mysticalforum

als ich mich heute auf youtube anmelden wollte kam diese meldung:

Du kannst dich nicht mehr ohne ein Google-Konto in YouTube anmelden.
Wenn du dieses YouTube-Konto nicht verknüpfen möchtest, kannst du dich hier abmelden.

was soll denn das jetzt? ich habe kein google konto und will auch keins, kann ich dann nicht mehr youtube als user nutzen, oder wie geht das? kann mir da jemand weiterhelfen, blicke gerade nicht wirklich durch, was soll ich tun... danke

naja, du hast 2 möglichkeiten: du lässt dich mit dem teufel ein, oder du lässt es bleiben.

die meisten videos kann man ja auch unangemeldet gucken...

mir als facebook boykottierer werden auch steine in den weg gelegt: an gewisse infos kommt man ohne login gar nicht mehr heran. das ursprüngliche internet liegt somit im sterben. schade eigentlich um die ursprüngliche geniale idee des internets

danke euch beiden, irgendwie hätt ichs mir ja denken können... und übrigens, ich konnte gestern keine vids mehr anschauen solange ich nichts angewählt habe, jetzt hab ich mich abgemeldet und so funktioniert bis jetzt alles, sollen sie mein youtube konto löschen, der benutzer name ist eh dämlich und cih nerv mich dass man ihn nicht ändern kann... bei bedarf gibts dann ein neues konto und ein fake gmail account...

da bleibt mir nur übrig suncollectors zitat zu kopieren... üüüüüble sache...!

mhmhm ich ha scho lang es gmail wil googlechrome mal glade, doch bruche tuenis nie au ke mails det, surf lieber mit firefox =) immerhin häts ufde vids wod selber ladsch ke werbig. und zum 10vor10: das isch scho strub machsch es foti und lugsch gad mitem handy und häsch infos, abr ich ha gar ke sones handy und würmer aunöd in sinn cho das mache, und isch ja jede selbr verantwortlich waser veröffentlicht. guet das mitem unbewusst bild is netz stelle chasch doch au mitdem vergliche, bisch per zuefall im fernseh odr ide zitig. mir doch glich au süsch wennt use gahsch xehnd di lüt, öbs jetz die vo da sind odr süsch wo, privatsphäre häsch eh nur ide eigne vier wänd und häsch ja en rollade odr vorhäng =)

mmmhh... klar chönd mich dlüt gseh wenn ich gange go poschte oder susch dusse umelaufe, aber so chan sech jede sini eigete gedanke zu mir mache, wien ichs ja au mache wenn ich öpper anders gsehne, aber wenns so wiit wör cho chan ja jede luege wer ich bin woher ich chum was ich för fründe han was ich mache usw. vilecht wet ich nid dass das jede und jedi chan erfahre, und vorallem wer weiss ob alles stimmt was so im netz umegaht vo gwösse perone... siehe promis, stimmt ja au nid alles was da so gschribe und verzelt wird... wörsch du jedere x beliebige person all die infos vo dir geh wenn si dich uf de stross aafrögt? ich emel nid, wet immer na selber entscheide wem ich was vo mir priisgibe... bin vilech chli empfindlich aber mich nervt so was... drum gits au nur eis foti wemer mich googlet, und das isch vom gschäft, chani halt au nix drgäge mache... und es fb konto gits au nid under mim name, wet au niened verlinkt werde uf irgendwelche fb fotis vo kollege vo mir... ja so bini halt

würdi nöd so tragisch gse mitem google konto... youtube kört scho länger google. und si hend dini date scho voher ka, voher hends eifach müese din google account mitem youtube account verknüpfe (was relativ eifach funktioniert bi de meiste internet nutzer...).
jetz hends halt nur no ein account. was ich au nödemal schlecht finde, will denn bruchsch nöd für jede dienst en eigete login (klar, de chan au geg hine losga, wenn eine s passwort knackt)... wennd google nöd trausch, denn lasch wüki eifach d finger dervo. videos chasch all luege, ohni das en account hesch (wenn videos ab 18 chömed, wod "müesstisch" registriert si, chasch eifach NSFW vor d url schribe und chasch s video glich luege, hesch eifach chli nervigi werbig dezue). und video platforme zum sache iestelle gits gnueg anderi...

ich bevorzuge http://www.vimeo.com (au wenni nur 1 video druf han ).

@suncollector:
youtube köört sit über 4 jahr google...

d werbig isch nervig, aber entweder werbig oder kei content... ja, es isch jahre lang ohni werbig (bzw. chli dezenter) gange. s problem isch das youtube sit je her eifach hinderschi gmacht het. ich mein erchlär mier mal, wie du ohni werbig miteme gratis dienst chasch geld verdiene? und jetz rechne mal na, wievill benutzer es sind und nur scho wievill speicher fürd videos brucht werded, wievill bandbreiti fürs streaming etc. das sind zimlich grossi mengene und es gat au um relativ vill geld...
und das lieder gsperrt werded isch au nöd schuld vo google, sondern si müend das mache uf gsuech vo de musik industrie. chasch di bi sony bmg, EMI und co go bedanke. die hend das verkackt.
(btw. eini vo dene drecks plattefirme het ihri büros 1 stock under eus. mier sind mitem arbetskolleg scho schier verbi gange eus go ufrege, dass si lieder uf youtube sperred... mini letschte 4 cds hani nur kauft, nachdem ich es wiili lang uf youtube driglosed han. ohni youtube hettis zimli sicher nöd kauft, wills mer nöd wert gsi wär 25 stuz uszge ohni dasi weiss, dases mier überhaupt gfallt. und sind alles 4 cds gsi mit sound woni suscht eigentlich nöd so lose)...

zudem het nöd jedes video werbig, sondern ich glaub de benutzer (also de wos video ueglade het) chan entscheide, ob er werbig azeige la will (wo er denn au dra mit verdient, dass heisst dass jetzt nöd nur youtube dra verdient, wenn du erfolgriichi videos machsch, sondern du chasch selber no profitiere devo...). uf dütsch gseit muesch di bi de uploader beschwere, dass si werbig ie tüend... bzw. muesch dich bi ihne beschwere, dass si villicht au e vergüetig für de suscht chostelosi service wönd...

ebe, langsam luegt google, wie si mit youtube chönd geld verdiene. am afang isches zwar geil gsi, aber uf langi sicht eifach nöd trägbar. und zeig mer e alternative, wos anderst isch?

isch eifach sone sach mitem internet. s git villi "kostelosi" agebot, wo sich entweder durd werbig oder dur dini date finanziered. gratis isch so guet wie nix, will dini date bzw. dini ufmerksamkeit fürd werbig sind au monetäri wert.

und no mini ganz persönlich meinig zu google... ja, google isch e verdammit datekrake und si wüssed alles über dich. aber im gegesatz zu anderne firmene sind si sehr ehrlich was das agat und abgse vom wlan skandal gits au kei azeiche defür, dass sie die date zu unrecht usnutzed (und mit de nutzug vo irne dienst erlaubsch du ihne explizit d nutzig vo gwüssne date...). und als programmierer muni säge dass di ganz w-lan gschicht eifach vo es paar politiker ufbauscht worde isch zum vo de eigete sammel wuet abzlenke. und ja, di grösst date krake isch de staat selber. nur das det teils no voll honks dehinder hocked wo kes bewusstsii für date hend. und dementsprechend gönds au demit um. nur scho wenni luege, wievill "date skandal" es i de letschte jahr vo de britische regierig ge (da gönd ja reihe wiis cds verlore mit date vo stüürzahler, vo sozial hilf bezügler, militärs etc...) het chunts mer schier ue... bi google sind wenigstens profis dehinder wo ihres handwerk verstönd und au es gwüsses bewusstsi für date sicherheit hend... und in anbetracht vom gegewert, wo mer google für die date liferet isches mier absolut wert.

ich finds jetz voll kes don quijote ding... kenne einigi google (und facebook und myspace und was für dateschlüdere es au git) verweigerer, wo konsequent sind... bzw. sache wie youtube halt nur nutzed zum konsumiere und alli anderi sache abriglet... sind meistens au gad die lüt, wos nöd reut au mal chli geld id hand z ne, zum für en service oder für inhalt z zahle. klar isch werbig nervig, aber wievill chind wäred wohl am umehühle wenn 90% vo eusere internetlandschaft nüme da wär und nur no es chostepflichtigs "PremiumNet" ume wär?

wenn dich d werbig wüki nervt, denn empfiel ich dier de adblock plus (für firefox). de tuet di meist werbig zimli guet blockiere, dass eigentlich dini rueh hesch... ich persönlich fänds halt eifach schad, wenn gwüssi siitene zue mached, wills wege fehlender ihname nödemal d server chöste stemme chönd. vo dem her surfi eigentlich zimli bewust ohni werbe blocker ume, ich meide eifach agebot, wo d werbig nervig isch...

=> https://addons.mozilla.org/de/firefox/a ... lock-plus/

ich lueg bispills wiis sehr gern southpark... mittlerwiile chasch (scho es wiili) all folge, sogar die wo gar nonig uf dütsch use cho sind, online luege... für das muesch 0-3 werbespots usehalte während de ganze folg (wo übrigens au mit adblock chönd blockiert werde)... findi e faire sach muni säge, und drum tuni mer das au gern a, will chashc s ganze au inere sehr höche qualität luege.

ebe, zum verweigere chasch einiges mache... noscript, adblock, hostsfile update etc... isch eifach en rechte ufwand...

und wemmer gad bi dateschlüdere sind. was vill ekliger isch als en google account isch ad sense, googles werbe netzwerk, google analytics oder eifach nur de facebook like button uf externe pages. will mittlerwiile hesch uf gfühlte 50% vo allne websiitene google ad words... und analytics vo google wierd au huere vill igsetzt. das heisst google chan siite übergriifend nahverfolge was für pages du bsuecht hesch etc. google kennt di au ohni account und het zwar din account name nöd, aber es chan trotzdem dini date verchnüpfe...
btw. uf genau di glich art verfolgt dich au facebook, sogar bis is mystical forum. gsesch de like button obe rechts? wenn de glade wierd schickt din browser e afrag an facebook server und mit dere afrag werded ganz villi lustigi infos mit gschickt... mitunter au en grund, warum facebook die buttons igfüert het, will so chönds dich au usserhalb vo facebook tracke...
da hilft nur entweder en proxy oder firewall, wo das direkt sperrsch, oder bispilswiis en itrag id hosts datei im windows...

[edit]
bah, wider huere vill gschribe... no zu dene 1.5 millarde dollar... das isch ja de gag dra gsi. google het sovill geld zahlt, will youtube eifach sehr populär gsi isch (und au immer no isch) und nöd will youtube sovill geld macht. youtube het kes würklichs marketing konzept ka, wies mal irgendwenn gwünnbringend laufe söll (klar, gwüssi idee sind warschindli scho ume gsi). die hend eifach druf spekuliert, dass si ufkauft werded... und wie mer mit somene populäre dienst geld verdient isch denn google sini sorg worde...

was ich mir chan vorstelle sich doch dass sech e firma wie youtube als gratisdienst bekannt macht, bis es mega vil user het und denn irgendwenn, wenn di meischte nüme chönd sii ohne, choschtets geld, bzw wird me mit werbig zuegmüllt bi jedem video... chamer nid vorstelle dass i 5 jahr facebook no gratis isch, will wenns nur 10.- im jahr choscht, was ja jede würdi zahle, macht das immerhin mehr-iinahme vo 6milliarde (!!!) wemer die aktuell 600mio nutzer aluegt... (wot gar nid wösse wevels i 5 jahr sind)

atombrot hat geschrieben:oder bispilswiis en itrag id hosts datei im windows...

einer domain eine andere ip vergeben?
an localhost?

BuddhaNature hat geschrieben:

atombrot hat geschrieben:oder bispilswiis en itrag id hosts datei im windows...

einer domain eine andere ip vergeben?
an localhost?

jo, di meiste setzed eifach all urls uf 127.0.0.1 (ebe localhost), wos sperre wönd => http://vlaurie.com/computers2/Articles/hosts.htm
es git im internet au extra scho erstellti listene wod chasch is hostfile kopiere, wo scho villi bekannti werbe und spam netzwerk drin sind. chan der aber gad keni empfehle, will ich selber die technik nöd isetze (abgse im gschäft, aber det bruchemers für anderi sache...). eifach am beste voher e sicherigs kopie vom hosts file alege, für de fall das was verhaue würsch...

@suncollector: finde jetz gad google isch no eine vo de heilige konzern was ihri verantwortig agat. s einzige wo si minere meinig na chli im schlechte liecht da sta lat isch halt ihri marktmacht und ihres quasimonopol uf all date
die gschicht mit china isch härt gsi, aber mer mues das au mal ganz nüechtern wirtschaftlich aluege. google isch en konzern, wo villi mitarbeiter het und wo prinzipiell mal eifach geld mache will... i eusere gsellschaft eifach schomal d norm, aber vonere firma muesch au nöd me erwarte. bi china hets gheisse entweder ier zensiered oder ier sind duss... und china isch nunmal en sehr grosse und momentan au sehr ufstrebende märt, vorallem was technologie agat... google isch zerst iknickt, wasi recht krass gfunde han (vorallem nacher chan ja jede cho und wünsche das öppis gsperrt wierd)... aber ebe, si hend ihri entscheidig nomal überdacht und rückgängig gmacht
=> http://www.tagesschau.de/wirtschaft/google234.html
de grund warums zrug gruedered sind isch sowit ich weiss (uf jedefalls was nach use kommuniziert worde isch), demit ebe nöd jedes chline lang chan cho und e extra wurst verlange.

guets bispil für das problem isch d firma black berry. black berry stelled handies her und bi dene lauft de ganz internet vercher über zentrali blackberry server. das heisst blackberry chunt alles mit über wo du mitem internet machsch. blackberry het letschti e drohig übercho, glaub ursprünglich vo saudi arabie, dass si si ganz usem land schmeissed und verbüted, wenn si nöd infrastruktur zur verfüegig stelled, demit d "regierig" chan de datevercher überwache und inhält zensiere... blackberry isch iknickt... was isch passiert. churzi ziit spöter stönd indie und türkei vor de huustüre und verlanged, dass si au ihri überwachigsspielzüg berchömed...

find jetz gad ke meldig wege saudiarabie, aber es paar folge meldige: [1], [2], [3], [4]

und was au nöd z underschätze isch isch dass sich google sehr starch macht für opensource und für freie informationsustuusch. gat zwar me is technische, aber bispielswiis de video codec VP8, wo google am voratriibe isch. si hend d bude wo de ursrpünglich entwickled het ufkauft und hend de codec open source gstellt, demits e freii alternative für de .h264 codec hend...
falls der .h264 nüt seit, dass isch das format, wo di meiste cams (gad wenn HD druf stat) hüt zu tags ufnemed (im amateur bis semiprofesionelle bereich). was praktisch niemert weiss isch, dass de codec nöd frei isch. sobald du material hesch, wo länger als 20 minute isch und du das zu gewerbliche zweck nutzisch (je nach dem chas scho lange, wenns ufere siite azeigsch wo werbig gschalte wierd), denn muemer lizenze zahle. han zerst dumm glueged wonis erst mal glese han, aber bi minere cam stat das au explizit i de aleitig drin. ich dörfti nöd en 30 minütige churzfilm mache und de denn verchaufe, obwohl d kamera mier kört. git en recht interessante artikel dezue, google findet me
=> http://www.osnews.com/story/23236/

wött jetz nöd wienen google fanboy töne (warschindli scho z spat ). ich nutze eifach ihri dienst und bin zfride demit und minere meinig na handlet google als firma (was google schlussendlich isch) einiges vorbildlicher als anderi und probiert sich doch ehner de missständ z widersetze. aber gwüssi sache mues halt au google ihalte. det heissts eifach entweder ier mached mit oder ier sind gsperrt i eusem land. und bis zumene gwüsse grad gebeds halt eifach na. ebe, perfekt sinds no lang nöd, aber für mich stecheds momentan doch ehner positiv als negativ hervor...

ich verstehe all die bedenken zur Zensur und zu einseitigen Information.

nur denke ich ist es fast das selbe mit der Religion... ich verstehe nicht ganz wie man bei einem System mitmachen kann und gleichzeitig sagt es müsse sich "ändern".
Auch von Google jetzt zu verlangen das sie in China keine Zensuren durchführen find ich einwenig weit hergeholt, zumal Staaten wie die USA oder auch ganz Europa sich schön brav an China halten und nur am Rande die Menschenrechtsverletzungen in China "erwähnen". Kommt ein Staatsbesuch werden die Demonstranten nur in der Ferne gedultet. Tibet, gar kein Thema... die chinesische Regierung durch die Ehrung von Menschenrechtskämpfer zu verärgern kommt auch nur sehr selten vor. Wie kann man so von einem Konzern verlangen das er sich von China nicht unterdrücken lässt wenn ihm die ganze Rückendeckung fehlt, ja sogar, jetzt wie bei Wikileaks rauskommt das ja auch die "sauberen" Staaten recht viel dreck am stecken haben in sachen Menschenrechte und information preisgebung.

Das Internet soll offen bleiben, dazu müssten sich aber zu erst mal die sogennanten demokratischen Staaten bekennen. Was sie in Sache Wikileaks jetzt aber deutlich "verneinten".
Mich stimmt eher bedenklich das sich zB Apple rausnimmt die Funktionen ihres Mediums zu zensieren. Das wär so als würde Windows sagen welche Internetseiten oder Informationen auf dem PC angezeigt werden dürfen und welche nicht.

am Ende bleibt, ob ich einer Information glaubwürdigkeit schenke oder nicht. da ich auch mit den Infromationen aus dem Internet vorsichtig ungehen würde, ist mir zB nicht so wichtig ob dies nun alles stimmt, oder nicht, ob dies nun manipuliert ist oder nicht... mir belibt bei informationen, egal woher sie kommen, am ende immer das selbe, glaub ich sie, oder glaub ich sie nicht...

über diese Youtube aktion von Google hab ich mich auch genervt, da ich die grösste mühe hatte mein Account zu verknüpfen.
aber ich geniesse wieder die Vorteile von unserem leben, einfach schöne musik je nach lust und laune auf dem Internet zu hören. welchen "preis" dafür bezahle, ob jetzt ein paar werbungen "rumstehn" ist mir eigentlich egal. meine anmelde e_mail ist es ein spam-mail account... also was solls. ich finds einfach nur cool in einer solchen offnen zeit zu leben, in der mir selbst die verantwortung bleibt auf was ich mich einlasse und auf was nicht.

und wenn wir unser "konsumverhalten" betrachten... wieviele elektronische Geräte, wie viele Kleider und andere Annehmlichkeiten stehen um uns herum die ein Etikett haben "made in: menschenunterdrückenden Staat".. ist es da nicht einwenig zu simpel auf Googel oder irgend jemand anderes zu zeigen?