Kein Bock....

Hier kannst Du allg. Fragen stellen.
wuchenendbefürworter

Kein Bock....

Beitrag von wuchenendbefürworter »

Gits villicht da inne Lüüt, wo im Moment eifach absolut kä Luscht me händ uf ihres ALLTÄGLICHE Läbe???

Segs us Fuulheit, Überdruss, schreckliche Erlebniss, Liebeschummer, usw. - scheissegal us welem Grund...

Ich weiss, dass ich es verdammts Glück han da ide Schwiiz zläbe und immer gnueg Geld han und es Dach über em Chopf und sowiso Demokratie...
Ich weiss au, dass Usschtige nöd UNBEDINGT das isch won ich wott, wills eifach fascht unmöglich isch (----->Winter)....

Ich möcht nur wüsse, wien ihr mit dere Situation umgönd...
Macheder eu en feine Früchtetee, luegeder Spongebob, gönder is Disneyland, esseder zwei Tafle Schoggi, nehmeder Droge ......???

Oder vergesseder eifach die ganz materialistisch Welt und konzentriered eu ufs Wesentliche? (sofern das würkli s Wesentliche isch...) Händer villicht eifach wider mal guete Sex....?

Mis Problem bim Vergesse vo de materialistische Welt isch, dass ich dänn wider bim Punkt vom Usschtige aglangt bin, was us mehrere Gründ au nöd das isch was ich wott....----->Tüfelschreis(uuuuuuhhhh....)

Villicht händer ja es Ziil im Läbe oder en Traum, eventuell sogar en Utopie, wo eu vo dene negative Gedanke abhaltet...???!!! Lehrer, Arzt, Umweltschützer, Philosoph, Lebeskünschtler(?), professionelle Optimischt, Timophy Leary-Verschnitt....???!!!

Aber wiso ide Zuekunft sueche, wänn doch nur d Gegewart de einzig Moment isch wome lebt...????

Jetz merki grad, dassi zu sehr is Moralische inegheie, mini Frag isch eigentli würkli nur:
Wänn eu s alltägliche Läbe über en längere Ziitruum aaschisst, was macheder?

Bitte nöd eifach en Antwort a la denk eifach positiv - mini Gfühl chan ich nöd eifach so is positive denke...

Übrigens:
Jedi Person wo Luscht hät, chan en Mitleidsliber is Mitleidskässeli mit de Mitleidskontonummere 654-321-876 inegheie - wird dänn für en guete Zweck verwendet(Auto, HD-TV, Original-Autogramm vo Infected,....)
Benutzeravatar
Louitchy
Silver Member
Silver Member
Beiträge: 68
Registriert: Mi 3. Jan 2007, 17:37
Wohnort: I miner Traumwelt
Kontaktdaten:

Beitrag von Louitchy »

Hoi Wuchenendbefürworter

I weiss halt nöd i was fürere Situation du dich befindsch, aber ich säg eifach mol wani dezue chan säge :)

I bin im Moment au inere Phase wo absolut nüt me goht, woni jede Mittag und Obig i mis Zimmer chum und als erschts emol ufs Bett gheie und hüüle. Debi isch mini Situation wahrschindli voll nöd so schlimm, i mach si mir nume schlimm (ok mol eigentli isch si doch schlimm..? :-$ ). Aber ebe uf was i eigentli han use wölle...

Was sicher churzziitig chan helfe das der chli besser goht isch eifach mol in Wald z go, villicht ushüüle so langs got (isch jo nüt schlechts und wirkt würklich Wunder wenn mers eifach zueloht. Es chunt mer amigs vor als wür mer demit "s Schlechte usespüele" und dur das am Guete wieder chli Platz schaffe. Sus chasch da nämli gar nüm ufneh), meditiere und uf dis Innerste lose, d Natur aluege und gseh dass doch im Moment eigentlich alles ok isch. Irgendwenn wirsch merke dasd s Glück nöd vo usse söttsch sueche sondern nume i dir inne finde chasch. Wennd s Glück i dir selber gfunde hesch chunts automatisch au vo usse wieder uf dich zue. Natürlich sind d Problem dur die Meditation nöd eifach i Luft ufglöst, aber wenigstens für de Augeblick gohts der wieder super. O:)
Was bi mir au na wirkt das mer wieder besser goht isch Darkpsy lose (woni im Normalfall, wenns mer guet goht, eigentli voll nöd so mag ) .. aber da bini wahrschindli wieder en Einzelfall... oder? Aber chaschs jo mol versueche :-s

Allgemein zum s Problem löse.. hmm.. möglichst irgend en Alternative sueche, irgend en Idee wo dis Läbe chönt ändere ohni dasd gad usstiigsch. Eifach e Veränderig, öppis neus wo dir besser tuet als das wod jetzt machsch. I bin jetzt zum Bispiil im Semi und han eifach gmerkt nei, das goht nöd, s isch eifach nöd mis. Han eifach müese gseh dasi schuelisch villicht z wenig intelligent bin bzw. nöd so belastbar und motiviert für die Schuel dasis under dem Druck chönti durezieh. Sicher, wennis würkli mit mim ganze Wille wölt, de würs scho go, aber ebe.. han mer au müese es neus Ziil setze wo nöd gad gar nüt isch aber doch chli weniger streng.
Villicht findsch ja au sone Lösig wo es "Zwüscheding" isch und di chönt glücklicher mache. Nume scho das Ziil vor Auge z ha macht vieles liechter. Es mue nöd umbedingt s absolut Perfekte sii, hauptsach es bizeli besser und ussichtsriicher als die momentan Situation. Je noch dem wie dini Situation grad usgseht, obs en vorübergehende Aschiss isch oder s würkli nüm goht, muesches denn jo nöd umbedingt durezieh aber wenigstens doch mol als Lösig bereit hebe.

Wünsch dir uf jedefall alles Gueti und vill Chraft zum die Ziit übersto!

Liebe Gruess vom Tröpfli
Waldgnurpf
Platin Member
Platin Member
Beiträge: 355
Registriert: Sa 5. Aug 2006, 16:38
Wohnort: Am schöne Bielersee
Kontaktdaten:

Re: Kein Bock....

Beitrag von Waldgnurpf »

wuchenendbefürworter hat geschrieben: Villicht händer ja es Ziil im Läbe
Bi mir isches ganu das woni bruche i mim läbe u weni keis ha de geiz mir scheisse. :-s
There is no way to happiness, happiness is the way (Buddha)
Benutzeravatar
Elias
Platin Member
Platin Member
Beiträge: 757
Registriert: So 13. Aug 2006, 08:34
Wohnort: da

Beitrag von Elias »

Bild
Bild
http://www.vimeo.com/elfilmias
http://www.youtube.com/elfilmias

Wage du, zu irren und zu träumen! Hoher Sinn liegt oft in kind'schem Spiel.
(Schiller)
Benutzeravatar
wallaby
Platin Member
Platin Member
Beiträge: 602
Registriert: Mi 5. Apr 2006, 21:56
Wohnort: ZH-Highlands

Beitrag von wallaby »

Cools Gedicht !


Mein Tipp :

Kündigung schreiben und Job hinschmeissen.

Viel Drogen nehmen.

Das ganze Geld verprassen.

Auch auf Reisen, oder Ferien.

Wenn dann die ganze Kohle weg ist, und der ganze Stoff verbraucht, dann wieder neuen Job suchen, neue Vorsätze, neuer Kreislauf...

cheers
Benutzeravatar
Titali
Platin Member
Platin Member
Beiträge: 841
Registriert: Fr 29. Jun 2007, 11:25
Wohnort: Deep Somewhere...

Beitrag von Titali »

*wOOOw* hammer das gedicht... chönte fast mini wort sie *hahaha*

ich kenn die gfühl ou sehr guet und ja, ich flüchte oft i mini phantasiewälte, aber vom träume alleini, isch no niemer glücklech worde...meh mues sini tröim zur würklechkeit wärde loh!!!

wenn ich när kraft finde, verändere ich öpis i mim läbe... äntwäder vo ich es nöis hobby a, wo mich packt und viel git und mini kreativität aktiviert, i natur (hehe ane party viellecht) oder äbe:

ab is reisebüro und davonflieg to the next adventure ;)

ha das jetzt jahre eso gmacht, aber lösig isches ou nid würklech! konstant glücklech und ihre balance zbliebe isch e kunst und e herusforderig...

make your dreams comes true ;)

was mir vorallem isch ufgfalle nach all mine reise, das wo du beschriebsch wuchenendbefürworter isch industriekrankheit ir westlech wält... so gfühl ha ich fast nie gha, wenn ich in asia bin gsi, aber sobald ich zrugg bin, vots a... meh isch nie zfriede, obwohl meh im MATERIELLE überfluss läbt.. was fählt den??? geistige, spirituelle, dr gloube a öpis...mystische, magische, rituelle... so wie üsi vorfahre einst gläbt hei ir vergangheit... es isch sehnsucht nach mehr, nachem wahre läbe!

schöööne suNNtig @ all
titali***
The Drums don't Stop... Bild
Fallen Angel 2

Beitrag von Fallen Angel 2 »

@weekendbefürworter
"sich guet fühle" oder "eis sii mit dem womer macht" oder wie au immer, das alles erschint mir je länger je meh... ehner sone art ablänkig z'sii. Au das mitem ziel: idem mer es ziel hät, wird d'wahrnehmig sozsäge uf das glänkt; wie chunt mer zu dem ziel, wie wiit isch mer devo entfernt, und so wiiter.... mer hät also gar kei ziit zum... halt ebe drüber nadenke, dass "alles menschliche streben" im grund gno e beschäftigungstherapie isch.

uslöser für de zuestand, womer wieder mal so richtig de aschiss hät, gits leider gnueg, vermuetlich immer dänn, wänn öppis vorbii isch, wänn öpis andersch cho isch, als mer dänkt hät, wänn irgeden plan nöd ufgange isch, oder mer plötzli kei bock meh uf sis hobby hät, sodass jeglichi ziel langwiilig werded, oder mer irgedwie s'gfühl hät mer hägi kei chraft meh...

das läbe isch wie es compi game.

wer weiss, villicht chammer über längeri ziit glücklich werde, wämmer hürated, chind uf d'welt stellt und karriere macht. und wem das nöd langt, cha sich au no irgede religion zuelegge oder suscht es hobby. oder wirsch politiker und setzisch dir als ziel bundesrat z'werde, dänn bisch es wiili beschäftigt. oder gründisch e firma. oder reisisch um d'welt.

de sinn im lebe: sich devo ablänke dass es kein sinn hät.
mir läbed halt eifach. so what?

was mer söll mache? tja, du häsch scho es paar sache ufzellt. ich glaube, wichtig isch eifach, dass mer nöd immer dehei umehängt. will solang du dehei umehängsch (und nöd irgedöppis programmiersch oder schriibsch, oder sound produziersch), fehlt der de kontakt zur usewelt.

nöd das das druf aa chämt.. aber es isch interessanter, mal eis go zieh, mal an see hänge, mal ufen berg go wandere, e frau aquatsche, mitneme kolleg philosophiere, uf afrika gah und es wasserreservoir boue, en garte apflanze, es hanfpflänzli ernte...

tjo... scheiss egal was d'machsch. mach eifach irgedwas, dänn merksch nöd, dass das alles, de ganzi planet, das ganze läbe, alli mänsche, jegliches schicksal, im grund gno eifach so da isch...

it' not time to make a change
just relax and take it easy
your still young and that's your fault
theres so much you have to know
find a girl, settle down
if you want to you can marry
look at me I'm old but I'm happy...

- Cat Stevens Father and Son
Benutzeravatar
Titali
Platin Member
Platin Member
Beiträge: 841
Registriert: Fr 29. Jun 2007, 11:25
Wohnort: Deep Somewhere...

Beitrag von Titali »

Fallen Angel 2 hat geschrieben:wer weiss, villicht chammer über längeri ziit glücklich werde, wämmer hürated, chind uf d'welt stellt und karriere macht. und wem das nöd langt, cha sich au no irgede religion zuelegge oder suscht es hobby. oder wirsch politiker und setzisch dir als ziel bundesrat z'werde, dänn bisch es wiili beschäftigt. oder gründisch e firma. oder reisisch um d'welt.

[/size]
ich find so eifacht isches nid! alleini mitere familie und kind wirsch nid glücklech und mitere karriere scho gar nid!!! meh mues zerscht mau sich sälber kenne lerne, sich entdecke, sich erläbe, sini talent finde und usläbe, ganz eifacht:

zläbe läbe und lerne mit sich sälber uszcho, säubstständig wärde und unabhängig!

ich mega interessant sich sälber zkenne zlerne und leider machet das viel zweni lüt... wie söll ich a mim kind öpis witerghä, lerne und erzieh, wenn ich mich sälber gar nid kenne oder wie söll ich mitemen partner zäme chöne läbe, wenn ich gar kei ahnig vo mir ha...

nur so nebenbei angel ;) und ja, e reis um wält hilft sicher bim kennelerne vo sich sälber... hui, denn chunsch den uf wält *haha*
The Drums don't Stop... Bild
Fallen Angel 2

Beitrag von Fallen Angel 2 »

TiTaLi hat geschrieben: zläbe läbe und lerne mit sich sälber uszcho, säubstständig wärde und unabhängig!
jo, das isch natürli au e möglichkeit sich z'beschäftige.

:jumper:
Benutzeravatar
Catweazle
Platin Member
Platin Member
Beiträge: 510
Registriert: So 30. Jul 2006, 09:46
Wohnort: Zürich / Basel
Kontaktdaten:

Beitrag von Catweazle »

Hey wuchenendbefürworter,

Also ich weiss leider nit würklech was ich dir cha an tips gä, ich befind mi im moment inere sehr ähnliche situation, und weiss sälber nit wie wiiter. Bi mir hets öpe vor e halbe jahr agfange, ich han e neuei stell ahträtte in Züri, bi denn voller motivation an die sach dra gange, innerhalb vo 3 wuche vo Basel uf Züri zoge etc. Ha vollgas gä. Ha denn leider ziemlich schnäll müesse feststelle das de betrieb überhaupt nüt für mich isch, und das au de Bruef ( Koch ) mir überhaupt nit zueseit. Das alles isch mir viel zviel worde, neue Job, neus umfälld, familiäri problem usw. Das ganze het denn voll de tüüfelschreis gäh. Durch die tolle arbeitszihte vo me so als Koch het, ha ich mi neus umfälld ja gar nit chöne richtig kenne lehrne, wodurch ich denn nur no unzfriedener gworde bin. Gege schluss isch es mir überhaupt nüm guet gange, ha nur no wenig gredet, wenig gässe usw.

Aber es wird immer e besserig gäh, mir isch jetzt uf ändi monet s arbeitsverhältniss kündet worde, und ich muess säg e kündigung cha sich au verdammt guet ahfühle, i minere situation s beste was mir i letzter ziht het chöne passiere :mrgreen:

Antlich e neu ahfang, äntlich us dem graue, triste alltag use, und e neuei herusforderig ahgo. Ha zwar no kei ahnig was das für eini wird si :-)
Next Gigs:

07.01.2012 PSY TRIP / INDRA,SPADE,POPART / Stadthalle Dietikon
14.01.2012 Neon Beats 2--> Freedom Fighters-<->Lachfalter<--
28.01.2012 Partynoodles (B-Day Dominik und Max)
10.02.2012 Kernspalterparty im Borderline
18.02.2012 ANIMI¨NATURE¨ -> Kulti, Wetzikon!!

Deko chlaue isch Pfuiii !!!!

http://www.myspace.com/cateazle
Benutzeravatar
Melliandra
Platin Member
Platin Member
Beiträge: 1011
Registriert: Mi 24. Mai 2006, 13:14
Wohnort: Affoltere am schöne Albis
Kontaktdaten:

Beitrag von Melliandra »

Hm... was mach ich i sonere Situation...?

Ich glaube für de churz Momänt, zum überhaupt wieder biz chöne positiv z'dänke,
versuech ich de Momänt ganz bewusst war z'näh. =o) Dönt jetzt viellicht
chli strub, aber mier hilfts extrem wenn ich mich i so Momänte wo mer
eifacht alles wieder z'dumm wird, mal um mich luge, viellicht bim Zug
zum Fänschter use, ufe Bluemewise. Ich chan mental wie über die ganz
Wält wäg flüge und so biz alles vonere ander Perspektive gseh. Nur ich mit
mier und de Wält, keis Gschäft, kei Verpflichtig, keis mer set doch.
Nur ich und den Momänt. =o)

Luschdigerwies passiert denn meischdens öbis i dene Momänt. Es
lüüdetöber ah, es lauft es Chind im Zug zu mier oder mier chund en Gedanke
woni dänke ah kuul das chönti doch wieder mal mache.

Langfrischdig isches halt scho sReise, Job wächse, Wohnig wächsle. Klar
du bisch denn immer no i dem System inne aber viellicht chund denn
en neue Aspäkt hinzue wo eim alles wieder biz vonere ander Siete lad
la a luege.

PS: Eis womer nid döff vergässe (oder womer sich z'erscht mal muess bewusst werde)
mer chan alles erreiche im Läbe, es lied ganz eilege i dine Händ was du us diem Läbe
machsch. =o)
*poink*
leandros
Silver Member
Silver Member
Beiträge: 85
Registriert: Fr 5. Jan 2007, 15:58
Wohnort: züri

Beitrag von leandros »

ja beschrib mal dini situation bitte. vilicht chn der helfe da ich experte bin mit usichtslose situatione.lol mues grad selber uber de scheiss lache wo mich früener äso dermasse belastet hed dasse grad meh zueversicht gid i mier. los trau dich und ich lueg wo ich hälfe chan.
rotisa ja woifia ke ida to fengari
leandros
Silver Member
Silver Member
Beiträge: 85
Registriert: Fr 5. Jan 2007, 15:58
Wohnort: züri

Beitrag von leandros »

en tip. du bisch keis opfer vo dine problem sondern dä jäger. jag dini problem und sie sind schnäller weg als der lieb isch. :wink:
rotisa ja woifia ke ida to fengari
Fallen Angel 2

Beitrag von Fallen Angel 2 »

leandros hat geschrieben:ja beschrib mal dini situation bitte.
hätt er doch bereits gmacht :-k
wuchenändbefürworter hat geschrieben:Gits villicht da inne Lüüt, wo im Moment eifach absolut kä Luscht me händ uf ihres ALLTÄGLICHE Läbe???
Das isch ja s'Problem, oder nöd? :-s
Benutzeravatar
Anam Cara
Silver Member
Silver Member
Beiträge: 140
Registriert: So 12. Aug 2007, 20:25
Wohnort: wunderland

Beitrag von Anam Cara »

ich kenne das problem zu guet.... ich bin au sehr lang go reise, welli eifach us dem ganze chueche mal han müesse use gseh... und bim reise lernsch du dich uf e ganz neui art und wies kenne.... und du heschs gfühl du wachsisch und entwicklisch dich ..... und du gsehsch uf eimal so viel möglichkeite... aso mir hets mega guet due, eifach vo de hufe erkenntniss und erfahrige wo du machsch
aber woni zrug cho bin isch irgendswie alles no glich gsi wo rund um mich ume gsi isch und das het mi irgendswie sehr erschrekt und ich ha angscht gha, was ich jetz mit all dem wo ich erläbt han söll afange.
ich han gwüsst was i ned will, aber ebe ned würkli was i will..
und es hät mi einersits mega überforderet woni hei cho bi und anderersits isch mer eifach alles scheissegal gsi.... immerno es bizli.
mach eifach irgendöpis, fang irgendswo a und frag di ned die ganz ziet was, wie wo.... hör uf mit all dene frage und fang a kreativ werde, öpis schaffe mit de händ oder irgendwie schöpferisch werde.... es tuet wahnsinnig guet, au wenn der alles zum hals usehanget, versuech eifach öpis zerschaffe, wo dier entspricht... versuech irgendwelchi üebige für körper und geischt zmache oder zmeditiere.... oder eifach use go laufe.... und wenn der das alles stinkt..... verdörr de hei bis duregheisch, den fasch nämli irgendeinisch sälber wieder demit a, well du weisch, was es dir git... schlächti aschiss ziete ghöret schliesslich au zum läbe...
aber wünsche dir viel glück uf dim wäg.... ich kenne die scheiss gfühl zu guet und wünschti amel, chönti anderne mänsche hälfe i dene situatione, meischtens chömer eus aber nur sälber hälfe,
niemand ist hoffnungsloser versklavt, als der, der glaubt, frei zu sein..........
Antworten