@psycharox
hey weisch du eventuell wer wänn ufgleit hät? de anaxas cha das am samschtig nöd gsi sii, de isch jedefalls nöd ufem flyer gsi : ) - ich ha au gfunde, die meischte DJ's (und natürlich au die live acts, eifach chlei spaat...) sind voll de hammer gsi, de sound hät mega gfägt.
Ganimed: wieder es gschichtli meh, woni i mire Gedankewält cha abspiechere.
das gsehni au so - die erinnerige a die party sind vielfältig und es hätt ganz vill schöns drunder und das bliibt mir no langi ziit im chopf.
Fallen Angel hat geschrieben:@psycharox
hey weisch du eventuell wer wänn ufgleit hät? de anaxas cha das am samschtig nöd gsi sii, de isch jedefalls nöd ufem flyer gsi : ) - ich ha au gfunde, die meischte DJ's (und natürlich au die live acts, eifach chlei spaat...) sind voll de hammer gsi, de sound hät mega gfägt.
Ganimed: wieder es gschichtli meh, woni i mire Gedankewält cha abspiechere.
das gsehni au so - die erinnerige a die party sind vielfältig und es hätt ganz vill schöns drunder und das bliibt mir no langi ziit im chopf.
Aso ich chan ders nöd ganz genau säge, da ich nöd a de Party gse ben, aber uf Samschtig-Mittag am 12i ume isch planmässig de
DJ TSUNAMIX (Mythos Prod.)
akündet gsi...
@Bombadil
Merci, ich ha mal nach föteli gsuecht, aber kei gfunde - de woni meine hätt jedefalls kein bart gha und isch rächt schlank gsi. na egal.. mal uf d'foti zu dere party warte. : )
So tüüri Import Live-Acts chame sich spare, me händ bi eus gnueg gueti DJ's.
Ich han de Plausch gha.
Isch natürli scho klar, i chürzeschter Ziet no en andere Platz müse finde isch voll beschisse.
Da stellt sich d'Frag, öb me i some Fall nöd gschieder wür absäge.
Besser eimal nüt und dänn defür wieder guet und ohni Problem, statt anegwurschtlet mit üble Kompromisse wo alli sauer werdet.
Ime bewohnte Gebiet so was ga mache isch scho grad e chli zviel.
Lernen mit Wallaby :
Wie organisiert man eine Party :
1. Platz finden
2. Bewilligungen holen, auf der Gemeinde, schriftlich, mit genauen Details.
3. Erst dann DJ's und Live-Acts buchen
4. LineUp
Party !
demfall hends wieder emol es paar vermasslät...
also i bin bidä klangmatrosä gsi und die isch dä hammeer gsi...
isch echt schad, dass mo so gross akündeti partys nöd suber ablaufe loh chan...jänu
aber d orgs. dör mo jo nöd afiggä suss wäräd lüt sauer und bsuecher schaffed meischtens zviel abfall, aber da isch jo au nöd enä sini schuld...
i han min fun ka ufem gabris...
(ich weiss nöd aber statt ständig hier abeloh was de einti schlächt gmacht het: nemmet doch s telefon id hand und beredet das persöhnlich, gäbet tipps und verbeserigsvorschläg (da "er" ja eh immer alles besser machet) und viellicht kammer denn sötig vorfäll vermidä! unterstüzet dennand-so könnte mer wieterko...! denket mol drüber no..)
1. Has eigendlich zimli abgfahre gfunde....mer häd ja genau gwüsst dases en hufe Lüd wird geh...darum chani die ned verstoh wo wägem Platz jammered....und abgseh devo....während de Live Acts häds ja meh wie gnueg Platz gha....für mich zumendest...."da heisst öbis, s Ponny bruch eh uslauf für die wos verstönd langed da...."
2. Bewilligungstechnisch isch mer pers. klar gsi das da ned ganz richtig vode Gmeind abgsägnet isch....ebe vill zu churzfristigi Location änderig...
finds dänn aber doch au bitz fahrläsig d Party i dem grösserahme a dere Location dure zführe....Grund isch aber ned de Paltz sondern d Umständ... Ebe das Wohngebiet grad 100m näbe dra und de Partyplatz zimli tüf im Tal was natürlich dä so zimlich überall ane schallt.....
3. Wer mit offene Auge und Ohre über de Platz lauft chund au INFOS über....nume mached da schienbar ned all....
Also gnueg Textet....i has eigendli ganz toll gfunde dases glich no bis am Sunntig bitz dröhnt hät....
Danke Cico
sorry ech cha der leider au ned säge wer wenn ufgleid hed. es hed sowieso a de poarty no änderige gäh, wie i vernoh ha. a de bar esch mol es line up gläge aber ebe, das esch jo denn ned ganz verbendlech gsi. ja easy. hauptsach guete sound. ech be noch em sounde eh am penne gsi ond erscht am 08:00 öbbe weder uf de tanzflächi gsi und ha so ned alles metbecho.
weli ziit esch der de wechtig wo du wetsch wösse wer ufgleid hed? ech cha mi söscht no met de orgs i verbendig setze ond nochefroge. evtl wössets die.
Fallen Angel hat geschrieben:@Bombadil
Merci, ich ha mal nach föteli gsuecht, aber kei gfunde - de woni meine hätt jedefalls kein bart gha und isch rächt schlank gsi. na egal.. mal uf d'foti zu dere party warte. : )
Aso duu, han de Tsunamix na gfröget und er het mir gseit, dass er am Samschtig Mittag vom 11:00 - 13:00 gsoundet het.
die orgs könen sichs doch hier durchlesen...is doch n partyreport forum...anregung für diskusionen..also ich mein wenns halt viele so negativ empfunden haben warum sollen ses net hier hin schreiben...
und ich glaub net dass hier irgendjemand net des maul aufmachen wuerde
ich bin ganz froh nicht da gewesen zu sein..da ic grundsätzlich ein poblem mit zäunen und security habe..party is für mich freiheit und nichts anderes...
die djs werde au nommel wo anderst spielen...
*Das Leben ist eine Reise,
und reisen ist das Leben*
hm, poca da häsch eigetlich rächt, und drum schriibi jetzt mal das woni eigetlich hett welle schriibe, wenn mich min kritiker i mir nöd underbroche hett. anschiinend isch es eifach z'kritisiere als das z'beschriibe, was schön isch gsi...
ich bin am friitig scho acho, eifach willi gern am morge scho det bin, au wenns dänn erscht los gaht. scho det isch mir ufgfalle wie ganz villi lüüt am deko umewusled und es isch scho richtig öppis abgange, d'lüüt sind mit herzbluet dehinder gsi, det scho hät mer gseh, dass de zeltplatz chli chli wird werde und sowiit ich das mitbecho han, isch drum au de teil, wo vermuetlich für d'crew vorgseh worde wär (gwächshus im hindere teil) für d'allgmeinheit göffnet worde. dadurch hät sich's platzverhältnis wo vomene relativ störrische buur rächt starch igschränkt worde isch, natürli grad nomal verdrüfacht. am samschtig am morge hätt e richtig gmüetlichi stimmig gherrscht, d'lüüt sind mit kafi und brötli umegloffe, s'deko isch scho im tagesliecht u huäre schön gsi und d'lüüt händ mi würkli motiviert dünkt. es hät sogar en stand mit chleider gha, und die frau det hät mit ihrer guete lune «so vill schaffe so früeh am morge *grins*» ihri chunde agsteckt. Scho de erschti DJ hätt en hammer sound ufgleit, so richtig zum is tanze dri cho - eifach genial. underdesse hani mir s'deko chli gneuer agluägt, überall häts es netzwerk us lüchtfäde gha, d'tanzflächi isch vollständig mit pilzili und blüemli und zwerge und libelle und und und bedeckt gsi, hm ja also mit wort laht sich das alles gar nöd beschribe, da müsse mer uf d'foti warte (hätt öpper foti? *hoff*). Was mir au sehr positiv ufgfalle isch, sind die 10-12 toitoihüsli gsi wo überraschenderwiis gar nie so dreckig gsi sind, wie mer sich das suscht so gwöhnt isch, vermuetlich die richtigi azahl pro person oder so. de erschte lüüt wo scho det gsi sind, händ au e gueti stimig gha, mer isch schnäll is gspröch cho mitenand, das nenn ich doch mal es wesentlichs goafeeling, wo uf all fäll vorhande gsi isch. Im Verlauf vom Tag sind dänn immer meh lüüt cho, so wie's usgseht isch frauefelde zimmlich überrännt worde. ufgrund vode parkplatz situation (de buur hätt behauptet wenn er e wuche früehner gfragt worde wär, hett er d'bewilligung für parkplätz geh - naja, ich weiss nöd ob mer dem buur das söll abchaufe, nach dem was mer so über die awohner ghört händ...) isches logischerwiis nöd möglich gsi, d'lüüt uf de liniebus ufmerksam zmache, wo zwüsche stei am rhii und frauefeld zimmlich genau bide party vorbii gfahre isch. einersiits villicht chli ärgerlich - anderersiits au verständlich, will jedes einzelni auto, wo det ide nöchi abgstellt worde isch, hätt chöne zunere komplette schlüssig führe - und das nimm ich mal ah, hett niemert welle. ich schätze mal, d'securities sind diesbezüglich au ziemlich under druck grate. mini vorherigi kritik isch also villicht nöd ganz fair gsi. d'shuttle sind jedefalls die ganz ziit gfahre, wer hei hätt welle, hätt au d'möglichkeit dezue gha, und das isch es grosses kompliment wert. leider au nöd bi jedere party de fall, bi diesere scho! D'soundalag hät mir grundsätzlich gfalle, obwohl ich mich da nöd als experte möcht bezeichne - aber immerhin, dur die zwei boxe ide mitti vo de tanzflächi, isch de sound au in hinderschte winkel vode party, nöd aber is dorf wo im rucke vo de boxe gläge isch gströmt. und was für sound! zwar isch das ide nacht zimmlichi killermusik gsi, und ob eim das gfallt oder nöd isch halt würkli zimmli individuell - aber qualität hätt au i de nacht gstumme. Mir häts zwar nöd gfalle, aber das isch nöd de punkt, wichtiger isch ob das was us de boxe tönt 0815 und lasch isch oder nöd - und lasch isch es jetz würkli nöd gsi, hihi... Und dänn das Deko ide Nacht! ich mein WOOOW - e lasershow! wänn häts zum letzte mal e lasershow geh? ich mein, das allei isch doch scho 35.- stei wert gsi! und wie die laser i dene fäde ine sich verfange und sone art himmel erschaffe händ, das isch es bild wo eim schier träne id auge drückt, so geil so schön, e ächti kunstfertigkeit. au d'lüüt hinder de bar händ mir en mega guete iidruck gmacht. sind fründlich gsi, und mindestens eini hätt au mal gseit zu eim wo zvill gha hätt, dass er jetz villich nöd meh sött drinke. A diesere stell e kritik wo ich grundsätzlich immer bringe: Mineralwasser choscht ide fläsche maximal 1.90, de verchauf vo eneme 2.5dl Becher über CHF 0.50 isch eifach z'vill. Allerdings trifft die Kritik leider so zimmli uf jedi party zue, also was sölls. ich find eifach Wasser sött ohni gwünn verchauft werde, oder wenn, dänn mit sehr sehr wenig. (das @poca isch öppis wo sich mines erachtens jede party organisator mal sött überlegge). Zum Usglich hätts e Duschi gha, wo jede chostelos hät chöne bediene und sich mit erfrüschendem Nass benetze - da hätt sich irgedöpper würkli mal was überleit! cool. Als am morge um vieri de sound abgstellt oder lisliger gstellt worde isch, hätt sich e mysteriösi rueh über alles gleit. für alli wo zu dem ziitpunkt voll in fahrt gsi sind, sicher e herbi enttüschig - aber was wotsch mache, wenn d'bulle vor de hütte stönd und d'live acts no nöd cho sind? mängmal isch en kompromiss halt würkli die besser lösig. und de eint, hätt dänn halt mal churzerhand e gittarre füregno und anderscht geile sound abgspillt, ich mein, das isch wunderschön gsi, hätt atmosphäre gha und blibt allne wos ghört händ sicher au es ziitli in erinnerig. was die zeltplatz-beengtheit agaht - so isch mer immer wieder in kontakt mit lüüt cho, womer nie zuvor hät gseh, nöd wie a anderne partys wo jede sin 5m-sicherheitsabstand zum nächschte zelt "brucht", hehe, isch doch eigetlich no cool? und wer würkli hätt müsse penne, de hätt denn au es plätzli gfunde - nur frage... frage choscht nüt. Improvisation schiint mir grundsätzlich es guets stichwort, au wo de toast verschwunde gsi isch, händs en topf id hand und spaghetti ide topf tah, öppis wo nöd vorgseh gsi isch, und mängs hungrigem mage wiiterghulfe hät. am nächste tag hani no gseh, dass sogar deckene verchauft worde sind - au das öppis wo ich so zum erschte mal erlebt han. Das mit de kafimaschine isch sooo lustig gsi, aso ich has irgedwie lustig gfunde, es hätt uf all fäll für gspröchsstoff gsorgt und ich ha sogar mitnere mega zwäge frau usem wallis gredt (hihi : ) ) thanks to the machine *smile* - tja und wo denn de sound um sechsi sich dem morge zuegwändet hät und ihn begrüesst wie de sound das sött mache, am sunntig am morge, da isch es eifach nur no schön und flauschig gsi. es hätt sooo viel lüüt det gha und das mein ich jetz absolut ineme positive sinn, mer gseht mal wieder, wie vill lüüt all das liebed, wo mir liebed, wie vill lüt sich drüber freued, wenn de sound ihri müede glieder weckt, wo farbig und fröhlich, oder au melancholisch und spitzbüebisch sich dem allem higebed und s'gniessed da z'sii mitenand vereint. natürlich isch es für all die wo sich einzig und allei uf die live acts gfreut händ, wo würkli vorfreud empfunde und druf blanget händ en zimmliche dämpfer verpasst, dass die nöd scho um sechsi cho sind. das muess mer au gar nöd i frag stelle - trotzdem isch es schön gsi, wo's dänn cho sind und mit würkli absolut unglaubliche kläng en regeboge us musik under d'lüüt bracht händ. das hätt nomal jeglichi reserve mobilisiert, hätt nomal zeigt, wie de sound d'chraft hätt, no vill meh chräft i üs zwecke. es isch allerdings afangs scho es bire bizeli luut gsi : ) - naja es isch ja au kei privat party bi eim dihei gsi, oder? *zwinker* wo ich denn gange bin, hani no einisch diversi lüüt atroffe mit dene ich i dene zwei täg gsproche han, und ich ha so de iidruck als wär allei das eifach meh als nur e erinnerig wert. mini blick sind nomal a all dene goafreaks hänke blibe, und über die chraft i de tanzende menge und zum Deko gschweift und es isch mir nöd liecht gfalle zgah - es wunderschöns gfühl vo müesse gah isch ufcho, und drum bini dänn gange, mitneme wohlig warme gfühl im buch, dass es schön isch gsi mit eu z'tanze und de sound z'gnüsse.
de verastalter hätt nöd alles richtig gmacht, au d'sani's hätted einiges besser mache chöne. aber ohni all die lüüt, die villi helfer, d'verastalter, d'dj's, die wo all das organisiert händ, hetts die party nöd geh. und sie händs mit dem buur und dere location halt würkli nöd eifach gha. villicht wärs us logische überleggige schlauer gsi, das ganze abzblase, wo das mit obermatt nöd klappt hät. aber dänn häts all das nöd geh, wo jetzt i eusem gedächtnis isch, all die gspröch wäred nöd gführt worde, womir gführt händ. all de sound, wär nöd gspillt worde. all die fäde wäred nöd gspannt worde...
Und de einzig grund wieso all das doch stattgfunde hät isch gsi, will es paar nase gseit händ: und mir mached's jetzt eifach doch!
Zuletzt geändert von Fallen Angel am Mo 9. Jul 2007, 11:51, insgesamt 2-mal geändert.
Fallen Angel hat geschrieben:@Bombadil
Merci, ich ha mal nach föteli gsuecht, aber kei gfunde - de woni meine hätt jedefalls kein bart gha und isch rächt schlank gsi. na egal.. mal uf d'foti zu dere party warte. : )
Aso duu, han de Tsunamix na gfröget und er het mir gseit, dass er am Samschtig Mittag vom 11:00 - 13:00 gsoundet het.
Villicht isch ers ja gsi wo du meinsch...
liäbs grüessli
Danke! De isch au guet gsi, aber ich ha de gmeint, wo nach ihm cho isch *smile* also so abem 13:00-17:00 (oder so) - usser natürlich ich bring das was mit de ziit durenand, hmmm. hehe, ach spillt ja eigetlich kei rolle de samschtig händ so zimmli alli geile sound ufgleit, was ich so ghört han.
WoWWWWWW
dini finger mached jezt siicher weh*smile*aber muess säge ich schlüsse mich zu 98%bi der a,woww du hesch das gschrebe wie ich mer das ungefähr m chopf dänkt han!!
SUPPPPPPER!!!!
ॐPeace & Blüemliiॐ ॐReAdY tO fLyॐ ॐMasala-Chaiॐ ·٠•●☆* ॐ ♥ ☮ * ☆●•٠ meine zeit lass ich mir nicht stehlen - von niemandem ·٠•●☆* ॐ ♥ ☮ * ☆●•٠
@he; klar ja, hesch recht! aber i finds eifach nid ganz richtig wenn sich au na lüt/organisatore i schaltet wo nid a de party gsi sind, das wör ich denn würklech persöhnlich mache, und es isch au meh eifach a "eu" organisatore gange, es mitenand bringt witer! so i dem sinn..aber ja hesch scho recht! und kritik bruchts ja au zum wachse!
@gnömmlii; umarm dich
@fallen angel; finds ebe genau schön wem mer ka positivs wie negativs gseh und sich beides igestoh und nid seinte überwiege loht..
..und es het positivs sowie negativs geh, i glaub da sind mer üs all einig!
umarm dich
