebä au schad das viel Lüüt das so xend und es isch vor allem schad das vieli Homos nöd chönd dezue schtah, wer sie liebed...
...nöd zletscht wäg so Meinige...

...wenn 2 Männer zäme gruusig sind, denn muess doch a eim einzelne Maa scho öppis fuul sie... ich interpretier das denn so dass Mane wo so e Meinig händ mit ihrere eigene Männlichkeit es Problem händ...
...vilicht isches aber hald au eifach no es ungwohnts Bild, 2 Mane zäme...

[piraña]

irgendwie sind zwe manne zviel ma - zwe fraue ebe nid zviel frau

du muesch gar nid so tue, als hätsch werder je e ma gärn gha, no mit eim jemals ide chischte gandet wärsch. dich stört doch höchschtens, dass de tittu nor uf schwuli bezoge wird, und du dich halt nid als schwul gsehsch.

ät die andere: ihr schwule und lesbe sind mängisch no intolleranter als heteros. nid immer, und nid all - aber a euche reaktione merkt mer sehr wohl oft en unglaublich verklemmti haltig. und ihr müend gar nid so wichtig tue - ihr sind nid besser als die andere. dur eues outing-getue entstoht aber es bild, als sigeder vomene andere stärn, und weissgott wie speziell. debi stöhnder eifach nor uf glichgschlächtliche sex. mir chonts so vor, als tüend ihr euch nor oute, um euch z zeige: "huhu - lueget änne - ich bi homo, und das isch guet eso!", als sigeder nur druf us, d möglichkeite uszschöpfe, um durs outing anne neue/i partner/in z cho. ich bi zummene riese teil hetero, und zummene minime teil find i au männer cool. nor sex muess i nid mit manne ha, wills mi gar nid rächt amacht. aber en umarmig vommene ma cha eim au viel gä - vor allem, wemmer ne sehr gärn het. cha sogar besser und nachhaltiger wirke als sex.

e sonne tittu findi halt au sehr diskriminieren - will ich als hetero - oder bitz bi - ma mir vollkomme usgschlosse vorchomme. viellich isch das au guet so, denn: so channi mi chli besser i die inefühle, die wägem schwulsii vo de gsellschaft usgschlosse wärdet. wobi - d ziite hend da ihre bitrag gleischtet, dass mer sich hützotags als hetero scho vollkomme hinderem mond vorchont. da goht mer i usgang (z.b.: zürri), und lernt öper kenne. und de heissts: "aaa - du biiisch heetteeerrrooooooo?!? ." (mit sonem "was - immerno - wo gits de soöpis" - underton).

scho no schlimm. da isch mer grad abgschtämpflet

viellicht söttmer zersch die begriff zu eim verschmelze. de gäbts zwar ke hetero, schwul, lesbisch, oder bi undeso meh - defür gäbs halt es neus wort wie: ischdochglich. "hey, du - was hesch für e sexuelli usrichtig?" "ich bi ischdochglich." "aha -du au! so geil!"

[Fallen Angel 2]

als hetero maa glaubi scho au dass es manne schwerer händ nöd hetero zsii als fraue.
was aber nöd als diskriminierig vo schwule sondern schlichtwegs als nödbefreit (emanzipiert) sii vo manne bezichnet werde chönt. manne sind eifach i villne bereiche immer no viiiiil z'fest i dene gsellschafdtsschablone dine, entweder bisch en maa oder nöd. das jede maa en schwanz hät und ergo sowieso en maa isch vergessed dlüüt ständig.
und wer schwul isch, "cha ja keine sii" so denked d'lüüt und das führt dänn zu dene agsprochene problem.
aber s'eigetliche problem isch doch, dass manne eifach nonig so oder das sii chönd wo sii wänd im 21. jahrhundert ohni das irged öpper dnsase rümpft wenns nöd em shema f vo dr gsellschaft entspricht. fiinfühlige hetero? isch kein maa. kei dreadies und waschbrettbuch? isch kein maa. schwul? isch kein maa. öpper wo wie en emo umelauft? isch kein maa.
und das isch doch nur völlig blindi stumpfsinnigi definition vo rolle wo völlig überholt sind.

wann ist mann ein mann? söteder mal wieder lose...

[piraña]

mer isch grad i sinn cho... mer cha enand au während em sex umarme

[Fallen Angel 2]

zu de umarmig, ich finde und ha das scho oft gmerkt, dass e umarmig eim unendlich viel geh chan, also beidne so gseh. i villne länder isches doch so dass mer sich umarmt statt sich es küssli zgeh. es küssli isch scho besser als es ferns winke mit de hand, aber e umarmig isch eifach wie e seelischi verbindig vo zwei herze.
sex chan das logischerwiis au geh, es chan aber sii, dass wenn erwartige uftauched, dass es dänn nüme so frey isch wie binere umarmig.
e umarmig chan eneme mänsch zeige dass mer ihn oder sie gern hät ohni dass mer irgedwas erwartet.
universelli liebi sozsäge

[juerg]

zwe fraue ebe nid zviel frau

Weiss nöd öb der 2 sehr erwartigsvolli und nimphomanischi Fraue, ide chiste, nöd chönnted zvill werde

aber en umarmig vommene ma cha eim au viel gä

das isch für mich, sigs mit ere Frau oder eme Maa scho au es zeiche vo Liebi
aber da debi umarm ich meistens de Chern im Körper, sprich dSeel
und das isch scho öppis anders als die körperlich Manifestation vo Liebi= Sex

Und wenn 2 Fraue ide Öffentlichkeit, irer gegesitige Liebe freie Lauf lönnd
chann ich mir oftmals scho no usmale an Stell vo de einte zsii
au wenn das ev. nöd uf gegesitichkeit beruet
(sie wüssed ebe nöd das ich ebeso zärtlich chann sii und das natur pur ebeso viel spass cha bringe wie die chalte vo batterie betribene utensilie )

Aber bi 2 Manne malt sich ebe mini Fantasie gar nüt uus
( mit eme fremde natur pur atribut wüssti ebe au nüt azfange...)

Jedem das seine!
und das jederFrau-Mann die vom Früelig usglöste Gfühl chann usläbe

Love is in the air

Zum Glück han ich glehrt die Gfühl au durs tanze uszläbe und bin somit autonom (nöd nu am 1 Mai )

[u.s.l.]

irgendwie sind zwe manne zviel ma

minus mal minus git doch Plus!

ehem: ich glaube, das mer bi sex und liebi weder sett multipliziere, no potenziere - mit betonig uf ...ziere.

das würd bedüte:

mändlis: plus plus plus gleich (s resultat isch halt abhängig vo de summande - was nid heisst, das gwüssi faktore ke rolle spieled).


wiiblis: minus plus minus gleich ( das liest sich scho so...abwächsligriicher, als bide manne )


mer cha au versueche, es minus bide manne dezwüschezqueutsche : plus minus plus gleich...
aber, stellid euch das mal vor (osser de jürg - de söll ufhöre witerzläse!): ei ma isch im zimmer nackt ufem bett. im zimmer isch no ei ma weniger. wie selled die zwe jetz bittschön sex mitenand ha


(s zeiche plus für d männdli hani gsellschaftshalber gwählt...ich finde d männdlis ziemlich minus, und wiiblis plusplusplusplus, was sich aber mit mine berächnige wür bisse).

PS: ich entschuldige mich bi de schwule, wo eigentli au uf goa schtönd - mir heteros tüend sogar eue thread vollsp...vollsp... sp...vollspame

[FEA]

(sie wüssed ebe nöd das ich ebeso zärtlich chann sii und das natur pur ebeso viel spass cha bringe wie die chalte vo batterie betribene utensilie )

Isch das din Ernscht?

Aber bi 2 Manne malt sich ebe mini Fantasie gar nüt uus
( mit eme fremde natur pur atribut wüssti ebe au nüt azfange...)

Chume nid drus. Welles natur pur Attribut isch jetzt fremd für dich? S'wiibliche oder s'männliche?

[Alatáriël]

...aso mini Fründin isch jedäfalls nöd batteriebetriebe...
...mues glaub nomal d Packigsbilag dureläse...

ät Piranja: ach du arme Schpatz...
ich han mich no nie als Homo oder lesbisch vorgstellt oder bezeichnet, ich chum eifach grad de Stämpfel ufdruckt über, wenn mer mich mit minere Fründin xet... und a dem Stämpfel hafted en huuufe Vorurteil (ich hegi schlächti Erfahrige gmacht mit Mane usw.)
...mir wärs au lieber wenns so bezeichnige wie schwul usw. nöd brüchti.

[piraña]

Hey, FEA und Altariele (die meerjungfrau). de jürg het das glaub ender so gmeint, das au en ma chan en ikeaschrank zämmebaschtle, choche, bim chlättere sichere, föttele und filme...aber sie (d frau) het es stuck fleisch weniger...und das chamer ebe au andrsch kompensiere (jürg: schüsch zieh der mal en reinrassige frauefilm ine ), und ich kenne au x fraue, die nidemal uf wiiblis stönd, und en immänse batterie- bzw.: männerverschleiss ufwiised.

das mitem frömde naturell het er glaub so gmeint, dass, wenn fraue nor mit fraue erfahrige gmacht hend, de fählt ihne de verglich, und är wär gärn dä, wo als verglichskandidat wür ischpringe, tauche, was au immer...

wenn i mi sett tüüsche, de zahl der s nöchscht mal es bier.

es stimmt scho - es git fraue mit fiinere huut, mit em sanftere blick, mit de schönere schminki - aber da wäremer wieder huere oberflächlich

und wägem schpatz: wemmer so wetsch säge, i heig e vogu - danke...pirnhas ghöred schüscht zu de sparte FISCH.
das settet vor allem wasserläbewäse intuss ha - au wenns ke reinrassigi sind.

macheds guet - egal mit wem und was

[FEA]

ihr schwule und lesbe sind mängisch no intolleranter als heteros.

Schwuli, Lesbe und Heteros sind alli öpe gliich intollerant. Intolleranz hät doch gar nüt mit de sexuelle Neigig z'tue sondern mitem Mensch sii.

e sonne tittu findi halt au sehr diskriminieren

Aso dänn find ich ab jetzt z.b. de Tittu "Free Tibet" au diskriminierend. Bin ja leider kei Tibeterin

scho no schlimm. da isch mer grad abgschtämpflet

Ja ich find's au schlimm dass du "üs" da so abstämpflisch.