tja das isch würklich no schwirig zum definiere..wiu es hangt natürlich stark vom eigene empinde ab und vom alter und evtl. ou vo wie lang me scho a psypartys geit..wenn me (ersch hihi) so ab 2001 isch derzu cho de het me evtl und je nach partys wome xi isch de alti sound no gar nie zu ohre becho, wiu es isch eigentlich bis vor churzem so gsi das alli immer wiiter hei welle, sprich dr sound und vorallem soundqualität inkl technik und so het sich immer wiiterentwicklet und isch natürlich scho massive besser bezw fetter worde i dene guet 15 jahr..loset scho nume mal dr unterschid bide kickdrums a, das si welte zwüsche 95 und jetz...aber es het natürlich när derzu gführt das alli djs immer di neuste tracks hei welle(müesse?) spiele...das oldscool revival wo im moment grad louft, isch no nid lang, und i findes sehr geil das im moment wieder chli zrügg zu de wurzle und so agseit isch...mi ghört das bi vielne neue release use..zwar mit fette moderne soundz aber es wird wieder me uf harmonie und so gachtet, nid nume wär cha die abdreitischte breaks und noizes mache, sondern me feeling!!!..
aber zrügg zu dire frag..also für mi isch eigentlich so alles wo vor 99-2000 isch usecho oldscool, als wo nacher isch cho demfall newscool
das isch ou die zit gsi wo die ganzi goakultur e riesige sprung het gmacht usem underground und immer wie me lüt het i si bann het zoge...für mi isch denn solipse99 party in ungarn eigentlich dr zenit gsi vo dem ganze, dört isch alles nomal zämegflosse alli lüt dr sound und vorallem dr spirit...me isch nid möglich als das....i ha gwüsst das es wird eher hindeabe ga jetz mit dr energie und so ..und goa isch immer wie populärer worde und komerziger nacher leider..dr fullon isch cho, me het afa unterscheide zwüsche de stils wie das isch progi und das isch psy und das isch fullon..hets vorher nid gä so..da hets eifach langsameri oder schnelleri nummere gha basta..irgendeinisch hei no die applause zwüsche jedem dj agfange när hani denkt ou my god
was chli schad isch, viel mucke so vo 95-99 chame gar nüm uftribe, isch wahrschienlich viel nume uf vinyl usecho und so..oder halt eifach underground zügs wo gar nie richtig isch veröffentlicht worde...
i cha euch nume säge, es het scho im 96-97 huerefette beat gä, ou progimässig und so..es het viel me gä als (nume) astral procection und co..aber ebe das si irgendwelchi englischi oder israeli oder aussie oder japaner djs gsi wo i vorallem in asien ha ghört gha....
ok bis zum nächste
peace