Xotix hat geschrieben:hmm d eier wachse bi mir im garte. Eusi hühnere sind immer wider mal 100% frei. sArgument, mich grusets findi au wider komisch. Da chuntmer eifach de moderni, hygienisierti mensch in sinn.
Aber stimmt scho, wir söte vegan lebe und das isch au guet möglich, gits ja au spitzesportler wo so lebet. Es git aber au ander argument gege veganer wie z.b. s vitamin b13 (oder so) womer bruchet für zellteilig oder sowas lustigs... was nur im darm fu tier produziert wird. Aber das sig anschinend eifach zum ufneh wen biz dreck issisch (ungwäschngis zeug z.b.) aber naja weis au ned wie toll so argument sind.
Isch doch gschisse was gsund isch solang di gsund fülsch. Wenich ez en chue het wo den mal schwanger isch find ichs nöd schlimm mal es glas abzknüpfe. Die ganzi Industrialisierig fu de Lebensmittel isch s hauptargument. aber naja, ich bin nonig sowit veganer zsie, ganz eifach.
chäs gits gnueg ohni lab sondern mit irgend sowas künstlichs, aber naja... au ned dr sinn fu de sach.
hey, findi okay, wennmer sini eigene hüehner hed und dene guät luägt. isch aber leider d usnahm. vo wäge 'moderne, hygienisierte mensch'. ich läbe ufem land, han en garte, ich wüehle ide erde, ich wett kei sterils umfäld und ich bin mer ned im gringschte zschad, mir dfinger dräckig zmache. ich bi au de meinig, chli dräck hed no nie öperem gschadt. ich finde, dass ichs en ekligi vorstellig find, toti tier oder duscheidige vo tier zässe, hed für mich nüt mit dem ztue. ich wett au ned unbedingt mueterchueche ässe oder fruchtwasser trinke oder bluet vore frau wo ihri täg hed oder so. da finds wohl au niemer komisch, wenn eim das eklet. aber villich gahts dir ja da andersch?
wägde vitamin, das sind zwei verschideni, wo du asprichsch. vitamin b12 chunnt tatsächlich eher i läbensmittel vor, wo eher sälte ufem alltägliche spiiseplan stönd, z.b. i lupine oder alge. deshalb isch das scho öpis, wo veganer druf sötted luege. ich dänk aber generell dassmer, egal wie mer sich ernährt, bewusst und vielsiitig sött ässe, wennmer wert druf leit, sich 'gsund' zernähre u alli wichtige stoffe ufznäh. luschtigerwiis chömed all bide veganer mit 'aber da fählt der doch iise, zink, vitamin d, ....', achtet aber sälber bi ihrer ernährig ned würkli uf usgwogeheit und abdeckig vo dene stoffe. ich glaub, die meischte veganer känned sich besser mit ernährig us und ernähred sich vill gsünder als omnis (ganz abgseh devo, öber grundsätzlich glaubt, dass tierlichi produkt gsund sind oder ned'), eifach will sie sich vill meh demit usenandsetzed. isch ämu mini beobachtig i mim umchreis.
nomal zrugg zum vitamin b12. git z.b au zahpaschta mit vitamin b12 oder ebe regelmässig alge oder lupine und so ässe, oder halt supplementiere. und ja, i z.b. ungwäschnem gmües hedses au teilwiis, aber det chunnt üsi überhygienisierti gsellschaft de doch no zum träge, bi üs chamer so ned druf gah, gnue vit. b12 ufznäh.
sandere wo du meinsch isch vitamin d3, das gits tatsächlich nur alls tierlichs produkt. das isch aber keis thema, da üse körper sälber vitamin d produziert, wennd dsunne uf üsi hut schiint. im winter hend darum fast alli lüt, egal öb vegan oder ned, en vitamin d mangel, es wird empfohle, im winter zsupplementiere. asüschte eifach gnueg veruse und wenn möglich jede tag z.b. dunterarme ohni sunnecreme für es paar minute id sunne hebe.
klar, ich dänk au, es isch weniger schlimm, wenn 'mal en chue hesch, wo mal schwanger isch u de dere chli milch abzchnöpfe'. realität isch aber, die chüeh sind höchzüchtet um völlig unrealistischi mänge a milch zgäh, werded gschwängeret, chum isch s chalb u de wält, wirds ihre wäggnoh (was, wännmer a d liidfähigkeit vo tier glaubt u dreaktione gsehnd denah us, es traumatischs, schmerzhafts erläbnis isch) und dmilch wird füre mänsch brucht. das immer wider, bis sie nümm gnueg 'produktiv' isch, denn wird sie tötet. so laufts. und au dä nätti buur ume egge wird keis 'chuehaltersheim' ha, er luegt villich chli besser, wird aber vermuetlich dchüeh genauso lah schlachte, sobald sie usdient hend. also ich find das en zimlichi kackvorstellig, so zläbe und wett ned tuusche... abers halt nümm understütze. und vo wäge 'nonig so wiit'... wennmer wott, gahts. wenn mer ned wott, natürlich ned.
klar chamer positivi energie i jedes ässe inegäh. chasch di au super fühle, wenn en burger vom mcdoof issisch. glaub isch aber energetisch und vor würkig ufe körper her scho ned ganz sgliiche, wie öpis sälberkochets mit früsche zuetate. nur so als biispiil.
wägem chäs, gseh ich au so, ned de sinn vo de sach, de was künschtlichs znäh. lab usem mage vo tote chälber znäh find ich aber au ned de sinn vo de sach. gseh generell nümme vill sinn hinder dere ganze sach.
Aber no zur Info... bin früener au än krasse Fleischtiger xi.. immer die beschte Stuck, eigentlich täglich... aber isch etz scho lang her, woni uf obige einzig logische Schluss cho bin, und entsprächend radikal ghandlet han...
)
