Combe Grède Wanderung
Auso, bini ou wider mau uf dere Site gstrandet, weisi gar nid ob
das überhoupt no öpper verfougt u mi Vorschlag isch meh
ä Wanderig den es Plätzli abr i ha dänkt i müessis glich poste!
I has mit mire Fründin öppe vor eme Monat erwanderet und mir
hei leider mau wider keni Fötteli gmacht mir löle!
Auso mini Idee isch
Combe Grède Wanderig vo dr Station Villeret
(Bahnlinie Biel/Bienne - St Imier - La Chaux-de-Fonds)
via Gestler (Chasseral), via Nods uf La Neuveville(BE)/Le Landerons(NE)
je nachdem was de mit em Postouto gad besser geit
(nid z spät ga!! ou wenn dr ufstiig mit 2:40 deklariert isch,
mir hei mit gemütlichem Wandere öppe knapp 4h gha u obe abe bis
zum Poschi in Nods de ca. e Stung/einehalb u si när chlei spät dranne xi
u hei müesse ei lengi uf es Poschi warte!)
Wandersite: (unbedingt Aaluege!!)
http://www.wandersite.ch/Tageswanderung/761%20Jura.html
Isch auso sehr z empfähle, troumhafti Wanderi düre Waud, me mues scho
guet z fuess sii, geit rächt obsi, weme dür d'Schlucht ufechunt muesme no
chlei Chlättere (
auso nid unbedingt für Tier wi Hünd
dänkt ussert me chöni ne ohni problem über es churzes stück trage )
über guet gsichereti Leitere u när stigt me mitz dürne fasch
komplett runde Chessu i dr mitti vo unge her
näbe eme Wasserfau uf u chunt ufene
bezouberndi, Magischi Aahöchi! Es würkt wi imene
"Vergessene Welt" Fium odr i Jule Vernes "Reise zum
Mittelpunkt der Erde"!
Unbedingt z empfälle!!!
Ufm Chasseral (Gestler) het me de erfahrixgmäss e supper
ussicht über z Seeland, abeloufe chame de via Wäg oder
wär wi mir echli schneuer wott cha e abchürzig dürne
Waudschneise näh wo eim i chürzister Zyt fasch graad
dr Bärg zdürab iz chline Dörfli Nods füert, vom Dorfchärn
Gäge rechts dr Strass entlang chuntme zur Busshautesteu
wome de entweder richtig La Neuveville odr Le Landerons
mitem Postouto dr nächsti Bhf aastüred für Hei zue.