24.5.08 - Am Stadtrand - Ein paar Freunde

[fele]

lieber jerry, lieber jan und alle helfer

ich kann mich meinen vorherigen schreibern nur anschliessen!
es war wieder einmal mehr ein unvergessliches erlebnis draussen in der natur, welches mir jedesmal neue freude bereitet!

ich danke euch von ganzem herzen für die schönen und familiären momente, welche ich erfahre, wenn ich bei euch als gast sein darf.

bis zum nächsten mal...

viele grüsse von eurem treuen fan
fele

[windkind]

Soooo, wi immer bini extrem spät dranne, aber wi ds liebleche gluggsi scho gschribe het, lieber spät als nie.

I ha mit em truuruge und em ne glückleche oug däm weeke end härägfieberet. glücklech, wüll ig mi sehr uf d Seelebaumler Party gfröit ha. Frity bis Mänti ufem Bärg, vili liebi Mönsche, gueti Musig... eifach e riiese Vorfröid!
Truurig, wüll ig i däm Fall nid ad Stadtrand hätti chönne cho.

Am Mittwuch hani de mit em grosse Schrecke müesse erfahre, dass üsi super Schwizer Behörde dr Schwanz (sorry für dä Usdruck) hei iizoge, und Bewilligung füre Seelebaumler hei zrüggzoge.
Nachdäm ig dr Fruscht verdout ha gha, isch mir de bewusst worde, dass alles wi immer 2 Site het, und ig drfür mini erschti Stadtrand darf erläbä.

Nach em ne spannende Marsch durch verwilderts Gländ simer de uf däm sehr spezielle Platz aacho. Grad guet Lüt, eher ar obere Gränze, lüpfige Isra-Trance, gueti Stimmig... es het vielversprächend aagfange.

Nachdäm ig mis Züg deponiert ha gha, und langsam so chli bi aacho gsi, hani eifach nume no über da Platz gschtuunet. Bar und Dj a nes wunderbars, völlig verwilderets Waldstück kuschlet, het me bim Tanze mit Blick zur Natur Links und Rächts immer heftigi Urbanität im Ougewinkel gha. Links Outobahn, und e undefinierbari Aazahl vo belüchtete Bouchrän, Rächts ds Gleistrasee, wo wi inszeniert immer mal wider e Zug isch gfahre. Hinger dranne de no ds Zollhuus, und wi scho erwähnt ds Fluetlicht vore Usschaffigsaaschtalt.
I ha mi sehr geborge gfüelt, iiklemmt vo dr Stadt, aber doch völlig ir Natur... eifach nume einmalig!

Scho glii het sech dr Himmel göffnet, und es het lang und viel Wasser uf üs abeglaa. I has dr Hammer gfunde, wi motiviert e grosse Teil vo de Fraggles isch gsi, und zum rockige Set vom Solaris so richtig gas het gä. I hami als bekennende Warmduscher is Trochene under die läbensnotwändige Blache zrüggzoge. Irgendeinisch ischs mer de aber ds blöd worde, und ig hami bis mini billig Rägäjagge het afa dürelaa am Wassertanz beteiliget (jaja, i weiss, Warmduscher, Luxusgoaner ).

Hinderem Dj am Füdiwaggle, het mi ds Gluggsi de plötzlech ufe Brueder Mond ufmerksam gmacht, wo sech Stück für Stück dr Wäg dürd Wulche het bahnt. Und tatsächlech, churzi Zyt später hei mir dörfe ir Wermi vo dr Schwöschter Sunne dürfe trochne, und dr Tag begrüesse.

Das isch de ou dr Momänt gsii, wo ig ha dörfe vom ne ächt berüerende Ereigniss Zuge wärde. Ds Set vom Psylorg & Jan. I ha i de guet 10 Jahr, wo ig sälber Musig legä, und Feschtli bsueche no nie es tchnisch so starchs Duo gseh. jede für sich gno annährend perfekt. Moves druffe, woni no nie ha gseh, genial. Aber beidi zämä...göttlech! hami drbii ertappt, wini hüftwippend mit offenem Mul vor ine bi gschtande, und eifach usem glotze nüm bi usecho. So nes zämäspiel, so ne stilli Kommunikation... Wunderschön!
BIG RESPECT!!

Es isch de zwar nomal chli nass worde, aber das het niemer me würklech gschtört, d Stimmig isch immer no am choche gsii, alli schlächt usgrüschtete (stögelischue etc ) si scho laaaang hei, und es het eifach nume no gfäggt. Nach däm letschte gutsch füecht, hets de richtig uftaa, und plötzlech si nume no Smilies mit bei umegfläschet.

Nachere schüche Aafag in Richtig Jerry hani mi unterstützt vom Solaris und em Nex ou no hinters Pult begä. Und wäri sicher bis am Abe nüm drvo wäg cho, obwohl ig grad mal 10 CDs drbi ha gha, wenn dr Boss nid mal es Machwort hätti gschproche...

Solaris, c'était un très grand plaisir de mixer avec toi. On n'a pas encore le feeling pour l'autre comme Jan et Jerry, mais c'est sûr le bon chemin

Au mit Dir Nex hets Spass gmacht, gärn wider!

Ou no es riise Merci a üsi liebe offizielle Fründe, würklech einmalig, no nie are Party 2 so sympatischi und lachendi Ordenshüeter gseh! ds nächschte mal bitte eifach no ohni Uniform, de gits de ou es Bier

I bi schwär beidruckt worde, und wirde ab itze kei Stadtrand me verpasse. Das isch für mi e Zämäkunft, wi si sött si. Fridlech, liebevoll, eifach, energieglade, spontan, unkonventionell, familiär... eifach schön!

Chönnt no ewigs witer, sparemer aber lieber no chli lobendi Wort für di nächschti SR uf.

Wünsche allne e sunnige, fröifvolle Summer!

Auf dann

Lo

[Jan]

Wow, was für schöne Reports, Danke!

Es wurde schon beinahe alles gesagt, bleibt mir nur noch die Erwähnung einiger Menschen, die sich sehr für diese Party eingesetzt haben:

Erstma ein dickes THX an Joe und Conny für das Hammer Catering, welches Ihr am frühen Abend aufgefahren habt: Echt alles vom Feinsten, edel, mit Liebe gemacht und superlecker (Shrimps und eingelegter grüner Spargel auf Spiessen mit Speckmantel sowie Kartoffelsalat mit Cherrytomaten und Peperoni uvm. ) ganz geile Sache, wir haben sehr gestaunt!
(An dieser Stelle auch eine Verbeugung an Susanne und Rene, die sonst immer dazu schauen, dass wir nicht verhungern;))

Ein weiteres fettes Danke an alle Barhelfer, Jasmine, Rahel, Natalie, Rene, Fabi und die unerwartete aber willkommene Hilfe des alten Dreamteams Karin und Vivi (wie in guten alten 2003er Zeiten^^) und speziell an Sina, welche Ihre erste Goaparty erlebte und dazu noch spontan mit mir die Bar für ein paar Stunden schmiss. Echt Respekt mann:)

Merci an das Fractal-Team für Euren ganz geilen Sound und die perfekten Mixes, Ihr passt super zu uns und seid auch so "geili Sieche" !
Und das Kompliment, welches Ihr uns gemacht habt, ist echt ein ganz wunderschönes und hat mich sehr berührt! Mehr bekomm ich dazu nicht raus...

Sowieso hab ich die ganze Nacht hindurch und dann auch am Tag höchstens eine handvoll Mixes gehört, die nicht ganz gestimmt haben, und keinen einzigen, der wirklich in die Hose ging, das ist ne super Quote! (klar geht das nicht immer so, hat einfach vieles gepasst)

Dann, was ich schon im ersten Report erwähnt habe:
UNGLAUBLICH WIEDEREINMAL DAS PARTYVOLK!
Denke immer wenn es uns wieder mal verschifft (das dritte Mal hintereinander Regen in der Nacht am Stadtrand), das die Laune und das Durchhaltevermögen der Leute nicht mehr zu toppen sind und jedesmal toppt Ihr es!!!
WIE MACHT IHR DAS NUR?
Ganz ehrlich haben Jerry und ich uns in der Nacht mal getroffen und haben beide kleinlaut zugegeben, dass wir wohl schon lange aufgegeben hätten, wenn wir Gäste gewesen wären, ABER IHR HABT DAS NICHT, HABT DIE SONNE HERBEIGETANZT (auch in unseren Herzen) und dafür knie ich vor jedem einzelnen vor euch in Respekt und Dankbarkeit nieder. (Tönt vielleicht kitschig, ist aber 100% wahr und jeder Veranstalter, der erleben durfte, was wir immer wieder erleben dürfen, würde sicherlich das gleiche tun!

Bis zum Nächsten Ihr Verrückten
Lange Tage und angenehme Nächte

Ps
Ein extra Kuss geht an die Uniformierten der verschiedenen Kategorien, die am Abend und am Morgen auf den Platz kamen und UNS WEITERFEIERN LIESSEN! Das war überhaupt nicht selbstverständlich und zeugt von viel Toleranz und einer guten Berufsauffassung. Man hätte als Beamter durchaus auch anders reagieren können, das ist uns bewusst und dafür sind wir dankbar. Gleichzeitig bestätigt es uns in unserem Weg und in der Art, wie wir die Dinge anpacken.
Wir können (im Vergleich mit anderen Leuten am gleichen Ort) seit 6 Jahren unbeheligt am Stadtrand festen, das muss man sich mal vorstellen!!!

Îch liebe diese Parties, den Platz (Openair Platz in Basel-Stadt, seht euch mal die Karte von BS an, dann seht Ihr wie verdammt speziell der Ort ist), die Leute, den Sound, einfach alles! - Danke dass Ihr immer dazu beitragt.

[clonekarma]

eifach merci an Alli!!! en chline Penner