[Läbesberatig] söll ich Götti werde?

[chind]

es isch 23:17 und ich chan nöd schlafe, öppis zerbricht mer de chopf. nämli: es befründets ehepaar hät mi gfröged, ob ich götti vo ihre zuekünftige tochter werde will. und ich han nümme lang ziit, vor ändi monet wird d'geburt erwartet.

ich han schtarchi bedänke:
-ob ich riif gnueg bin (ich bin sehr chindisch. sogar meh als das, ich würd mi nämli sogar als ernschthaft wahnsinnig bezeichne).
-ob ich finanziell abgsichered bin (ich han ghöört, dass me im todesfall vo de eltere für d'erziehig vom chind verantwortlich wär).
-ich will en grossteil vo mim läbe mit reise, kunscht, musig verbringe. ab und zue exzäss. d'drogewält willi au no kännelerne. was isch wänni z.b. mal 8 jahr in oschtasie und sibirie verbringe will? wänni irgendwänn emal eifach reise, ohni gäld, vo de hand is muul. ich würd au gern 2-3 jahr im wald in alaska oder skandinavie läbe. channi das als götti? wänni mal is gfängnis chum? falls ich doch no schwul wird und en maa hürate will?
-anderersiits isch es sicher öppis tolls. ich han gern chind. und eigentlich han ich mer vorgnoh, zu allem (fascht allem) im läbe "ja" z'säge. s'läbe isch so einzigartig und so churz! und me chan so viel tolli & neui sache erläbe. es isch's beschte mmorpg ever!

wiener mir konkret hälfe chönd: folgendi frage beantworte (ich bin inere wahnsinne familie ufgwachse, ich han k.a. was en götti isch).
was macht en götti? schpaziergäng, usflüüg, babysiite, gschänkli, sackgäld, 1000 frenng schänke @ reformation?

Hauptfrag: WIE ISCH ES BI DIR GSI?
was macht en götti? schpaziergäng, usflüüg, babysiite, gschänkli, sackgäld, 1000 frenng @ reformation?
wie oft trifft me sich mitm göttichind? wie isch es bi dir gsi? 1x all zwei mönet en schpaziergang? s'chind hüete falls d'eltere mal en abig weg wännd?
choschtet das viel?
was isch, wänn ich mal 4-5 jahr uf sibirie will und mit de nomade zieh will? oder in skandinavie als eremit läbe will?
was isch, wänn ich in sibirie mini traumfrau kännelern? was passiert us mim göttichind? bin ich dänn en raabegötti? <-- alles ernschthafti frage (au das mit sibirie und so.)


ihr känned mi zwar nöd würkli, aber händ bitz en iidruck vo mir. ich wär trotzdem froh um eure input. :>
wie wüüred ihr persönlich reagiere uf sone aafrag?
wie wüüred ihr reagiere, wänn ihr sone person wie ich wäred?

...

:>

ps: scho churzi biiträg mit gedankeaaregige (z.b. "häsch scho bedänkt, dass als götti _______________?") würded mir wiiterhälfe. ihr müend nöd so viel schriibe wien ich. lieber en churze gedanke zum thema niederschriibe als nüt. :>

[Pufflibäng]

ihr känned mi zwar nöd, aber ich wär trotzdem froh um eure input. :>
wie wüüred ihr reagiere uf sone aafrag?
wie wüüred ihr reagiere, wänn ihr sone person wie ich wäred?

Kommt's darauf an, wie wir darauf reagieren würden? Nein.

Du reagierst nämlich so darauf:

mit

schtarchi bedänke

Also würde ich mal behaupten... lieber nicht

[chind]

ihr känned mi zwar nöd, aber ich wär trotzdem froh um eure input. :>
wie wüüred ihr reagiere uf sone aafrag?
wie wüüred ihr reagiere, wänn ihr sone person wie ich wäred?

Kommt's darauf an, wie wir darauf reagieren würden? Nein.

Du reagierst nämlich so darauf:

mit

schtarchi bedänke

Also würde ich mal behaupten... lieber nicht

ich han schtarchi bedänke, aber ich würd ebe au gern ja säge. ich tendier im momänt 55% zu ja.

[chind]

ps: scho churzi biiträg mit gedankeaaregige (z.b. "häsch scho bedänkt, dass als götti _______________?") würded mir wiiterhälfe. ihr müend nöd so viel schriibe wien ich. :>

[Amanita]

Hesch du denn dini Bedänke dä Elterä mitteilt? Sie grfogt wieso sie möchted, dass du Götti wirsch? Und v.a was sie vo dir erwarted?
Und wer s'Gotti wird? viellicht ergänzed ihr eu perfekt..

Also spontan würd i sägä, so en Götti wie du fänd i mega cool . Öpper wo mit mir chli crazy Sache macht, guet viellicht sind d'Elterä au so wie du, denn brücht is nöd..

Ich glaube nöd, dass mer als Götti bim nä Todesfall vo dä Elterä unbedingt zum Götti goht. Es isch eifach so, dass es guet isch für'd Chind wenns zu öpperem chan, wos scho es engs Verhältnis het.
Ich wär sicher zu mim Gotti und Götti cho, aber in erschter Linie mis Gotti d Schwöschter vo mim Mami isch. Und eigentlich find is no guet, wenn mer als Götti öpper nimmt, wo mer nöd scho verwand isch, denn het s Chind no öpper meh.
Ich dänke du sötsch s Kriterium "ich muen ev. mol für das Chind luägä" nöd als Einzigs aluegä, niemert wird die dezu zwingä, aber andersiits chas doch au sii, dass du denn genau das denn möchtsch.
Vielleicht tritt dä Fall i 10 Johr i - ich gang aber nöd dävo us - viellicht bisch du denn so wiit, dass chli chasch zruggsteckä und für das Chind do sii. Und so wie mer au als jungi Elterä nöd uf alles muen verzichte, chönntsch jo trotzdem no vieles mache - vielicht nöd grad uf Sibirie uswanderä, aber am meischtä stoht doch nüt im Wäg..

Zu dem Thema wür i würklich mit dä Elterä redä. Gang dävo us, dass es für d'Elterä scho sehr wichtig isch z'wüsse, dass öpper do isch wenn öppis passiert. Aber viellicht hends jo do nöd in erschter Linie a dich dänkt.

Was i au würd frogä, ob dämit irgendwie en religiösi Wertvermittlig verbundä isch und wie die genau sött usgseh.
Immerhin hend sich d Elterä entschlossä das Chind taufe z'loh - oder han mer au ohni Taufi Götti werdä?

Für mich sött en Götti chli d Elterä entlaschtä und mol öppis mit em Chind machä, dämit die chli Ziit für sich hend. Wieviel mol das aber sie muen, do gits kei Reglä und chunnt uf d Situation ah.
Mis Gotti het z.B. rächt wiit wäg gwohnt, eifach en Nomitag mit em Gotti oder en Samschtig, das isch nöd gangä. Dafür bin i viel bi ihnä i dä Ferie gsii, wenn mini Elterä d Chuchi neu gmacht hend und alles vollä Staub isch gsii oder wos gfundä händ sie gänged jetzt 3 Wuche uf Thailand und susch so Sache.. Isch immer luschtig gsii und hans interessant gfundä, mol öppis anders zmachä als dihei..

I finde en Götti sött au en Asprechpartner sii für Sache, wos nöd cha oder wott zu dä Elterä goh oder wenns en Rot brucht oder mol en anderi Meinig. Klar es git viel Sache, wo d Meinig vo dä Elterä wichtiger isch..

Geld isch sicher nöd s wichtigscht, klar freut mer sich, wenn mer öppis überchunnt und sich denn mol öppis leischtä chan, wo mer susch nöd heti chönnä. Aber das muen jo nöd uf jedä Geburtstag 500 Fr sii..
Mini Schwöschter het vo ihrem Götti lang immer 5 Fr. übercho wenn sie ihn gseh het - was nöd so oft isch gsii (plus no uf dä Geburi und Wihnachtä chli meh). Sie het das rächt schnell zimli doof und peinlich gfundä, well er das immer so zelebriert het. Ich han min Götti trotz dä wiite Distanz öfters gseh, do het er mer nöd immer müässä Geld gäh..
I glaub sie heti ihren Götti au eifach lieber öfters gseh, Ziit isch meischtens wertvoller als Geld..

I kenne viel Lüüt wo zu ihrem Götti nie viel Kontakt gha hend, das isch schad, aber trotzdem kein Weltuntergang..
Mir wärs wichtig, dass dä Götti nöd nur die erschtä 3 Johr sich für's Chind interssiert sondern dass es scho längerfrischtig isch. Und wend halt mol uf Sibirie gsch für es paar Johr, denn schicksch Postcharte, isch jo au cool..

Und klar sött mer als Götti au chli Vorbild sii, aber das chasch jo uf die Ziit beschränke, wod mit em Chind zämä bisch

[meli]

Ich bin seit fast 4 Jahren Gotte eines Mädchens. Als ich damals das ‚Ämtli’ angenommen habe, habe ich mir natürlich auch Gedanken gemacht. Was will ich für eine Gotte sein? Auf was lege ich wert?

Für mich war und ist wichtig, dass mein Gottemeitli mich kennt und weiss, wer Gotti ist. Sie nennt mich auch Gotti- ein wunderschönes Gefühl. Dafür mache ich aber auch was. Ich gehe mind. jede 2. Woche vorbei, mache immer was mit ihr (basteln, spielen, lesen, malen- was es so gibt) und bin auch sonst für das Mädchen da. Geld spielt in meinem Leben keine grosse Rolle, darum setze ich die Prioritäten nicht auf Geschenke oder teure Sachen- ich bin lieber für die Kleine da und mache was mit ihr- von dem erzählt sie noch Monate später, die Puppe, die ich ihr gestern gekauft habe, hat sie bereits vergessen- spürst du, auf was ich hinaus will?

Natürlich kriegt sie auch Geschenke- obligat ist z.B. der jährliche Adventskalender, den ich selbst bastle. Aber es ist wichtiger, dass wir zusammen einen Weihnachtstag verbringen, als die Geschenke...

Hütedienst etc. gehört natürlich auch dazu- was aber mit grossem Spass verbunden ist. Es ist übrigens eines der schönste Gefühle wenn das Kind sagt: I liebe di Gotti. Aber es kann nur geliebt werden, wenn eine emotionale Bindung vorhanden ist.

Dass mit dem Kind gross ziehen wenn die Eltern sterben ist heute nicht mehr so streng. Selbstverständlich kann man das Sorgerecht übernehmen- aber in der Regel nimmt man die Leute, zu denen das Kind die engste Bindung hat- und das ist in der Regel nicht Gotti/Götti sondern Grosseltern und Verwandte.

Ich bin schon der Meinung, dass man für sein Patenkind da sein soll. Ich kenne viel zu viele Leute, die Gotti/Götti praktisch nie gesehen haben- das finde ich schade, so muss man kein Göttiamt annehmen. Man sollte Zeit haben, mit dem Kind was zu unternehmen- wenn nicht, sollte man es bleiben lassen.

Hätte ich damals mit dem Gedanken gespielt, Jahre meines Lebens im Ausland zu verbringen, hätte ich das Amt dem Kind zuliebe auch nicht angenommen.

Überleg es dir gut- es geht schliesslich um ein Kind, dass Aufmerksamkeit und Liebe braucht.

[604freund/Psykas]

interessantes thema, gleiches ging mir auch schon öfters durch den kopf, ein freundin die jetzt 19 ist wurde angefragt vor kurzer zeit, deswegen ist es gerade ein wenig präsent... sie scheint sehr dazu entschlossen diese verantwortung und dieses "ämtli" anzunehmen, ich frage mich nur ob sie nicht noch ein wenig jung ist um diese entschiedung realitätsnahe zu treffen...?

ich für mich kann nur sagen dass ich es auch wichtiger finde wenn man wenn man bereit ist für das kind da zu sein, und vorallem zu merken wann man da sein muss. wie bereits erwähnt, wenn es zum beispiel etwas zu diskutieren gibt welches die eltern nicht erfahren müssen, oder es eine zweitmeinung einholen möchte von einer ihm nahe stehenden person...

materielle geschenke sind sicher auch etwas schönes, aber für mich war das immer zweitrangig, ein brief war immer eine freude...
ich hatte jedoch nur mit meiner gotte eine gute beziehung. wir sahen uns leider auch nicht so oft, 2 mal im jahr vielleicht. dies wohl auch, weil ich auf einem bauernhof aufgewachsen bin und wir selten weg gingen mit der ganzen familie... wir hatten aber regelmässig brief- und telefonisch kontakt, natürlich vorallem zu den geburtstagen und weihnachten, aber auch sonst mal unter dem jahr...für mich war dieses verhältniss in ordnung. mein götti hingegen war wohl mit der sache überfordert und es war eine sehr spezielle beziehung, genau deswegen mache ich mir auch sorgen wenn ich dran denke einmal selber angefragt zu werden, weil ich eben gemerkt habe wie es sein kann, wenn der götti und das kind zusammen keine gute beziehung aufbauen können...

dass wichtigste ist, dass du dir diese gedanken machst und sie mit den eltern des kindes teilst. sie sollten wissen dass du dir diese gedanken machst, weil es dir wichtig erscheint nur zuzusagen, wenn du dieser aufgabe auch gerecht werden kannst... frage sie auch warum sie denken das genau du der richtige dafür bist. sie werden dir sachen sagen die du selber von dir nicht kennst, ansichten und eindrücke, welche dir mut und selbstvertrauen bringen können.

für mich käme es im moment nicht in frage so einer aufgabe zu zusagen. einfach weil ich diese verantwortung im jetzigen moment nicht übernehmen will. ich mache mir zu viele sorgen dass ich dem ganzen nicht gerecht werden könnte... dies aber nur ein persönlicher eindruck von mir, ich fände es toll wenn dich die eltern und vielleicht andere erfahrungen von göttis dazu bewegen könnten es zu versuchen, ich denke auch du wärst ein cooler götti viel erfolg!

[chind]

Amanita, meli & freund Psykas

Merci für eui Usfüehrige! :>
D'Antworte..d'Iidrück vo de Amanita und vo de meli hani scho Mitti letscht Wuche gläse. Aber ich han die ganz Sach (und au eui Antworte) zerscht mal müesse i mim innere See..i mim innere Teich uf de Grund sinke lah - nach es paar Täg isch s'Gfühl, vo öppisem grossem plötzlich Überrumpelt worde z'sii langsam verfloge und ich han die ganz Sach immmer meh imene rationalere Liecht chönne gseh.

Ich han mini Bedänke de Eltere mitteilt und mit ihne gredt.
D'Eltere händ mich under anderem au us dem Grund als Götti usgwählt händ, will sie sehr wenig Lüüt känned und ihri erscht Wahl (nämli de Brüeder vom zuekünftige Vater) kei Bock gha hät, Götti z'sii. Und s'Paar hät allgemein wenig Kontakt zu Lüüt (sie händ beidi psychischi Problem und sind IV-Räntner). Ich han au gmerkt, dass sie sich sälber gar nöd gross Gedanke gmacht händ - sie händ eifach öppert welle als Götti haa, öppert wo ab und zue mal was unternimmt mit em Chind oder babysitte chan, wänn sie zämme en Kino-Abig mache wännd. Es gseht also so uus: entweder wird niemert Götti vo ihre Tochter, oder ich wird Götti.

Ich mach mer ehrlich gseit es bitz Sorge um ihri zuekünftig Tochter. D'Muetter hät's z.B. nöd gschafft, mit em Zigarettekonsum ufz'höre, obwohl si sowohl vo mir als au vo de Ärzt mehrmals ufklärt worde sind, dass Nikotinkonsum em Chind im Buuch schade chan. Das isch numme eis Bischpil. Ich han d'Eltere gärn, es sind sehr liebi Männsche. Aber amigs wird ich a Szene us Talk-Shows wonni i dr Jugend gseh han erinneret: Eltere us enere arme Gsellschaftsschicht, wo scho mit sich sälber..ihrem eigete Läbe..und em Partner Problem händ und dänn no es Chind überchömmed..mit oft negative soziale/psychische/entwickligstechnische Folge für's Chind.

Under anderem isch au das en Grund, wieso ich mich schlussäntli entschiede han, Götti vom Chind z'werde. Ich wird de Eltere zwar nöd säge chönne, wie sie ihres Chind z'erzieh händ (isch au nöd mini Ufgab), aber ich will ihne wänn immer möglich mit Rat (& Tat) zur Siite schtah und sobald s'Chind älter isch au ihm als Vertrauensperson zur Siite schtah. En sichere Hafe, en Lüüchtturm z'sii, wänn's Problem hät. Em Chind e kuriosi, bunti Hütte im Wald z'sii, wänn's Chind mal Zueflucht oder Rat bruucht.

Ich bin en Männsch, wo viel überleit und sich drum oft au unnötig viel Sorge macht (au über Verantwortig & Ziit, wie du Psykas). Es git viel Lüüt, die mached sich zu wenig Sorge..ich ghör eher nöd dezue. Au wänni drum no vereinzelti rationali Bedänke han..mis Gfühl seit, dass es schlussäntli guet chunnt.

Ich fänd en Götti wie mich ebe au sehr kuul, haha. Ich bin zwar nöd ganz dicht, aber han au e sehr rationali Siite a mir. Dass Gäld & tüüri Gschänkli & Sorgepflicht im Todesfall nöd bsunders wichtig sind, isch mer eigentli scho klar gsi, bevori de Thread eröffnet han, aber ich han am Abig wonni de Thread gmacht han die wichtige Bedänke nonig vo de weniger wichtige chönne underscheide. Ich mach mer zwar ab und zue immer no es bitz Sorge wäg de Ziit - ob ich gnueg Ziit wird haa für's Chind oder nöd. Aber so wieni mi känn, wird ich mer d'Ziit für's Chind notfalls gern anderswo näh, will s'Chind isch wie's d'meli seit en Männsch wo Ufmerksamkeit, Liebi und somit au Ziit brucht, und das willi em Chind au gäh! :>

S'Niederschriibe vo mine Gedanke und eui Erfahrigsbricht händ mer sehr ghulfe, es grosses Dankeschön a eu, dass ihr eu ZIit gno händ. Ich bin froh, dassis gmacht han, au wänni mi demit es bitz..zimli exponiert han, hahaha.

mini liebe Fründ..ich wünsch eu no schöne Abig! :>
miau desu

[Lockvogel]

Chan nur sägä, Götti si isch diä schönschti ufgab woni je ha becho. Hans bis jetzt kei sekundä bereut. (bins sitt 10 Jahr)

[604freund/Psykas]

schön no chli meh infos drzue zebcho... i chans nur so säge, i denke dass ich a dinere stell, i dere situation das wörd aneh, genau us dem grund damit s chind öppert het usert de eltere wo ihm noch stoht und wos cha zuenim goh wenns es problem git... zudem isch es chind e so es tolls schöpf wo eim ja au vil chan geh... liebi und zueneigig, das chan au vo ihm uus cho und nid nur vom götti...
de punkt, entweder ich oder niemert, isch alweg chli schwierig... also ich müest emr emel gad no chli meh gedanke mache, aber wohl au darum würd ich das ämtli aneh unds so guets gaht versueche uszüebe... ich glaub i hetti mich a dere stell de au gad entschide dasi selber kei chind wett und defür umso meh und besser för mis gottechind würd do si... aber s thema eiegti chind wer de wider öppis anders...

dir wünschi ganz vil chraft, idee (hesch glaub gnue) und spass a dire neue uufgab... wed mal en tipp bruuche setsch chasch denn ja de thread wider reaktiviere, het ja es par göttis und gotte ume...

[chind]

Merci :>
Ja, s hät da inne würkli viel Göttis und Gotte ume! hihi! : D