Gesucht, DAS Elmazing Girl überhaupt...

[halucinognom]

..chunt scho guet

[piraña]

hmmmm...

das mitem aschpräche chunt mer no bekannt vor. grad letschti isch mer so was passiert. wie immene märli. ich weiss no genau, das i scho vo wiitem dänkt ha, da isch öpis zwüsche üs - dere wunderschöne elfe und mir. sie lächlet mich a, und weiss debi chum, was für es chrüsäle sie demit i mir uslöst. ziitlupe. ziit schiint sowieso ke bedütig zha i dene momänt voller hoffnig und zueversicht. jede schritt fallt mir liechter und liechter, und je gnauer ich luege, desto betäubter wirdi vo ihrem lächle. ihri lippe schiened sich churz z bewege, so als würd sie sie jede momänt mit de zunge welle befüechte, und ich - immerno im ziitluupe-tempo - lueg no churz links und rächts, öb nid irgendöper zuefällig luegt, was da abgoht. norno e meter zwüsche üs, und ich streck ihre mis grinsende gsicht entgäge...jetz gilts ärnscht. jetz chömed jenschti erinnerige a so situatione us mim läbe, und ich bi glichziitig i de zueversicht, aber au i de angscht am schwimme. mir schiiened ufe tuusigschtel sekunde gnau es schüchs "hooooi" vo üs z gä - debi no nöcher d chöpf zämmestellend. viellicht wäg de luute musik, die i dem momänt wiit, wiit wäg schiint, als gäbs nüt unwesentlichers. ich weiss gar nid wie afo, und bi froh, dass mini schweissperle uf de stirn nur igbildet sind, denn das hani mitere gekonnte handbewegig grad usegfunde. defür hani weichi chnüü. ich schnuufe glichziitig langsam us, und schnell ii, will i angscht ha, dass mir de sabber abelauft. denn: sie schiint de erscht ernschthafti schritt welle z mache. sie seit: "wa hätsch du gärn?"

mir schiessed tuusig sache dure chopf - nor nid...

"es bier."

filmriss. i dem momänt platz mini seifeblose vom traum. alles, was je zwüsche üs gsi isch, isch es doofs stuck holz gsi namens bar.

osser i mim härz, minere fantasie, und dem teil vo mim ghirn, wo sich tag für tag hoffnige und wünsch um die beschte plätz schtriitet.

@bardamen:

I you

[blaues hufeisen]

ich liebe so gschichte! i dene momänt merki, wie sich d'realität mit de hoffnig, liebi, sehnsucht, zuekunft ond alles, zu eim punkt verschmelzt. wo d'ziit kei Rolle me spielt. Womer nur no sis innerschte gspürt ond sis ego verlürt, wo mer wie honig inenanderflüsst, sich verschmelzt.

womer bereit isch, alles für de anderi ds gäh und sogar chönnt bärge verschiebe.

möge die macht mit dir sein

[Saphira]

Piraña, wenn ar MulticolorPointer zu mir ad Bar chunnsch - i gib der es Bier, du muesch gar nüt säge! (Obwohl bi mir verfausch ja höchschtens in en Redeschwall)

[piraña]

Piraña, wenn ar MulticolorPointer zu mir ad Bar chunnsch - i gib der es Bier, du muesch gar nüt säge!

1. wenn d bar wieder dit isch, wie immer, de chommi aber vo obe - susch chommi mir vor dir no chliner vor, als i das eh scho tue.

2. lieber nid...viellicht hani bim ablick vo dere spezielle bardame plötzlich luscht uf...warmi milch

3. die cha ja dit obe nid wiit wäg si - bi all dene chuefläde viellicht - wenn pause vode bar hesch - chasch mer so eini hebe, u i luege, öb was debi usechont

(Obwohl bi mir verfausch ja höchschtens in en Redeschwall)

das chönt au dra ligge, das ich mini unsicherheite wett übertöne

[blaues hufeisen]

@piraña: min tipp:

gnüss es. es sind momänt wo du dich erscht rächt lebändig fühlsch!

ond ich xehn amix im zug fraue, wo grösser sind als ich. eini z.b. isch eso en typischi 08/15 Blondine.

sie gid alles! ultra langi bei - haut mi fasch' um. was chani verlüüre? gar nüd! nedemal en ruef!

eifach gnüüsse, s'läbe isch MEGA! vorallem chansch mit ihre umeblödele ond tue was du willsch - hesch jo

(ich säg jetzt eifach mal - weiss es jo ned) kei fründin. also wird dier nochher niemert uf de deckel haue,

nur will du miteme fraueli lang ond entzückt gredet hesch

[piraña]

@piraña: min tipp:

gnüss es. es sind momänt wo du dich erscht rächt lebändig fühlsch!

nüt für unguet - danke füre tip - aber, ich ha s bier gnosse

[bestia_climae]

ja ja, die liebe liebe... und hormonschwankungen

[Nicolas]

Für Herren:

1. Wecke das Interesse -> aber nicht zwingend vollbesoffen oder total verstrahlt
2. Kau einen Kaugummi -> enorm beruhigend
3. Sprecht einfach an. Auch nach einem Pape oder etwas alltäglichem fragen bricht das Eis. Man kann sich ja danach vorstellen, revanchieren, etc.
4. Keine Machosprüche sei der Gentleman
5. Mann = Jäger, Frau = Sammlerin -> In sehr vielen Fällen
6. Sei ehrlich, charmant und bleibe dich selbst
7. Nicht aufdringlich sein und zu nahe treten.
8. Wieder etwas zurückziehen -> unauffällig in Sichtweite bleiben.
9. Besteht immer noch gegenseitiges Interesse?
10. Wenn ja, zum tanz oder spazieren auffordern, flirten, sich verabreden, reden, reden, reden, reden, etc.
11. Lieber ein Korb als kein Versuch

[piraña]

ich bi ditdure chli kompliziert, da ich nid grad uf jägersammlerinne stoh. es schient au nid so eifach en goanerin (was für en unpassendi bezeichnig) z finde, die nid mit nem kolleg liiert gsi isch - oder nere kollegin - oder beidem - oder immerno isch.

und die meischte sind sowieso entweder z jung, z hübsch, z begehrt, z sälbschtbewusst, z droff (hihi - dä nimm i wieder zrogg ), z geil, z alt, z verdorbe, z düreglatscht, mit z grosser nase, z chline brüscht, z eifach z ha (hihi - i überlegg mer no, öb i dä nid au no zruggnimm), und weiss gott was alles no.

bi mim uswahlverfahre bliebt norno en handvoll übrig, und genau die troui nidemal nöcher kennezlerne - au nid, wenns inträssi gägesiitig isch. da chani mi schnell mal zum dubbu mache, und wird no zuesätzlich für das usglachet

ich bi sowas wie zivilisiert (was das au immer heisse mag ), aber; wenn das no so wiitergoht, de wird i zum...sammlerinnejäger

[blaues hufeisen]

ey mann, bi dier isches doch gliich wie bi mier, nur imene andere zämehang.

dini Vernunft macht dier en strich durch d'rächnig.

ich weiss es jo, wie's isch. und das thema vo de Angscht, erfüllt mich mängisch, bis ich es chönnt usechotze.

aber zämegfasst, im nektar konzentriert:

d'angscht existiert nume i dinere psyche. d'wält kennt d'angscht ned. (jetzt red ich aber zu mier...)

d'Vernunft gid dier tuusigi vo gründ, wieso Die - oder die Ander, ned zu dier würd passe.
es isch d'Vernunft, wo us dier gsproche hed, Piraña.

ich bin ned 100% Osho - Fan. liese grad sis buech über d'Angscht. (finde es paar sache ned guet dert drinne- aber im grosse ond ganze, hoffi es hilft mer trotzdem)

ond wie's halt so isch, versteck ich mich in extremsituatione hinder dere Vernunft. es isch für mich en art en überläbes-sicherig.

ufem pfad vom sichere, wirsch nie überraschige erläbe. de pfad isch scho deepli düretrampet. dert chunnsch ned wiiter. sondern mer dreiht sich en j**** äh - mer dreiht sich im chreis

was mer muess mache, gemäss Osho - ond do gib ich ihm rächt:

mer muess de Pfad vo de Vernunft verloh. mer muess en unbekannte pfad neh. de pfad vo de muetige. die muetige, hend au angscht. aber sie gönd mit de angscht anderscht um! sie lönd sich vo de angscht ned füehre, sondern sie bezwinged d'angscht.

ond wieder für mich & allne wo's interessiert...:

de Osho meint, mer söll d'Angscht ned verdränge. das isch ganz schlimm. (details in 5 sätz im buech)

mer söll d'Angscht analysiere. lerne ds verstoh, warum mer die Angscht bechunnt. sobald mer die Angscht verstande hed, isch sie weg.

[Ananda82]

es schient au nid so eifach en goanerin (was für en unpassendi bezeichnig) z finde, die nid mit nem kolleg liiert gsi isch - oder nere kollegin - oder beidem - oder immerno isch.

... geit eim im fau ou mit de herre vor schöpfig so... jede mit jedem isch ja gang u gäb, aber i bi geng wider überrascht, wie fliissig i goa-kreise partner "umegreicht" wärde ( tönt ja huren obszön ).

Da blibt eim ja fasch nume eis (we me nid uf SammlerInne steit): Usserhaub vor Szene sueche

..... isch übrigens faszinierend, wie es fasch jährigs Thema immer no Biiträg azieht wie dr Honig d'Bienli - ElmazingGirl, du hesch da ä mächtigi Lawine is rolle bracht..

[Psychobella]

Genau die, wo uslached, die chönnds meischtens au nöd besser, lached us Verlägeheit, us Schadefreud (=Neid)....und chönd eim eifach nur leid tue

Es choched schlussendlich alli au nur mit Wasser

[piraña]

ey mann

...100% Osho...

wer isch osho? bisch nid de erscht, wo mer mit dem chont. het de jemals e fründin gha? und wenn, de i wellere epoche? ich meine, 3000 vorem chinesische chrischtuss isch de alles no chli andersch gsi - nimmi jetz mal a.


@bella: mängs wasser isch süberer as anders

edit: genau: danke, elmazing girl...i wünsch der, dass bald dis atmosphere/-summerends/-chrüsimüsi/-oder wieauimmer-girl
findsch. aber losch eifach d finger vo dene, die mir gfalled, susch:

[blaues hufeisen]

de Osho?

ich kenne ne ned persönlich aber är isch en Yogi. Ond är läbt no