07.06.2008 Länzerhüsere / Schwarzeburg Geburi Party

[dex]

Mega merci a alli. Isch es super fest gsi anere super location.

Devils hei mega grocket und hei vo alt bis neu alles gspielt us erem Set. Hammer gsi.

Wenn öper föteli het, immer gern häre dermit

[Psychobella]

Die Location, war traumhaft schön...an einem Fluss gelegen (die Sense...jaja man lernt immer dazu), eine saftiggrüne Wiesenlandschaft mit gnügend Bäumen, die vor der Sonne geschützt hätten, wenn sie denn da gewesen wäre (kurz hat sie uns dann doch verwöhnt am Sonntagnachmittag) und zahlreiche Feuerstellen, die zum Grillieren und verweilen einluden.

Bei unserer Ankunft war die Party bereits in vollem Gange und die Dj's heizten kräftig ein. Wie gewöhnlich habe ich keine Ahnung, wer wann aufgelegt hat, ihr habt mir alle gefallen. Ein Highlight gegen morgen war auf jeden Fall Dancing Devil...danke, ihr händ gfäget und einen great ball of fire nachdem anderen aus den Boxen gefeuert Zu Buddha's Remember Set hat's leider nicht mehr gereicht, da die Polizei trotz EM noch ein, zwei Leute entbehren konnte, die unserem Spass ein frühes Ende bereiteten

Trotz Friede, Freude, Eierkuchen war meine Stimmung anfangs ziemlich im Keller. Dagegen gibt’s aber zum Glück Glühwürmchen.
Immer gut gelaunt, strahlend und unterwegs mit seinem blauen Hut als Markenzeichen, hat er es geschafft, mir den Abend zu retten...danke dir Marco!
'Gefährlich' wirds, wenn ein Glühwurm beginnt, mit Tennisbällen zu jonglieren und kleine Kunststücke zu vollführen. Die Bälle, die zuerst lustig wie UFO's um seinen Kopf herumschwirrten, wirkten sich später auf seine Arme aus ...daher kommt übrigens auch der medizinische Ausdruck 'Tennisarm'. Soweit ich gesehen habe, waren da zwei Tennisse vorhanden, die das Problem natürlich verdoppelten...in Anbetracht zweier Arme jedoch alles wieder halb so schlimm erscheinen liessen
Für alle Fälle wurde ich darum und sowieso stellvertretend zum Ersatzglühwürmchen ernannt und hatte die Ehre, mit dem berühmten blauen Hut strahlend durch die Gegend zu rennen...was zuweilen allerdings für etwas Verwirrung sorgte, da die Leute ein anderes Gesicht unter dem Hut erwarteten. (hm...also Marco, wie ich dich dann im WK wirkungsvoll vertreten soll, müssen wir noch genau besprechen gell )
Danke Sven und Jerry für den lieben Empfang und die Betreuung während des Anlasses. Habt ihr zwei uns doch ein mobiles Zuhause geschaffen dank Jerry's aufblasbarer Wohnungseinrichtung und Sven's Zelt als Basislager und Rückzugsmöglichkeit.

Danke Saphira für deine Geduld während meiner zickigen Phase es hat wie immer riesigen Spass gemacht, mit dir den Abend zu bestreiten und die Nerven der Leute zu strapazieren durch unser ständiges Gemotze und Geplapper
Glücklicherweise haben die Veranstalter an dich gedacht und in der Nähe des Flusses Tafeln mit dem Vermerk 'Gefahr' aufgehängt...
für alle, die's noch nicht wissen: ja wir zwei sind ein Pärchen...das Party Dream Team sozusagen

Hat mich gefreut, euch alle wieder zu sehen: Halucinognom (der du wie ein Irrer vor mir rumgehüpft bist, bis ich dich erkannt habe), Rumpelstilzchen (der mit dem Feuer gespielt und eine bemerkenswerde Show gezeigt hat), Roman, Dragonfly, Dex, Handtuch, Andy, Debbie

Vielen Dank an Frank und seine Helfer für den Einsatz und die Arbeit, die uns ein so schönes Wochenende bereitet hat

ui isch e chli lang worde min Report

[chronos]

liebi orgs....bsuecher und hälfers...

supergmüetlechs feschtli gsi...leider hei mer die guet versteckti party erscht gäge die 4iii überglücklech gfonde..so esch nümme vöu ziit gsi för e Nachtschwärmer wie meeeh...e party mau ohni stondelangi gschpräch,(was i natürlech au gnosse hätt)i be soo im stämpfelifieber gseee das i nedemau mini friends gse ha(obwohl me sooo e groossse blaue huet jo ned chönnti verfälle...oder esch das ader verwandlig inne frau gläge???)
Am morge esch mer d natur i dämm abglägne teil vo üsem ländle sooo geil ihnecho das i mi met mim hang grad chli ha muesse zrogzieh...merci för die suuper stonde wo mi musikalisch ächt wiiterbrocht heii...wiitersooo ond gärn weder mau im schwarzsee gebiet..

[Sven]

@Vreni: das esch wohl eine vo de geilschte Partyreports woni sit einiger Ziit gläse han Es hed ebefalls spass gmacht met der.

@Jerry: eine wie dich geds keis zwoits Mol. merci för di cooli, trochnigi Humor, di ufblosbare sofas ond natürlech förs Hemmelbet wo du eus zor Verfüegig gstellt hesch. Din Heifahrtaxidienscht muesi scho fascht als sälbschtlos iistufe.

@Dragon Fly: schön gsi dich z gse; ich hoffe es god der guet.

@Buddha: ich hetti dis remember set gern ghört. Ond wedermol en DJ met Platte z gse wär för mich bereis scho e Pracht. Nächschmol müemer d Schmier velecht bestäche (?)

@Däni: esch mer es Vergnüege gsi

@Orgs: Danke för die Party a dere mega schöne Location. Mer heds erscht so ab Dancing Devil ond vorallem bi Tagesliecht wörklech afo gfalle, denn deför volle Hammer. Es esch onändlech schön gsi no bes am spötere Nomitag a de Sense z legge ond wedermol noch mene mega Event Ziit zha ganz i de Gägewart z si ond em Bach ond de Vögel zuezlose.

Love & Light

[Saphira]

Für mi isches ou e wunderschöni Party gsi. Obwohl si meh aus merkwürdig gstartet het. No bevor mer de Partyplatz beträtte hei simer grad anes Gerangel zwüsche zwöine häreglüffe. Das het scho mau e komischi Stimmig verbreitet.

Defür simer de näbe der Bar grad vom Dex und em Handtuech i Empfang gno worde. D Stimmig dür d Nacht düre isch guet gsi, aber so richtig losgange isch's irgendwie ersch gäge Morge. Trotz de zum Teil überalkoholisierte oder superdruffnige Type, wo sämtliche Respäkt deheime gloh hei, het's mir mega gfaue a däm schöne Plätzli. Es paar gueti Lüt um eim ume mache eifach wider aues Wett.

Jerry, dir chani äuä nid gnueg danke, so nobel heimers sicher no a keinere Party gha. I fröie mi scho ufne nögsti Rundi "Arena", isch sehr luschtig gsi - Vreni, macht gar nüt. Finges schön bisch mitcho und dassmer für paari wines Päärli würke, isch ja ou härzig;-) Und am Sven danki au. Da defür, dass so bisch, wie de bisch. Glüehwürmli, Buddha, Mischu, Tanja, ... schön, siter ou dert gsi. Frank, Geburichind - merci füre Batch und em Barman danke füre Humor, trotz em Biermalheur

[Sven]

Danke Saphira, de Dank esch ganz uf minere Siite.

[Dragonfly]

Sooodeli

wot a däre Steu au nomou danke am Sven und dr Saphira dass si mi nach däre Nacht wieder chli ufpäppelet hei!!!!!! D Nacht isch ganz eifach traumhaft gsi, aber wos denn langsam taget het ischmer ersch richtig bewusst worde, was eigentlich passiert isch. Und denn das obeabecho, drzue no grauehafte Kater vom Alkohol, isch zimlech brutal gsi....aber es goht.

Di ganzi Nacht isch eifach sowas vo fantastisch gsi, meistens sehr guete Sound (ab und zue ischmer denn doch echliiii z heftig worde, aber egal). Vorauem ganz vorne bide Boxe....woaaaaah, dasch so öbbis vo abgange!!!! Trotz mim Mischkonsum

Mercimercimerci a aui für die wunderbari Party!!!! I mues säge, das isch mit Abstand die tollsti Party gsi vo däne drü Goas woni bishär gsi bi!!! Eifach traumhaft!!!
Merci @ Glüehwurm, für di gueti Stimmig wod verbreitet hesch und vorauem dassd mi uf die Party higwise hesch.
Ah jo und nid z vergässe: Merci a die beide Type wo mi mitgno hei!!! I weis nid obi die Party no gfunde hät...

[Sven]

Keis Problem Dragon Fly, för sowas geds anderi Goaner a de Partys. Du weisch jo jetzt wied mi erreichsch wennd mi nomol bruuche söttisch. Mer lernt ebe nie us, das god eus allne so.
Heb der sorg ond heb wiiterhin vell gueti Partys met erschtklassige Iidröck.

[Dragonfly]

Jo, du wirsch sicher no vo mir ghöre.

Aber irgendwie hani itz scho wieder Lust uf Party. Hmmm, sone Nacht goht äbe leider scho sehr schnäu verbii.

[Saphira]

Isch gärngscheh Dragonfly, mir si froh gsi, wott de wider chli Farb im Gsicht gha hesch

[Psymäleon]

Das kommt davon, wenn man nicht mehr so in der Szene verkehrt... da erfährt man nicht einmal mehr von Parties, die gerade um die Ecke abgehen.... Schade, schade... but life goes on und die nächste Party kommt bestimmt.

[Dragonfly]

@ Saphira: Jo...isch sicher au wäg dr Sunne gsi wo denn am Morge ändlech mou fürecho isch, das het sehr guet do.

[halucinognom]

Möcht mi ou no churz bedanke für die würklech schöni Party, es riesigs Merci a di Frankiiiiiiieeeee

Wider viu viu bekannti Mönsche troffe unds mit dene sehr luschdig kha

Und Vreni duet mer auso würklech Leid gäu, dasi di gad (die huere Freaks ) so 'verschreckt' ha....

und schön xi mau dr Dragonfly z kennelere, hoffe o, dasdi erhout hesch

liebe gruess a aui

[Psychobella]

Vreni duet mer auso würklech Leid gäu, dasi di gad (die huere Freaks ) so 'verschreckt' ha

genau *grins*...die huere Freaks ...und denn no de verdammt Lärme di ganz Nacht ...all die bsoff- und druffnige...jesses, wie chammer nur so e Party geil finde...schriebe grad en Beschwerdebrief...igschriebe...

[Saphira]

Ja, das isch iz z letschtemau gsi, womer a sone Goa-Rave si gange gäu. I Zuekunft nur no a Pub- u Barfestivals. Dert isch wenigschtens mau Fürobe u chasch hei go schlafe