Und weg de Lüüt ... isch halt so das weme in de nöchi vonere Stadt verusse e Party macht dases ned nur agnehms Volk chan azieh ...
Da hetts einigi wo eifach gönd wegem schöne Wetter und weils verusse isch ... Und ned weg de Musig oder de Party an sich ...
Also ich bin nie agrempled worde in de Ziit woni dete gsie bin ... Git leider meistens irgendwelchi Idiote an Parties ... da chan dOrganisation nix defür ...
Mini Wort .... Merci.
Han bis jetzt nur kei Zit gfunde das so treffend zFormuliere dank em ganze Partystress !
Euses Ziel isches ganz sicher ned dearartig unchilligi Lüt in Wald zlocke wo eus, eusi Decko klaued (dasmal 2x uv Tüecher, 2x StringArt, 1x UV SPOT
UNGLAUBLICH!, und D'Hand vo eusem legendäre Zombie), eusi friedliche Gäst apöblet, de ganz Dancefloor mit Ziggistümmel und Ziggipäckli zuemülled, ihre Abfall im Umkreis vo 1km im Wald verteilet, eusi "Follow the Signs" zerstöred und sölchi wo mitem Bierpass ihre ganze Kollegekreis is Koma "Schmarotzed"....
super schad isch gsi, au wenn d'party anschiinend bewilligt worde isch dassmer de sound na bide bushaltestell une sehr guet ghört het... so vowege rücksicht und so. ersch wo d'polizei die letscht verwarnig geh het ischs besser worde. (ned grad sehr fair gegenüber de awohner und de anderne lüüt wo scho vorane und eigentlich au gern wiiterhin a dere location partys gmacht hetted! )
De Punkt isch jedesmal es Problem, egal wo du dir e Bewilligung hollsch, Weil: Du bechunsch d'Bewilligung nur für d'Stadt selber und für nirgends sust, und Züri-City bütet nirgends en Platz wo du mit aständiger Lutstärki chasch 400 Lüt Beschalle (die Bewilligung isch für 400 ppls usgleit, und die Beschallsch ned miteme Blockrocker!!)
Die vode Bewilligung hend am Telefon selber gseit: es isch ned möglich e Party zmache mit mindistens 1 Dutzend Lärmklage!
De Witz am ganze isch dases in Züri (eigntlich ide ganze CH) all 200m e Baustell het, und mindestens all 300m en chileturm (ich wohn vor eim vo 365T, 24h/T all 15min und am morge am halbi 7ni und am abig e halbstund am stuck mit 120DB i mis zimmer inedröhnt) wo mindestens so lut sind und no viel Zentraler glege als e Party wo 500 lüt fürs Wuchenend amüsiert!
Vo eusere Sicht isch die Party das Absolute non-plus-ultra gsi was Decko und Org. betrifft... Ich wüsst ned wer scho so viel Mat. in Wald gschleppt het und mit soviel Elan Dekoriert het obwohl mer gnau gwüsst het das 10h spöter alles wieder muess glich usgseh ha wie vorher!
En riese Dank a mini Mitorganisatore, Helfer & Deckoteams wo 1A Arbet gleistet hend!
De Punkt mit de Stimmig und de Lüt, wünscht ich mir au anderst.... Aber wie bi allem uf dere Welt gits ned nur Positivs...
Vielme weissi gad au ned dezue zSege!
Trotzdem hoffemer das die meiste de Abig als einzigartig und mit Freud in Errinerig phalte werded!
Mir hend 2 Kameras ufem Platz gha wo ganz viel Fotis gmacht hend, me werded die soschnell wie möglich ussortiere und die beste im Internet veröffentliche!
(Leider gseht mer uf keinem einzige Foti was füres Liechtspektakel adem Abig würkli euses Hirn & Auge überfluetet het!)
Bis zum neggste Mal!
S.s /
200'000 Watt Gesellschaft
zum glück händ smartphones es navi und me hät ja glernt charte läse
naja bis uf es par, eifach petrol verbruche, ahgriffe werde körperlich geistlich, hät denn abr spass gmacht witer disse ohni gwalt und die prellige würed mi jetz nöd plage, schloch 
)! für de iitritt wo verlangt worde isch 1A da chönd sich mengi partyorgs na was abschniide. 
) 
... da chan dOrganisation nix defür ... 
me chönt au für partys es dekoschutzteam organisiere zum dene arme sieche wo scho zvill händ und na chlaued eis ufd finger haue 
