Irland

[dex]

Hallo zäme. Ich werde imene halbe Jahr nach Dublin zügle für 1 oder 2 Jährli. Isch öper vo euch scho mal dert gsi und het e chli, Erfahrige über dem Land?

[TiA]

bin im herbst für en monat in irland xsi, 4 wuche bin ich in dublin selber xsi...
...mal überlege was wüsse söttisch: wenn mitem bus oder auto am morge go schaffe muesch, denn unbedingt gnueg früeh gah, will teilwis hesch mitem bus 1 1/2 h für e strecki wo normalerwis nur 15 mins bruchsch
... hans au na recht tür gfunde s lebe in dublin
... wennd mal ide stadt unbedingt ufs wc muesch, denn empfehl ich dir de McDonalds, will isch eis vo de wenige WC's wo einigermasse suber isch
... obwohl ich nur 4 wuche xsi bin, hani einigi unangnehmi erlebnis gha, aber es hett mir trotzdem sehr gfalle
... pünktlichkeit isch nöd soooo wichtig (wahrschindlich wegem verkehr)
... wenn mal frei hesch unbedingt mitem zug direkt us de stadt as meer fahre! isch seeehr schön!!!

weiss halt nöd, ob etwas chasch demit ahfange... muesch dir halt selber es bild mache, aber mir hetts extrem gfalle und ich würd sofort wieder gah (wohl meh ufs land)

[dex]

Merci für d antwort. Ja sowiet bin i eigentlich au scho. Bi ja mal 3 Täg in Dublin gsi. Osser de mit de WCs isch mer neu

[satropa]

hallo dex
Dublin find ich nid so toll., rächt viel kriminalität. schlägereie sind an der tagesordnig. Ich han es johr an verschiedene ort im weste vo irland gwohnt. galway, letterfrack, tuam und renvyle, in clifden ha ich 7 monate gschaffet.
Ich bin mit eme irländer verhürote gsi und han somit sehr en grosse Iblick in kultur übercho. D'mensche sind streng katholisch, jedoch het sich dä glaube mit alte keltische element verbunde. im weste isch das no sehr lebendig, dört rede sie au no gälisch, e wunderschöni sproch. der hang zur melancholie, isch de irländer glaub in d'Wiege gleit worde, das isch villicht au der grund für die riesemengi alk, wo die chönne schlucke, 15 pints a night sind kei prolem, und zum abschluss no es paar hot whiskey's, also trinkfest si, wenn mithalte willsch.
am obig hets in de pubs während de saison meistens live traditional sound, mängisch super qualität und mängisch halt nid so tolle performences.
es git mega viel zum säge......kann gar nid alles ufschriebe ask was genau du wüsse willsch. ah no öppis wichtigs viellicht, am halb12 isch polizeistund, denn spiele sie nationalhymne und alli stönde uf und das in jedem pub! mer darf au d'liebe vo de ire zu ihrer insle nid mit strengem patriotismus verwechsle, sie liäbe ihres land wirklich, will es sie nährt und sie es scho es paarmol um es hoor verlore hätte ( an d'Engländer z.B, oder die grossi hungersnot anno 1845)
D'ire sind gegüber em kiffe und süscht im konsum vo droge eher weniger liberal igstellt, emel vor 10 johr, wo ich dört gwohnt han, evtl, het sich das geändert. Goverment isch sackstreng gsi, trotz dass pilzli während der saison sozusagen im garte wachse, und das zu hauf

[dex]

Danke das sind doch scho gueti infos. De muess i ja schnell mal mini trinkfestigkeit ufarbeite hehe.

I werde die sösch per PM kontaktiere wenns recht isch und i no es paar konkreti Froge han. Isch ja erscht i 6 Mönet sowiet aber i wot mi halt guet vorbereite.

[M!GuZ / Wasabidelux]

das isch villicht au der grund für die riesemengi alk, wo die chönne schlucke, 15 pints a night sind kei prolem, und zum abschluss no es paar hot whiskey's, also trinkfest si, wenn mithalte willsch.

De muess i ja schnell mal mini trinkfestigkeit ufarbeite hehe.

Ja aber das esch en machbari sach send ja nume öppe 7.4Litter Bier und e paar whiskeli

[dex]

Ja aber das esch en machbari sach send ja nume öppe 7.4Litter Bier und e paar whiskeli

Da chan i mi jo langsam druf häre schaffe... fange a mit 3 Liter und 1 whyskie und schaffe mi de ufe hrhr

[Hallucinelve]

Ich bin letscht Jahr au z Irland gsi, u.a. in Dublin. Bin mit em eigene Auto vo dä CH us gange. En Tipp: CHUM NÖD UF D IDEE MIT EM AUTO IN DUBLIN UMEZFAHRE!!! Das isch dä reinschti Horror... Ansonste isch Dublin e kuuhli Stadt, aber s Land drum herum no vill vill schöner und lebändiger... Gnüsses, ich beniide dich.....