mysticalforum

hallo zäme, de mach ich doch eifach mal dä afang! wet am hausi und allne hälfer für dä super isatz und organisation es fetts danke schön usspräche! vorallem für dases diä erst party gsi isch füre hausi,häts nid besser chöne! eifach genial gsi. üses schöns obwaldnerländli isch halt scho än mega pracht,also dä platz isch eifach supermegaedel gsi, hammer ussicht und däzue super wätter mit halt bitzli bise,jenu ganz alles chame halt nid immer ha!
vom sound här isch vo miener sicht här s'lineup vom afang bis am 2uhr nid ide richtige reihefolg gsi,wasi bitz schad gfunde ha,isch immer bitz es uf und ab gsi....has halt gern wenn diä ganz party ei durzogni linie dinne hed als wärs än grossi reis!
wo denn aber sheila agfange hed und nachher dä zaknafein richtig druck gmacht hed die party si linie gfunde bis am schluss.
und de isch ja scho bald mal sächsi gsi wo ich de mis schöne vergnüege gha ha, üch all i mini reis zverfühere....da chani nur säge dases im grosse und ganze hammer viel spass gmacht hed üch mit minere music chöne zverzaubere,danke allne wo so geil abgange sind,iher sind hammer gsi! wett numal ade mel und maus danke säge das iher mier nu ä stund gschänkt hend... also danke a alli wo das geile fest ermöglicht hend,bis hoffentli wider mal
liebe gruess sméagol

Ja da kann ich nur zustimmen, die Party war wirklich der Hammer schlechthin. Hoffe es werden noch weitere solche Parties folgen. Sensationelle Location mit atemberaubendem Ausblick. Der Sound war auch fast durchgehend super und die Leute einfach cool drauf.

Habe mal meine wenigen Fotos onlinge gestellt auf:

http://psypictures.myphotoalbum.com

Na dann bis bald
Psymush

ja es isch e spezielli party gsi.

de platz; mindestens meh als gigantisch geil. perfekt. wooow.

dmusig; gnau so. s'set vom zaknafein isch hammer gsi. das set nacher isch au voll krass gsii... uhuerre trippig. s'set vom smeagol hani au obergeil gfunde. uuhere viel uuhuerre geili lieder. und au nacher ischs voll geil wiiter gange.

aso musikalisch und vom platz her isch die party absolut ersti klass gsi.

was mir aber chli müeh gmacht hät: dgäst zum teil.
lueged doch chli zu eu. ich bin würkli öper wo kei müeh mit druffne lüüt hat, paar mal ischsme aber echt zviel worde diesmal.
so viel alk wie ihr zum teil suufed, und soviel anderi droge wie ihr zum teil nämed, das isch nöd schön und macht dstimmig fü mich kaputt. wo isch de sinn sich dermasse zverbruuche? de spirit, isch a dere party teils echt in alk ertränkt worde, und das obwohl de platz, dmusig und dorganisation, perfekt gsi sind.. so perfekt wie scho lang nüm.

efreued eu doch abde schönheit vo de geile musig, vom platz, vo de stimmig, vo de lüüt. ich bin sicher, dass wenn ihr soviel suufed und zviel vo weis nöd was nehmed, ihr nümm empfänglich für die ganzi unglaublichi schönheit sind. ich meine, droge neh isch ja schön und guet, aber nur im richtige mass und mit de richtige istellig. me chas au übertriibe und zgseh, wie ihr eu kaputt mached, das isch vedammt scheisse !

aso ich chönnt e party niemals so gnüsse, wennich mich debii dermasse misshandle würd. ich hans zum teil eifach nöd echt und ehrlich gfunde.


ich han uf jede fall unglaublichi, göttlichi, orgasmischi, vollkommeni moment a dere party erelbt, wo ich nie meh vergesse wird. geileri gfühl als ich a dere party gha han, cha ich mir fü mich nöd vorstelle.

danke vielmal für das unglaubliche fest a alli orgs und djs, geilli sieche

Kurzfassig: Super Party gsi, git nüt wo hätt chönne besser si, danke vielmol a alli wo das ermögliched händ!

Langi Version:
De Sound isch super gsi, isch immer schön gsi zum tanze oder chli am Füür ufwärme,
d Lüt händ uf mich eigentli fasch alli e zfriedene und glückliche Idruck gmacht, isch en tolli Stimmig gsi und ds Goafolk het widrmal zeigt wo sini Ursprüng ligged.
D Landschaft und de Hof sind wundervoll gsi, so es "Erwache" i de Bärge isch eifach jedesmal einzigartig und e wohltat fürs Gmüet
ds Zmorge het au sehr guet to, so wies usgseh hed hän alli gnue übercho und s het kes Chaos geh.
Es speziells Danke a dejenige wo zmitzt i de Nacht eifach Branchlis verteilt het, das hetti echt nid erwartet !
Und s Beste: d Näbelringli-Maschiene! Das isch eimalig und het de ganze Stimmig no ds Krönli ufgsetzt, würd mi freue wenn me das wiedermal anere Party dörft beobachte!

Also: Nochträglich am Hausi alles Gueti zum Geburtstag und nomol Danke a alli!

Au Nur Lob vo minere Siite!! Has eifach herrlich gfunde, dete dörfe debi szi. Es isch echt toll zgseh dass doch no "ursprünglichi" Partys gmacht werde. D Location isch eifach oberfantastisch gsi und somit hed de Rest au ganz schnell gstumme. D Musig hed mer die meist Zyt sehr Freud gmacht, under anderem au dass d Lutstärki au endli wider mol richtig Druck hed chönne gäh, und au süscht bin i vo Glücksmoment überhüft gsi.
Glaube sogar fürd Wanderer isches en schöne Ablick gsi, All die Farbige Lütlis und Dekos wo tanzed, lached, Poi schwinged und Drache lönd lo stige...
DANKE DANKE DANKE

PS: Au es Dicks Merci a de (Andi?) wo eifach am Bahnhof verbigfahre isch und üs mitufe gnoh hed. S Goavolk funktioniert immerno wenns will.

eifach..........................:P H Ä N O M E N A L...........gsi!!!!!!!!!!!!!!!!!!!!!!!!!!!!!!!!!!!!!!!!!!!!!!!¨
so wi dr Hausi, der ort, di parti: einsame schpitze!!!!!! da chönte no jeni organizatore u verarschtalter einiges druß lärne................
ufm MF häts gheiße gha, kei poschi, kei schöttel, säuber luege...tä weißma scho im vorus bscheid: haut säuber luege (auGENAUf: dä gseht mer doch eh am bäschte:)
schnäu mau han i dörfe bim bahnhof mit Sandra, Martina, Sven u Lukas vo sachseln(?) brichte u so di zyt gnießend vrbringe;........und schon di nägschti agnähmi überraschig:.......sä to, es hät doch nes schöttel-bus!!!!!!!!!!!!!!!!!!!!!!SO GENIAL
Franz (geilr siech!_r hät di ganzi nacht stundelang dlüt ufe u abe gfahre!!!!!!!!megaMERCI no!) holt üs ab bim bahnhof giswil u führt üs bis genau am ort des geschehens....u das, inklusive im UKbitrag von sage(?) und schreibe chf 15.- !!!!!!!!!!!!!! H A M M E R !!!!!!!!!!!!!!
während dr nacht si eim öpfle brocht u gschänkt worde, Noelle hät üs a dr obere bar guet gmischti(etwa 1zu1) kafi-lutz-zwetschge-fertig-usw für ne 4liber serviert, feiner(säubscht gmachtr) chueche häts für irgend 1stutz50 gha u am morge isch sogar dr zmorge offfferiert gsi!!!!!!!!!!!!!!!!
neija fasch vrdächtig gworde
ersch am morge hät ma äuä chöne langsam vrschto, wi das eigentlich aues möglich cha si: ne landschaft::::::::::::::::::::::::::::::::U N B E S C H R E I B L I C H:::::::::::::::::::::::::::::::::::das hät eim fasch us dr socke ghaue!!!!!_da isch gad jedi pipi-insle, ipizza-schtrand odr anderi alaskaribik-zügs gad fake-shit vrgliche............
zum säge: i ha nüt künschtlichi drohge KONSUMiert;........doch hani einigi erlüchtigsflashs gha vom allahfeinsten!!!!!

Da chan ich mich numä ahschlüssä, en super Sach hesch du dah ufd Bei gstellt. Dankä vill mal Hausi. Hoffentlich gits en fortsetzig.....

freakfraueli hat geschrieben:ds Goafolk het widrmal zeigt wo sini Ursprüng ligged.

sarkasmusON - im Grip????..... - sarkasmusOFF

Woooooow isch das geil gsiiiiiiiiiiiiiiiiii

merci Hausi für dini perfekti Organisation, ich glaube es hends alli eifach nur gnosse und dini super geniale Erfindige sind ja de Oberhammer
au allne Helfer es super Lob, iehr hend alli Vollgas geh und die Party zumene voll geile Outdoor Erlebniss la werde ( René du bisch de bescht!!!!)
d`Sound Alag hed guet drückt und Musiker hend gueti Reisli anezaubered, bravo!!!!!

Dekos sind wie immer super mit Liebi ufgschtellt und belüchtet worde, danke am Silverstar Decoteam

danke au am Älpler (ich hane nid persöhnlich känne glernt) dass er üs allne sis Traumplätzi zur Verfüegig gschtellt hed, ich hoffe er gids am Hausi wieder eisch!!!

alles in allem en tolli Party mit tolle Lüt gsi, danke vielmal

Nu einisch Happy Birthday Hausi

Greez OTTI
Peace Love and Hippiness

energetix hat geschrieben:

freakfraueli hat geschrieben:ds Goafolk het widrmal zeigt wo sini Ursprüng ligged.

sarkasmusON - im Grip????..... - sarkasmusOFF

steinigt ihn!


(wer weiss, wo er wohnt?)




thanks vo härze für das ultra-härzlichs fäschtli! ihr hend en traumlocation gfunde (viele dank ade buur ), und s gschafft, au s goa-urgestei uf de berg z becho. einisch bini churz ufem hügäli grad näb de stross ghocked, und de simmer plötzläch es paar gsi, und erscht woni dit wäggange bi, isch mer ufgfalle, dass genau uf dem hügäli churz zuvor meh als 100 johr goaerfahrig ghocket sind, obwohl mer üs hätt chönne a einehalb händ abzälle. d sonne isch stärcher gsi als de platzhirsch (geile siech - immer wieder de sound welle go abmorkse, demit mal voll im mittupunkt schtosch )vom sound här chani nur vom morge wäg mitrede - obwohl: mich hets nie grad us de socke ghaue (viellicht zwenig bier ), und en liebe gruess a schmotzli, dani, schürme, evrem (wie schribt mer das), shayana, vapo, balumbi, marc, alli bäselers (oder schüfelers - hehe) - kollegoli (mit sine wunde finger - mer chas au mit em trömmälle übertriebe; nid nur mitem suufe ) elias und alli woni vergässe ha z erwähne (drundert au d zuckerfee), und de gröscht dank goht natürläch am hausi sini eltere: ohni sie hätte mer doch dit obe wohl nid a dem tag e sones fäschtli erläbt

PS: und am hausi, dass er ke house - sondern e goaparty gmacht het: bravo!

Isch fantastisch gsi, und vo dere oberaffegaileringzaubernabelmaschine hani dan na es par ufname... De Platz isch aifach obergail paradisisch (mit 2 Suneufgang) gsi.

Yoo das isch wahr...De ha das Fescht vo Afang a döfe miterlebe..könne de Hausi sit letscht Johr vo de Afterhour am Bikeweekend in Giswil...e gmuetliche und unkomplizierte Cheib.. (übrigens nachträglich Dir au no Gsundheit und ein langes Leben)
(zum Geburi ) Danke...für dini Rauchmaschine und em Otti das er si no gflickt het..und au Merci für das wo alles anekarrtet a Getränk und Food..au de Aelpler isch e guete gsi...her het eigentlich welle das mer uf di hinter Alp gönd..und het de doch Ja gsait das mir det vore döfit blibe...das sind ganz gueti Lüüt gsi..was mir persönlich ufgfalle isch wie cool und lieb ( chas fascht ned andersch säge, au wenn's chli kitschig tönt.. ) das alli Lüüt gsi sind..isch es Vergnüge gsi det z'schaffe...wenn nume de Platzhirsch au wieder mol chönnt loslah statt immer so uf stress und Ernscht z'mache..wär's no besser gsi...me chönnt ja meine mir sägid alli Bandite...debi hend Ihr alli grosszügig Trinkgeld geh..Merci Euch allne...gege Morge hani de au no chli chönne Feschte..und s'eint oder ander bekannte Gsicht döfe begrüsse..Hey USL dini CD's hani immer no..mini erschte Goa-CDs hani vo Dir übercho...Ja Smeaogol hesch super gmacht..au di andere sowie Mel and Maus hend Supergsoundet...Im Jens au es grosses Danke..mit dim Smile und dinere Persönlichkeit hesch alli Happy gmacht ha Froid gha dech wieder mol gseh...( Danke das mer de Tag grettet hesch ) Und i ide Sönne und em Hausi und allne Helfer nomal es speziells Danke für die gueti Zyt..mit de Goaner hani mini beschte Stunde gha..( und no es speziells Grüssli ade älter Herr mit de Pfiffe ) S'Cafe nemid mir de nöchschtmol..(versproche ) und Fränzl..es OW Original...Bravo alti Garde..merci für dine Isatz vom Schüttelbus..Dank Dir isch no mänge froh gsi das er het chönne mitritte... ned's vergesse de Fäbu und Sandy..Ganz geils Decco wie immer....das cheibe Velo het mi scho greizt zum abegöpple...hehehe..nei im Enst Euchi Konstruktione verzauberet üüs...chömid wieder einisch...Eh Platzhirsch glich no es Merci dasmi mitgnoh hesch/yo

Leider isch mer ufem Heiweg de Rucksack wegcho und cha somit di tolle Fotene ned zeige und au ned Videos...Sorry Lüt

Sali zämä,das gheremer natirli gärä dases iech allnä super guäd gfallä hed
Midem wunderschenä Plätzli hani dämfau nid z´viel versprochä
Ich wet sägä äs isch doch eifach äs super schens Fäschtli gsi und alles super guäti Liet.

Ich wet mich bi allnä Dj´s und Hälfer rächt härzlich bedankä und natirli ai bim Onkel vom Hansi,
wo ies das wunderschenä Plätzli zur verfiägig gstellt hed

Wer weiss viellicht gits ja ä Fortsetzig,einisch luägä

Nu einisch a alli äs rächt härzlichs Dankäschen