oldschool goa?

[mäsi]

ui ui ui....han da ja grad es paar ganz geili sache entdeckt....

hed also es paar ganz cooli typs da drin

also ich ha eigentli nume nu ganz wenig witerfüehrige

das wäri mal:

Anthias "what`s in your fantasie" so heisst ds album glaubs

und den sicher au mal Tristan mit em Audiodrome- album

oder Abnormal, Exotonic, Power Source, Endora, Kundalini, Kayseri, Hallucinogen, miranda, Chi Ad

Rainbow Spirit, Sheyba

mir persönlich gfallet halt au die alte sache vo etnica, astral projection, cydonia, kox box und juno reactor...
aber es git eigentli nu sovill...mer gfindet immer wieder ganz geile hammer sound vo früener...


und ich ha hie en chline gheimtip: isch zwar neue Sound, findi aber hammerhammer geil: FILTERIA "Heliopolis" also für mich isch das Album es wahrs Kunstwerk!

[Dragonfly]

Auso weni mi itz so chli dür die youtube-Links düreklicke denn muesi irgendwie zimlech stuune.....i meine, oldschool goa isch jo hützutags chuum me aktuell, hingäge chunnt wini ghört ha immer meh das Darkpsy-Gehämmere uf. Nüt gäge Darkpsy, cha zwar nid viu drmit afo, aber wäms gfaut....aber die Hochblüete vom Goa isch jo so zwüsche 94 und 98 gsi und dä Sound vo denn isch itz eifach "verautet".....aber irgendwie findi dä Sound het so viu meh Würze, grad dür das dases vilicht no äuteri Synthies si und irgendwie no e Art "Dräck" im Sound drin isch, überchunnter e wahnsinnig schöne Klang. Und hützutags isch dr Sound scho so perfekt dases eifach längwilig wird....
Wie söu me sich die Entwicklig vo gfühlsvollem, schönem, mystischem, melodiösem Goa zu monotonem, aggressivem Darkpsy erkläre? Macht für mi irgendwie kei Sinn.....

[Zauberhäxli]

Du sprichts mir aus dem Herzen Dragonfly!!!

[Zauberhäxli]

Ich bin halt chli nostalgisch veranlagt, was nöd heisst das mir nöie Goa nöd gfallt...

[piraña]

...ich liebe lüüt, wo gnau änelueget&losed...
...ganz egal, welli ziit si "verpasst" hend...
...wenn mer so lüüt ihri adrässene per pn schicket, dene würd i sogar so züüg brönne, und heischicke

[Dragonfly]

I ha bishär nume neue Goa kennt und das hetmer am Aafang irgendwie au gfaue, am Aaafang hani sogar Darkpsy sehr toll gfunde. Aber da ig eigentlich eher uf Melodie aus uf Gehämmere stoh, hani denn je länger je meh in Richtig Fullon tendiert und itz vor 2 Wuche ungefähr hani dä "Urgoa" entdeckt und merke: das isch no e Wäut für sich, das isch irgendwie no ganz öbbis anders und sehr genials was damals in Goa säuber entstande isch (bi nid drbi gsi, aber nimes mou aa ). Und do merktme würklech dr Iifluss vor traditionelle indische Musig. Und die indische Melodie mit däm urchige elektronische Sound und däne triibende Beats...das isch eifach umwärfend mitriissend findi!!!

[Cat]

Hallucinogen http://www.youtube.com/watch?v=fH_8e9JYtRs
Prana http://www.youtube.com/watch?v=758yo7Yx ... re=related
Green nuns of the revolution http://www.youtube.com/watch?v=TCgL3XGz ... re=related
Electric universe http://www.youtube.com/watch?v=YLJgW00t494
Hux flux http://www.youtube.com/watch?v=AJYfwAD31UU
Chi-a.d. http://youtube.com/watch?v=kSYFcMSe6UI&feature=related

...und natüterli die alte Infected *scnr*
http://www.youtube.com/watch?v=UZB7ApwMn6w
http://www.youtube.com/watch?v=xmIckQF4QG8
http://www.youtube.com/watch?v=xn1nsnBSwro

...und ebe na ganz ganz vil meh, wo mer leider kei videos oder hörprobe find

[Cat]

Und hützutags isch dr Sound scho so perfekt dases eifach längwilig wird....

Word! Tönt viles gliich, 08/15, Masseproduktion, Labeldruck, Liferigstermine iihalte, husch-husch, Mainstream
Isch leider zun ere sehr churzläbige Szene worde. All wänd immer nur na 's nöist und am liebste na bevors all andere händ. En Monet spöter frögt kei Sau meh drnah... Git leider nur na wenigi nöii Schiibene, wo so individuell sind, dass sie d'Chance händ zun ere Jahrhundertschiibe z'werde.

Wie söu me sich die Entwicklig vo gfühlsvollem, schönem, mystischem, melodiösem Goa zu monotonem, aggressivem Darkpsy erkläre? Macht für mi irgendwie kei Sinn.....

Mir läbed in ere andere Ziit, ganz eifach... Ebe, schnäll, nöi, bekannt, das isch wichtig hüt...
Sich profiliere um fast jede Priis. Chönne säge, ich bin au debi.
Und minere Meinig na, au wänn mir vil Lüütli immer wieder widerspräched, händ da au die nöie, oder vo mir us au, die wieder modernere Droge en g'waltige Iifluss.
Pülverli und Pilleli Uufputsche muesses, aatriibe, glücklich mache, gschnäll iifahre und eifach z'händle sii.
Nur die wenigste sind na uf dä Suechi nach innere Erfahrige, hüt isch mer nur na uf dä Flucht vor em Alltag. 's gaht nüme ums Uusbräche, sondern um's Abschalte. Und am Mäntig muess mer ja wieder fit sii, zum chönne sich wiiter behaupte im ständige Druck vom Pruefs- und Alltagsläbe. Aber für das git's ja au wieder Pilleli *hehe*
Andere Zeiten - andere Sitten - andere Musik

[Cat]

P.S.

...känne paar Lüüt, wo säged, die alti "Goa"musig isch Scheisse xi, ebe wil's halt eifach produziert's Gedudel isch, bös xeit, aber dazumal händ's ja au nanig die technische Mittel g'ha wie hüt. Hüt cha sich drfür dä Hans und dä Heiri es Musigprogramm zue tue und druflos komponiere. Dazumal hät mer doch vilicht nachli meh müesse verstah vo dere ganze Prozedur, zum überhaupt öppis hörbars anez'bringe.
Aber öppis muess doch dra xi sii, a dem "Gedudel" sust wür das hüt ja niemert meh lose. Und es fröit mi ungemein, dass es doch na einigi git, wo hüt na dä alti Sound plötzlich für sich entdecket. Mal luege, wie mänge so in 10-15 Jahr na nach dem Sound fröged, wo hützutags a Parties g'spillt wird... Da bini ächt g'spanne und hoffe schwär, dass ich 's na därf erläbe

[Anditronik]

hehe chätzli da kommt mer doch mega bekannt vor
känne do au de eint oder ander gäll sissi-klaus
für mich isch halt das alte züegs en erinnerigs wert woni ned misse wot
woni no a partys gange bi wäg em sound!
dazumal ischs halt ned besser gange mitde techn. mittel und grockt hets anderst
vode guete alte ziete schwärm.......
wird ändlich wieder mal ziet füren alteschule pooarddy

p.s. i 15 johr loose mer all numme na d.i.s.c.o-k.l.a.u.s.i

[Dragonfly]

I 15 Johr steut me anstell vomene DJ eifach e Bauarbeiter miteme Presslufthammer vorne häre.

[Cat]

I 15 Johr steut me anstell vomene DJ eifach e Bauarbeiter miteme Presslufthammer vorne häre.

*ganz-luut-usegröööööhhhhl*
Danke vilmal Dragonfly, für dä Lacher a somene chalte, näblige Sunntig. Genau das hani jetzt bruucht...

http://i138.photobucket.com/albums/q274 ... 30_126.gif

@ anditronik
*schiiheilig-mitpfiif* ...wie seit er amigs so schön: 64bit Amigagedudel?

"wird ändlich wieder mal ziet füren alteschule pooarddy"

Tue D'r bloss känn Zwang aa, bi sicher die erst wo uf dä Matte staht, und chume au vo Härze gärn go hälfe. Weisch ja jetzt wo D' mi findsch...

[piraña]

...man soll nicht über das alte herziehen - denn ohne, hätte es das neue auch nie gegeben...

...auch soll man nicht über das neue herziehen - denn ohne, würde ich das alte nicht so schätzen...

...es gibt bei neu und alt sachen, die gut oder sehr gut sind...

...das heisst, mir gefallen, oder nicht...

...der unterschied liegt für mich daran, dass es früher weniger auswahl gab, jedoch trotzdem mehr brauchbares zu finden war, als in der heutigen, unvergleichlich riesigen auswahl...

...früher hatte das ganze irgendwie mehr spirit, heute ist es dafür umso tanzbarer - manchmal zu durchschaubar tanzbarer...

...also, ich werde weiterhin am neuen und am alten meine helle freude haben, denn an beide sind schöne erinnerungen gekoppelt, und beide sounds lösen etwas in mir aus...

[Jones]

da fallt mer gad de cosmosis ih, mit sim album "Psychedelica Melodica" modern, abr glich mit de alte melodie, er het das sehr schön gmacht..

[Dragonfly]

Oder äbe: Innerpolarity vo Vox (==> siehe CD-Kritik-Thread). Dür das bini eigentlich ersch ufe oldschool-Trip cho.
Ektoplazm isch sowieso e geniali Site, au die beide Golden Vibes hei sehr glungni oldschool-Tracks druffe.